HSL 6

Still 4 years ago...

HER POV

"Daisy, itutuloy mo ba talaga iyang binabalak mo?," ungkat sa kanya ni Cristy nang kasalukuyang silang nag-aayos sa comfort room ng kanilang academy.

"Of course!," agad niyang sambit bago nagpahid ng red liptint sa kanyang labi.

"May pagkasalbahe ka nga talaga Daisy! Hindi ka ba naawa sa tao halos ilang buwan ka na ring sinusuyo at nilalagawan ni Lando!," turan pa nito.

"Hindi," tipid niyang sabi habang nakatitig sa malapad na salamin sa harap nila ni Cristy sa may wash stand area ng comfort room.

"Haist, aywan ko na lang talaga sa iyo!!! Goodluck na lang talaga sa karma mo!," paalala pa sa kanya ng kaklase.

"I don't believe in karma, bakit iyong iba diyan mas masahol pa ang ginagawang kasamaan hindi man lang tinatablan ng kidlat...hahahha," malakas na tawa niya.

"Wala na akong masabi, you are a certified bitch!," anas pa nito.

"Ooooopsss... not yet certified, hindi ko pa napapaiyak eh, wait and see later..hehehe," makahulugang sabi niya at itinaas pa ang kilay bago nauna ng lumabas sa comfort room.

Dalawang buwan na lang at magtatapos na ang school year at graduation na ng masugid niyang manliligaw na si Lando. Anim na buwan na rin itong walang palya sa pagpapakita sa kanya ng kabaitan at pagpupursige na masungkit ang kanyang matamis na oo.

Ngunit hindi iyon mangyayari. Asa pa si Lando sa kanya. Ang kawawang binata na pinaglalaruan niya lamang at sinasamantalahan ang pagkakataon na tinutulungan nga siya nito sa school works and homeworks niya.

Hindi lang ito minsan nagpapalipad hangin sa kanya kung hindi ay nagtapat na nga ito ng pag-ibig sa kanya noong nakaraang buwan pero hindi niya ito binigyan agad ng kasagutan or inayawan agad dahil mas may malaki siyang plano.

Later, she will taste her greatest cruel pleasure. May malaki siyang pasabog kay Lando na sigurado siyang babaha ang luha nito sa pighating pagbasted niya mamaya dito. Masasaktan ito ngunit ito naman ay malaking kasayahan sa kanya.

Hindi na siya makapaghintay sa mangyayari mamaya. Sa wakas ay makakaganti na rin siya sa lahat ng pagkabuwesit niya kay Lando. Hindi siya halos malapitan ng mga boys dahil lage itong nakabakod sa kanya. Tuloy akala ng mga kaklase niya at halos lahat ng mga estudyante sa academy ay sila na.

Nagtitimpi lamang siyang magalit sa pagdilit-dikit, pagsama-sama at hatid sundo sa kanya ni Lando. Hindi lang dahil sa may utang na loob siya sa binata kung hindi ginagawa niya lang pakisamahan ito upang mas kanais-nais at pabor sa kanya ang pananakit niya sa damdamin ni Lando.

And that will soon happen this afternoon. Niyaya kasi siya ni Lando na magsnack sa labas mamaya pagkatapos ng kanilang klase ngunit sinabi niyang mas mainam kung manonood na lang sila ng movie sa video room mamaya pagkatapos ng klase nila.

Part kasi ng celebration month ng academy nila na tuwing pagkatapos ng klase nila ay may film viewing ng mga favorite nilang love stories. Maraming mga estudyante nga ang nanood sa two hour show dahil perfect na perfect ang ambiance para ka talagang nasa loob ng sinehan dahil sa laki ng screen.