Kabanata 5

BUMABA si Maya ng taxi at excited na naglakad patungo sa restaurant. Hindi niya alintana ang mga taong nababangga niya dahil sa pagmamadali.

Papunta siya ngayon sa restaurant kung saan naghihintay ang lalaki. Natigilan na lang siya nang may bigla siyang marinig sa kaniyang likuran. Isang pamilyar na boses iyon.

Nilingon niya iyon at bumungad nga sa kaniya ang lalaki. Ngumiti siya.

“Nandito ka pala.” Tinapik niya ang balikat nito.

Nagulat ang lalaki at nangunot ang noo habang nakatingin sa kaniya.

“What?” naguguluhan nitong tanong.

Ang gago! Makikipagkita ba talaga ito sa kaniya? Bakit hindi siya kilala? Ano ito, gaguhan?

“Nakalimutan mo na kaagad ako, Mr. Pogi?” Kinagat niya ang ibabang labi, na lalo pang nagpakunot ng noo nito. Maya-maya pa ay sinuri siya nito mula ulo hanggang paa.

“I don't know who you are, woman. Did we meet before?” tanong nito kaya napahagalpak siya ng tawa.

Jusko! Sasabog yata ang puso niya.

“May amnesia ka ba, Mr. Pogi? Bigla bang nagbago ang isip mo? Hindi ba't magkikita tayo roon?” aniya sabay turo sa restaurant na pupuntahan sana niya. Nginitian lang siya nito.

“I don't have amnesia. I'm Light, and don't call me Mr. Pogi. It sounds seductive. By the way, I'm not the person you've met before. I think... or maybe it was my brother, Blight.”

Nagulat siya.

So, Blight ang pangalan ng lalaking iyon. At ito ang kambal niya?

Wow!

Magkamukhang-magkamukha sila—mula ulo hanggang paa. Maging ang boses ay halos parehas na parehas. Isama pa ang nakakamatay nitong ngiti na katulad na katulad ng kay Blight. Hindi siya makapaniwala.

“K-kambal kayo?” hindi makapaniwala niyang tanong.

“Yes, we are twins. And who are you?”

Ngumiti siya.

“I'm Maya Cruz,” pakilala niya sa sarili habang kinakamayan ang lalaking nagpakilalang Light.

Shit! Pareho silang pogi.

“Nice to meet you, Maya Cruz. I am Light Elizalde, the twin brother of Blight Elizalde.”

Wow!

Muli siyang nagulat sa apelyido nito. Ang ganda at talagang pangmayaman. Maganda kapag idudugtong iyon sa pangalan niya.

Maya Cruz-Elizalde.

Oha!

Ang bongga! Mukha na siyang mayaman.

Ngumiti muli siya at mabilis na binawi ang kaniyang kamay. Isa pa, baka naghihintay na si Blight kaya kailangan na niyang magmadali. Nagpaalam muna siya bago tuluyang umalis.

Nang makarating siya sa pinto ng restaurant, kaagad siyang pumasok. Hinanap ng mga mata niya ang lalaki at hindi naman siya natagalan dahil agad niya itong nakita sa bandang tabi. Dali-dali siyang lumapit dito.

“Why are you late?”

Bigla siyang kinabahan sa klase ng tono nito.

Bago sumagot ay umupo muna siya sa tapat nito.

“May ginawa pa kasi ako. Bakit mo nga pala ako pinapunta?” tanong niya.

“I want you.”

Sabi na nga ba.

Hinding-hindi siya makakalimutan ng lalaking ito. Paano ba naman kasi, naging tigre siya noong gabing iyon.

“Alam ko na ang pangalan mo,” may kumpiyansa niyang sabi.

“Tell me,” anito.

“Ikaw si Blight Elizalde at may kambal kang si Light Elizalde. Alam mo bang magkamukhang-magkamukha kayong dalawa? Kano ba ang tatay ninyo? Parang wala kayong ipinagkaiba sa isa't isa, at pareho pa kayong guwapo. Pero type ko iyong kambal mo, ha. Iba ang dating niya sa akin, eh!”

“So, you already met my fûcking brother?”

“Oo naman. Bakit may salitang 'fûcking'? Ang sama mo namang kapatid,” aniya.