CHAPTER 3:

"PAMELA, WHY ARE YOU DOING THIS TO ME? Bakit parang masayang-masaya kang makita akong nasasaktan?"

Hindi makagalaw mula sa kanyang kinatatayuan si Amelia, ramdam niya ang sakit na nararamdaman sa tinig ng lalaking nagsasalita.  Kahit hindi maliwanag ang naaninag niyang tao habang ito ay nagsasalita, hindi siya maaring magkamali sa nag-mamay ari ng tinig na iyon.  Alam niyang si Justine Jensen iyon.  At sa pagkakaintindi niya, hanggang ngayon ay hinahabol pa rin nito ang dating kasintahan na si Pamela.  Ayon sa kay Criselda, ilang beses nang nagpropose si Justin kay Pamela.  Sa unang dalawang beses ay tinanggihan iyon ng dalaga.  Ngunit ang pangatlong proposal ni Justin ay tinanggap na nito.  Pero ngayon nga ay nagkakalabuan na ang dalawa at maaring hindi na matuloy ang napipintong pag-iisang dibdib ng dalawa. Sabi ng Kuya Danny niya, ito raw ang magandang pagkakataon na pumasok siya sa eksena, since nasa wastong edad na rin siya para isagawa ang kanilang mga plano.  

Bumalik ang lahat ng mga alaala sa kanya.  Ang mga masasakit na alaalang idinudulot sa dibdib niya habang naiisip kung bakit tinapos ng kanyang Mommy ang buhay nito. 

"I did not know Danny's sister was that nosy!" Bigla ay nagulat siyang nasa harapan na pala niya si Justin.  And since napakatangkad nito compare sa height niya na 5'4', kinailangan niya itong tingalain. Namula ang kanyang mukha.  Bahagya siyang nataranta.  Ewan ba niya kung bakit may kakaibang aura ang lalaking ito na tila nakakapagpataranta sa kanya.  Mabuti na lamang at mabilis rin niyang naapuhap ang kanyang sarili.

"Wala naman akong intensyong marinig ang pakikipag-usap mo sa kung sinuman.  Besides, I'm not interested," pagsisinungaling niya,   "Nagkataon lang na nabo-bore ako sa loob kaya pinasya kong magpahangin dito.  I did not even know that you were here. Sana nilagyan mo ng signage na bawal ang ibang tao dito para hindi ko naririnig ang mga bagay na hindi ko dapat naririnig. " Mataray na sabi niya.

Natahimik ito.

"Advice lang," sabi niyang nakangising tumingin dito. "If you are chasing her like it's a clearance sale, she's probably not buying. Chill ka muna." May sarcasm sa tonong sabi niya rito saka mabilis na itong tinalikuran. Pero ramdam niya ang matalim na mga mata nitong nakasunod sa kanya ng tingin.

Tatawa-tawa siyang dumiretso sa comfort room.  She was smiling habang nakatitig sa salamin ngunit maya-maya ay unti-unting naglaho ang mga ngiti niya.  Ramdam kasi niya ang sakit na nararamdaman ni Justin sa mga mata nito.  Hindi ba at iyon ang klase ng lalaking pinapangarap niya one day?  Iyong lalaking gagawin ang lahat para lamang sa pag-ibig nito, kasehodang lulunukin nito ang pride nito?

Sa estadong iyon ni Justin, hindi ito dapat nagmamakaawa sa babae.  In fact, alam niyang maraming babae ang willing makipagpatayan para lamang makuha ang puso nito.  Pero si Pamela?

Mukhang mahihirapan siya sa plano niyang makuha ang atensyon ni Justin.  Mas lalo na ang mapaibig ito.

NAGTATANGIS ANG MGA BAGANG NI JUSTIN habang nakasunod ng tingin sa kapatid ni Danny.  Mas lalong uminit ang ulo niya dahil hindi lamang siya napahiya dito kundi para siyang nasuntok ng isang malaking katotohanan.

Hindi lang siya nakakatawa sa ginagawa niyang paghahabol kay Pamela.  Mukha pa siyang katawa-tawa.  Napakuyumos ang dalawang kamao niya habang tila naririnig pa rin ang tinig ni Amelia habang pinagtatawanan siya.

If you are chasing her like it's a clearance sale, she's probably not buying.  Chill ka muna.  Bumuntong hininga siya ng malalim.

Do I sound so pathetic?

Siya na rin ang sumagot sa sarili niyang tanong.  Damn.  Wala siyang ibang babaeng minahal na gaya ng ganitong pagmamahal na nararamdaman niya kay Pamela.  At masakit sa kanyang nagmumukha na siyang gago sa panunuyo dito.

Siguro it's about time na tigilan na niya ang kalokohan niyang ito at ibaling na lamang sa ibang babae ang kanyang atensyon.  Alam niyang mahirap.  

Bumalik muli siya sa bulwagan at nilunod na lamang ang sarili sa pag-iinom.  Napadako siya sa kinaroroonan ni Amelia, kausap nito ang pinsan niyang si Ethan na alam niyang matinik sa babae.  Parang nababasa na niya ang nasa utak ng pinsan niya habang nakikipagbolahan dito.  Napaismid siya.  Dami ng pinaluhang mga babae si Ethan.  Tiyak niyang isa si Amelia sa binabalak nitong mabiktima.

Di niya maintindihan kung anong biglang pumasok sa isip niya, feeling knight in shining armour, tumayo siya at nilapitan ang dalawa.  Makahulugan ang titig niya kay Ethan nang magsalita siya, "Hey, do you mind If I steal her for a dance?" At bago pa man makasagot si Ethan ay iginiya na niya ang dalaga patungo sa dance floor.

BAGAMAT nagulat si Amelia na isinayaw siya ni Justin ay hindi siya tumanggi.  Hindi ba at ito naman ang pakay niya, ang makuha ang atensyon ng lalaking ito? 

"Pasasalamatan mo akong iniligtas kita sa kamay ng pinsan ko," halos paanas lamang na sabi nito sa kanya.  Napakurap-kurap siya.  Naamoy niya ang alak sa hininga nito ngunit tila mas nakaragdag iyon sa masculinity nito.  Saka hindi naman offensive ang amoy niyon.  Banayad lang na humalo sa perfume nito na lalaking-lalaki.

"I'm sorry sa. . .sa nasabi ko saiyo kanina," aniya dito.

"Shh, tapos na iyon," sagot nito sa kanya.  At ng gabing iyon, hindi na siya iniwan ng company ni Justin.  Napansin pa nga niyang sadya siya nitong inilalayo kay Ethan.  At ewan rin niya kung bakit siya nito napapayag na umangkas sa motor nito at ginalugad nila ang Antipolo.

"I did not know that you were this fun to be with," sabi nito sa kanya.  

Lango na ba siya sa alak kaya biglang nagbago ang tingin niya kay Justin ng mga sandaling ito?  Malalagkit ang mga matang tinitigan niya ito, "A-ako rin Justin, hindi ko alam na ganito ka pala kasayang kasama," she was flirting with him habang sinasabi niya iyon.  But this time, she was flirting hindi dahil gusto niyang maisakatuparan ang mga plano nila kundi dahil iyon ang nararamdaman niya!  At ewan kung ano ang nagtulak sa kanya para halikan ito.

Ngunit parang bigla ay gusto niyang pagsisihan ang kanyang ginawa dahil hindi niya inaasahang ganuon pala ang ihahatid na pakiramdam sa kanyang buong kalamnan nang tugunin nito ang kanyang paghalik.  Mainit, nagbabaga at waring nanunuot iyon sa kanyang buong katawan. . .