Chapter 6

HINDI KO alam kung paano ako napadpad ngayon sa tapat ng condo unit ni Shainara. Sobrang layo nito mula sa kumpanya namin pero kahit na ganoon ay nag-drive ako nang malayo para lang makapunta rito.

I can't wait until tomorrow, and I couldn't give her an earful through the phone. I wasn't even the type of person who'll go and barge into someone's house without the owner knowing it, pero sa ngayon ay hindi ko na talaga napigilan ang sarili ko at talagang nag-effort ako magpunta rito sa unit niya para lang sermunan siya.

"Shainara?" I called her as I clicked on the doorbell for I don't know how many times already. "Open the door, you dimwit," I said as I was trying to maintain my composure.

Ayoko namang mahila ng mga security guard dito dahil lang sa nag-eeskandalo ako rito sa harap ng unit niya. Hindi ko magagawa ang goal kong sermunan siya hanggang sa mapaos ako kung ganoon.

Pagkatapos ng iilan pang doorbell at ng paulit-ulit ko rin na pag-call sa kan'ya rito sa phone, sa wakas ay bumukas din ang pinto at bumungad sa akin si Shainara na pupungay-pungay pa ang mga mata habang nakakunot ang noo.

Kaagad akong napangiti nang makita ang suot niyang pantulog ngayon. Sleeveless shirt lang iyon at pahama na may tatak na hello kitty pero tuwang-tuwa na kaagad ako. Hindi ko alam na isinusuot niya pa rin pala 'to kahit na noong ibinigay ko 'to sa kan'ya noong birthday niya ay halos isumpa niya na ako dahil ginagawa ko raw siyang bata.

"Ano 'yon, 'te?" tanong nito sa akin habang kinukusot pa ang mga mata niya. "Gabing-gabi na, ah? Ang sarap ng tulog ko, eh-"

Magra-rant pa sana siya sa kung paano ko sinira ang mapayapa niyang tulog pero hindi ko na siya pinatapos. I'm here to get straight into the point. Hindi ako nagpunta rito nang personal para lang makipag-chikahan sa kan'ya, dahil kung 'yon ang pakay ko, sana sa call ko na lang siya kinausap.

"Kailan mo pa dine-date si Kleinder, ha?" halos hindi ko naitago ang disgusto sa tono ng boses ko nang itanong ko 'yon sa kan'ya. "The heck, Shainara. Alam na alam mo naman kung ano ang ikot ng bituka ng lalaking 'yon. Sa dinami-rami ng matitinong lalaki roon sa kumpanya, bakit kay Kleinder pa?"

My words were sharp and harsh, pero mas masakit pa sa mga salita ko ang aabutin niya kapag hindi siya nagising sa katotohanan na ang pakay lang sa kan'ya ni Kleinder ay ang katawan niya. He may look kind because of his facial features, but he's dangerous, way more than people could imagine.

He has the looks, the wealth, and the influence to hurt common people like me, and like her. Alam kong hindi siya mag-aalinlangan na iwan ang best friend ko kapag nagsawa na siya rito at kapag nagawa na niya ang lahat ng gusto niya. He's that heartless, and I am saying this with certainty.

"Wala ka namang gusto sa kan'ya, 'di ba?" nagtataka nitong tanong sa akin. Hindi ko alam kung na-absorb niya ba ang lahat ng sinabi ko ngayon lang, pero sa tingin ko ay hindi. Nakatingin lang kasi siya sa akin habang nakakunot ang noo. "Akala ko enemies kayo kaya okay lang-"

"Tanga, hindi ko siya gusto!" sigaw ko sa kan'ya na tuluyang nagpagising sa diwa niya. Nanlalaki pa ang mga mata nito sa akin na para bang binuhusan ko siya ng malamig na tubig kahit na hindi naman.

I tried to remain my composure as I tried to do deep breathing kahit na nandito siya sa harapan ko.  That's the most disgusting line I've ever heard throughout my life.

"Tanga ka kasi hindi mo siya gusto," sagot nito sa akin sa isang mahinang boses bago hinawakan ang kanang braso ko at hinila ako papasok sa loob ng unit niya. "Huwag kang magwala sa labas, 'te. Baka mahablot ka na lang bigla ng security guards diyan, sige ka," dagdag pa nitong sambit sa akin bago ako ipinaupo sa mini-couch niya.

Her unit looks like it was a unit for an infant than for a woman like her, or masyado lang akong judgmental? However, I still can say that the theme of her unit doesn't suit her. Despite her straight black hair and intimidating aura, she still has a feminine aura, making her an easy target for people like Kleinder.

But the furniture and appliances in this unit are black and white, and I never saw Shainara getting fond of dark colors like this. She prefers pastel ones.

And to think about it, this is the first time I noticed it. That there's something wrong about her condo unit. Hindi naman ganito ang mga gamit niya rito dati pero ngayon ay puro itim at puti na.

"Nagli-live in na ba kayo ni Kleinder?" diretsahan kong tanong sa kan'ya.

"What? No," mariin naman nitong sagot sa akin bago umupo sa tabi ko, medyo pumipikit-pikit pa ang mga mata. "Pagod na pagod ako today, sis. Puwede bang bukas mo na ako i-interrogate?"

"Hindi puwede. Iyon nga ang ipinunta ko rito, eh." Ipinatong ko ang siko ko sa armrest at nagdekuwatro bago ko siya tinanong. "Kailan pa kayo nagde-date?"

"Noong isang araw lang," inaantok nitong sagot sa akin bago humikab.

"Bakit si Kleinder pa talaga?"

"Kasi gusto ko siya."

She's playing safe, pero hindi ko siya tatantanan sa pagtatanong. Kung kailangan ko siyang batukan ngayon ay gagawin ko para lang magising siya sa katotohanan na si Kleinder ay isang walking heartbreak.

I don't have any problems about him dating people and breaking their heart afterward. Wala akong pakialam kung ilang babae pa ang pagsabay-sabayin niya at ikama bago niya 'to iwanan, pero hindi ang best friend ko. I wouldn't let my innocent girl be blinded and deceived by a man like him.

"Paano ka niya niligawan?" Tumaas ang kanang kilay ko pagkatanong ko no'n.

"Hindi na uso 'yon, girl!" Tumingin siya sa akin na para bang gusto niyang matawa dahil sa sinabi ko. "Kapag gusto n'yo ang isa't-isa, you'll test the waters! Ano'ng ligaw? Bata ka ba?"

Napairap na lang ako sa sinabi niya at hindi na lang nagsalita. Hindi ko rin kasi alam kung ano ang sasabihin ko. Sa tingin ko naman ay kahit ano ang sabihin ko sa kan'ya, hindi siya makikinig sa akin.

"Sis, naiintindihan ko ang pag-aalala mo sa akin. Alam ko ang reputasyon ni Kleinder. He was notorious by breaking every girl's heart," she held my hand, squeezed it a bit as she stared at me intently, "but believe me, iba ngayon. Pakiramdam ko ay iba 'tong mangyayari sa amin ngayon. Watch me change him into a good and loyal man."

Napabuntong hininga na lang ako bago ako tumango sa kan'ya nang bahagya at binigyan siya ng isang ngiti na hindi ko alam kung paano ko nagawa. I just don't want her to get hurt. She may look so liberated, but the truth is, she was so innocent. Kahit noong mga panahon na kakapasok lang niya sa Hornbrown Investments noon ay hindi niya alam kung binibigyan na ba siya ng mga tao ng backhanded compliment o hindi.

"Sana ay tama ka, Shainara. Sana nga ay magbago siya."

Although I doubted it, I wanted to trust her this time.

Tama naman siya sa sinabi niya. Malaki na siya at kaya na niyang i-handle ang sarili niya. Sana lang ay hindi siya magpunta sa akin at umiyak dahil dumating na 'yong araw na kinatatakutan ko.

And I hope na kung mangyari man 'yon ay hanggang doon na lang 'yon. I hope that nothing bloody would happen.

Speaking of blood. "Yuck, girl! Bakit may dugo rito?!" singhal ko kay Shainara na muntik nang makatulog dito sa sofa nang mapansin ko na mayroong kakaunting bakas ng dugo rito sa couch niya.

Kamuntikan ko nang hindi mapansin kasi nasa bandang sulok 'yon ng couch pero kaagad akong nandiri at napalayo nang makita ko iyon.

"Mens ko 'yan, p*****a ka," inis nitong wika sa akin bago niya ako tinulak na naging dahilan para malaglag ako sa sahig. "Parang 'di ka nagkakaroon, ah," dagdag pa nitong sabi sa akin bago ito nagkamot ng ulo na para bang kaunti na lang ay gusto na niya akong itulak palabas ng bahay niya.

Nakakadiri talaga ang babaeng 'to paminsan-minsan. Natagusan na pala siya, pero hindi man lang linisin nang maayos ang mga gamit dito sa bahay niya.

"Init ng ulo mo, ah? 'Di ba dapat ako ang mainit ang ulo sa iyo? Buwisit na 'to." Inirapan ko siya bago ako tumayo at hinimas nang bahagya ang puwet ko. "Aalis na ako para makatulog ka na rin nang maayos. Pinagod ka ba ni Kleinder?"

"Wala pang nangyayari sa amin!" singhal nito sa akin na naging dahilan para matawa ako nang bahagya. Parang ang sama ng loob niya sa pagkakasabi niya no'n, ah? "Hindi na kita ihahatid, sis, ah. Maawa ka sa akin. Antok na talaga ako."

Tumango na lang ako sa kan'ya bago ako naglakad palabas ng pintuan ng unit niya at isinara iyon. Naiiling na lang akong naglakad papunta sa parking lot kung nasaan ang kotse ko, pero kaagad din akong napatigil sa paglalakad nang may maalala ko.

Sigurado ako na walang mens ngayon si Shainara dahil parehas kami ng schedule, kaya paanong magkakaroon ng dugo roon sa couch niya?

AFTER the day I visited Shainara on her unit, hindi ko na siya nakausap ulit dahil bigla na namang naging busy sa buong finance department. Samu't-sari na naman ang mga tawag na sinasagot namin mula sa mga kliyente. Nawalan na naman ako ng oras para makabili ng iced coffee kaya hindi na naman maipinta ang timpla ng mukha ko ngayon.

"Okay, ma'am. Thank you," nakangiti kong sabi sa kausap ko sa tawag pero kaagad din na nawala ang ngiti kong 'yon nang ibinaba ko na ang telepono. "Nakakapagod," dagdag ko pang reklamo at mag-uunat na sana ako ng braso pero kaagad din akong napatigil nang may makita akong naglalandian sa harap ng office ko.

Inalis ko kasi kanina ang pagkaka-tinted ng glass wall dito sa office ko pero sana pala ay hindi ko na lang ginawa 'yon dahil mas lalo lang nasira ang mood ko.

That jerk was even smiling ear-to-ear as he was patting Shainara's head. May ibinulong pa ito sa best friend ko na naging dahilan para humagikhik ito. Kaya naman ay umiling na lang ako bago minasahe ang noo ko para lang kahit papaano ay mawala ang inis ko, pero mas lalo lang 'tong nadagdagan nang lumingon sa akin si Kleinder at kindatan ako.

I hate the fact that he's happy while some of the people are hurting because of him. He's ruthless and heartless, but what do I expect? He was a gang member. Madali lang sa kan'ya ang manakit ng tao at natatakot ako na maranasan 'yon ni Shainara mula sa mga kamay niya.

Ang tanging nagawa ko na lang tuloy ay ang hawakan nang mahigpit ang ballpen ko habang nakatingin nang masama sa kanilang dalawa. Siguraduhin lang talaga niya na hindi niya sasaktan ang best friend ko, dahil kung gagawin niya 'yon ay hindi ko talaga alam kung ano ang magagawa ko sa kan'ya.