Novels by Nana Wahba

"جيلان ...جيلان " انتبهت جيلان و هى تسمع صوت جنى فهزت رأسها بتشوش و هى تعود لداخل الغرفة مغلقة الشرفة خلفها ، ليخرجها صوت جنى اختها من بحر ذكرياتها المتلاطم الأمواج إلى الشاطىء لتأخذ هدنه ، كانت فعلا بحاجه لها قبل ان تعود للعوم من جديد في الامواج الهائجه للذكريات التى اخذت تهاجم عقلها كوحوش ضارية ، تنهش فى فريسة ضعيفة ، لم تكن تمتلك أى قوة حتى ، لتحاول الهرب منهم ، فتركتهم ينهشوا فيها باستسلام و خنوع ... التفتت بشحوب نحو جنى اختها التي كانت عائده للتو من كليتها لتندفع نحوها بلهفة و قلق هاتفه و هى ترى وجه اختها الشاحب و الدموع فى عينيها قائله بجذع : - " مالك يا حبيبتي ؟؟!! منيرة قالت لى انك رجعتى بدرى و انك شكلك مش مطمنها ." وتابعت وهي تنظر لوجهها الممتقع والدموع المختزنه بعيونها بتوتر، لتنفجر جيلان في البكاء فجأة ، لتسرع جنى بجذبها لتجلس على السرير وهي تاخذها في حضنها قائله بتوتر وجذع شديد: - " مالك يا جيلان ، وقعتي قلبي في ايه؟ ! - " فارس يا جنى ، طلع صاحب الشركة اللى انا بشتغل فيها ." اندفعت قائله بكل اسى ومرارة و هى تزداد نحيبا و جسدها يرتجف . -

زفرت أنفاسها بتوتر و هى تنظر له باضطراب اشد ، ومدت يدها لتضغط على بصمه الموبايل لتفتحه ، ازدادت تقطيبه وجهه و هو يفتح سجل مكالماتها يبحث في الاعدادات ليجدها مفعله خاصيه اغلاق الهاتف لرقمه .لينظر لها بتوعد مكتوم و قد رفع احد حاجباه بغضب ، وهو يلغي تفعيل الخاصيه مصرا على أسنانه بغيظ ويلقي نظره سريعه على اخر مكالمات وصلت لها قبل ان يلوي فمه قائلا بتحذير جمد الدماء فى عروقها : -" جيلان....... وحياتك عندي لو لعبت معايا كده تانيما تلوميش الا نفسك ، ارتاحي دلوقتي ونامي ....كلميني اول ما تصحي عشان نتقابل ، قدامك ثلاث ساعات مش اكثر انا هروح فيلا قريبه منك هنا ...... ماشي ؟!"هزت راسها بخنوع دون ان تتكلم ليطلق هو لعنه مكبوته ويجذبها بين ذراعيه يدفن راسه في شعرها مشبعا رئتيه برائحتها التى يعشقها قائلا :- " انا هنسى كل الحوار الزباله اللي قلناه ،مش عايزه افتكر منه حاجه ، نقطه ومن اول السطر .......فاهمه ؟! " كانت تشعر انها تودعه ولم تقاومه و هو يدفن راسها في صدره ويده تهبط وتصعد على ظهرها متمتما في اذنها بنبرة مثيرة خشنة خافتة : - "فاهمه يا قطتي ولا.. لا ...." اومأت برأسها و هى تشعر ببوا

تجاهل فارس صراخها واعتدل رافعا اياها لاعلى قائلا وهو يضمها بقوه :-" اهدي ما عملتش حاجه.... اهدي يا جيلان بقول لك، انا ما عملتش حاجه انا مش واحد قذر عشان تفتكرى انى ممكن اعمل كده ....اهدى ".طمأنتها جملته و لكنها مع ذلك، اخذت تقاومه و تصرخ بجنون من منظرهم الحميم والتصاقه بها هاتفه بتقطع و انفاسها تتعالى من انفعالها الشديد : -" ازاي ....ازاي..... ازاي تقعد جمبى كده؟؟!! انت اتجننت ... اتجننت .. انا بكرهك.... سامع بكرهك وبكره اليوم اللي انا شفتك فيه ...امشي من هنا".-"جيلااااااان " هدر بصوت مدوي وهو يقول بتحذير مرعب بصوت كالفحيح و اصابعه تغرز فى خصرها بشراسة:-" اخرسي....... والا قسما بالله اكمل اللي ما مكملش ، انا لغاية دلوقت لطيف معاك و متحكم فى نفسى بطريقة انتى مش متخيلاها ، اظبطى معايا وأنهى الجنان اللى مسكك ده ، بدل ما أنهيه انا بطريقتى . "تبع عبارته بدفعها بقسوه على ظهرها فبدأت في مقاومته و قد برقت عيونها بهلع وضربته صارخه :-"انت بتهددنى .. ابعد عني.... انت عايز مني ايه......".- " عايزك ...... سمعه ؟؟؟!!! عايزك .... ومش قادر ابعد عنك ، هننسي كل الكلام اللي اتقال ، و نقطة و من

انتفضت على صراخه النافذ للصبر لتعود للكارثه التي هي فيها وتقدمت بتوتر نحوه لتقول برجاء أمدها به خوفها منه : - " ممكن ننزل تحت؟؟!!" - " لا " قال ببروده قاتله وهو يجلس بارتياح على الاريكه المريحه الموضوعه في الغرفه والقى ظهره للخلف ناظرا لها بطريقه دغدغت مشاعرها وهو يقول بصوت حاول ان يجعله هادئا قدر الامكان الا انها كانت تعلم ان الهدوء هو أبعد شيئا عنه الان : " تعالي." وأشار بيده لمكان بجانبه لتبتلع ريقها بصعوبه متجاهله اشارته لتجذب كرسي التسريحة وتجلس عليه بتوتر واصابعها ترتجف و هى تفرك كفيها بحركة تعكس مدى توترها ،دون ان يفوت فارس اي تعبير او انفعال لها وقد بان عليه حيره وقلق خفي وابتلع ريقه باستسلام محاولا تهدئة نفسه و احتواء غضبه بقوة خارقة ليقول بمهدانة و كأنما يتحدث مع طفل صغير : - "ايه الموضوع مالك يا حبيبتي؟ !! فهمينى ايه اللى حصل النهاردة ؟ !!"قال ذلك برقه ناعمه وهو ينظر لها بحنان وصبر وهي مذهوله تنظر له بداخلها يصرخ كيف يستطيع التمثيل هكذا وابتلعت ريقها بصعوبه بالغه، وهي تشعر بحلقها جاف ولكن الغضب المتجمع بداخلها كان من العنف، بحيث اجبرت نفسها ان تكون قويه

تركتها جيلان تقوم بذلك ثم عادت هي لتتحدث مع اختها التي قالت بلهفة متوتره : "مالك يا جيلان في ايه يا حبيبتي؟ ..... صوتك مقطع لي قلبي....... انت اتخانقتي مع فارس؟!"سحبت جنان نفس متألم قبل ان تقول بمرارة: -" فارس كان بيلعب بيا يا جنى..... بيحب بنت خالته وواخذني كوبري عشان ينتقم من اسره السيوفي ...بصي، أنا فعلا دلوقتي مش قادره اتكلم ، هفهمك كل حاجه بس انا دلوقتي تعبانه ومش قادره اتكلم .....قولي لبابا وماما اي حجه يا جنى وانا هحاول ارجع على بكره ."- " جيلان انتى بتقولى ايه ، انا مش مصدقه كلامك ده .....مش ممكن يا جيلان انت ما مسمعتيش صوته كان عامل ازاي و هو بيكلمنى.... كان زي المجنون من القلق عليك لما ما رحتيش في ميعادك انت جبتى الكلام ده منين؟!!" - " جنى... أرجوكى ، انا مش قادره اتكلم دلوقتي." -" طب انا هاجيلك دلوقتي يا جيلان." هتفت جنى بذلك بحزم واصرار لتقول جيلان بسرعه وعصبيه: - " لا خليكي عشان تغطي غيابي لو جاسر اتصل مش طالبه عصبيته هو كمان والنبي يا جنى، انا كده كده هاجي بكره وهحكي لك كل حاجه بس دلوقتي انا مش مستحمله والله ."فقالت جنى برقه وحب :" خلاص تمام يا حبيبت

انتفضت جيلان واقفه وهي تنظر بعيون تبرق بالدموع نحو ساعتها لتجدها اصبحت العاشره وقالت لنفسها : -" لا مش هقدر استنى للساعه 12:00 انا هروح له الشغل دلوقتي ." واسرعت ليلى تقول وهي تجدها تلتقط حقيبتها بعصبيه بالغه : -" ايه رايحه فين يا جيلان ؟! " -" لفارس...... رايحه الشركه ." قالت ذلك بكل تصميم وذقنها يرتعش ، لتهز ليلى راسها بتفهم وتقول برقه : -" قلبي معاك يا حبيبتي ، طب اجي معاكي؟!" تحركت جيلان بضعف وهي تقول ببؤس: -" لا شكرا يا ليلى.. " واندفعت خارجه ولم ترى تلك التي التقطت موبايلها بلهفه وسرعه لتتصل على رقم ما وتقول بانتصار و حقد : "كل شيء تمام هي جايه الشركه دلوقتي ." لم تعرف "جيلان" كيف وصلت لشركه فارس كانت راسها كأنها حقل ألغام ولكنها رغم كل شيء كانت تشعر انها بمجرد ما تتكلم معاه هيطمنها اكيد هو مرضاش يقول لها عن اسرته لمعرفته بالمشاكل ما بين الاسرتين ، اكيد هو كان هيلاقي حل .....لكن منال معقول يكون بيحبها؟؟!! ضحكت وهي تغلق باب سيارتها وهي تهز راسها تنفى ذلك بشدة وتطمئن نفسها قائله: - " طبعا لا هي بس بنت خالته ....وهو بيحبني انا .....لا يمكن اكون اتخدعت في مشاعره