مدوية

روايه أحببت سيدي

الفصل الثامن

احمد :- يلا اخرجي اخلصي

ايات :- اااااااااااه

احمد :- ايات مالك حصل اي

فاطمه :- مالك يا بنتي حصلك اي يا ايات

ايات :- الحقيني يا ماما الحقيني

دخلت فاطمه الحمام لي ايات و احمد فضل مستني برا و اول ما دخلت لقت ايات مرميه علي الارض و المرايا واقعه و متكسرة و جسم ايات بينزف و دماغها

فاطمه :- يا حبيبتي يا بنتي اي اللي حصلك يا ايات

ايات انا كنت واقفه علشان البس هدومي و اخرج لقيت المرايا وقعت لوحدها و انا بجري بعيد اتزحلقت و الازاز دخل جسمي الحقيني يا ماما

فاطمه :- قومي اما اغسلك و حطلك حاجه علي جمسك

احمد :- يا ماما قوليلي في أي بدل ما ادخل والله

فاطمه :- اهدي يا بني خمس دقائق ألبسها اطلب انت الدكتور

احمد :- دكتور ليه مالها ايات

فاطمه :- يا بني مش تتعب قلبي اطلب الدكتور و خلاص

احمد :- حاضر هطلبه

غسلت فاطمه جسم ايات و طهرته كله و حطت ليه دهان و خدتها و خرجت من الحمام وسط سيول من دموع ايات

احمد :- ايات اي اللي حصل مالك ليه الدم اللي نازل من دماغك دا

فاطمه :- مرايا الحمام اتكسرت وهي من الخضه بتجري اتزحلقت علي الازاز و دخل في جسمها

احمد :- معقول في لحظه كدا و بعدين دي وقعت ازي

فاطمه :- انت بتحقق يا احمد و الدم نازل زي الحنفيه المفتوح من دماغ اختك

احمد :- انا طلبت الدكتور و زمانه جاي ..... شكله وصل اهو اكيد عم عوض جايبه و جاي هروح افتح ....

راح احمد علشان يفتح الباب و ساب ايات في حضن فاطمه بتعيط علي كل اللي حصل و كدبها علي اقرب الناس ليها و كله بسبب خالد الصياد فتح احمد الباب ليجد أمامه صدمه

احمد :- عم حكيم ..خالد

في منزل سالي كانت نايمه من كتر العياط نتيجة للكل الضرب اللي اخدته من جوز امها عاطف لحد ما دخلت امها علشان تصحيها

الست عزيزه :- سالي قومي يا سالي اصحي يا حبيبتي

سالي:- ابعدي عني يا ماما مش قادره قوم

الست عزيزه :- قومي يا بنتي علشان تأكلي

سالي :- اها يا ماما مش تلمسيني جسمي كله وجعني مش مستحمله حاجه تلمسه

الست عزيزه بدموع :- حقك عليا يا بنتي انا فكرت اني كدا بجبلك اب يوقف معاكي في وش الدنيا مش كنت عارفه اني بجبلك اكبر وجع في حياتك

سالي :- و انتي ذنبك اي يا ماما دا نصيبي و الحمدلله علي كل حال انا احسن من غيري بردو

عزيزه :- احسن بايه يا بنتي بالضرب ولا بالذل و البهدله ولا مرمتطك من صغرك تشتغلي عند دا و عند دا علشان تجيبي ليه فلوس و المصيبه السوداء امك اللي مش بتتكلم ولا عاوزه تتكلم شايفه كل اللي بيحصلك و ساكتها

سالي :- بس و النبي يا ماما مش تعيطي مش تشيلني هم فوق همي علشان خاطري و بعدين انتي لما بتتكلمي بيضربك انتي كمان و بيبهدلك و انا اهون عليا اضرب و اموت حتي ولا أنه يمد ايده عليكي و بصي لو لقتيه بيدبحني اوعي تتدخلي والله لو ادخلتي ما هكلمك تاني و هزعل منك انا استحمل اي حاجه يا امي الا أنه يمد ايده عليكي

عزيزه ببكاء شديد :- انتي كدا بتخليني اتاكد اني اوحش ام علي وش الأرض و اني مش استاهل اكون امك يا سالي

سالي :- اوعي تقولي كدا في يوم انتي احلي ام في الدنيا و مفيش حد ينفع يكون امي غيرك و بعدين ليه كل الكلام دا هي دي اول مره يضربني ما انا ياما اضربت عادي يعني خدت عليه دا انا لو يوم عدي من غير ما انضرب بقوم اعمل مشكله علشان يقوم يضربني ... اضحكي يا قلبي كدا و فوقي محدش واخد منها حاجه و انا صابرة بقالي عشرين سنة اكيد ربنا هيعوضني خير عن كل الوجع و الحسرة دي

عزيزه :- أن شاء الله يا نن عيني ربنا يبارك فيكي يا ست البنات و يفرح قلبك و يكشف عنك الظلم و العذاب اللي انتي عايشه فيه .... سامحيني يا سالي يا بنتي سامحيني

سالي:- خلاص بقا يا ماما كفايا نكد

عزيزه :- تعالي في حضني يا بنتي وحشتني

سالي :- وحشتك اي يا ماما ما انا معاكي اهو بس يلا خليها علينا خدي حضن كبير اهو

في احد المطاعم دخل لقاء و محمد علشان يتغدوا و اللي هناك قابلوا شادي و لارا

شادي :- يا نهار لقاء روحنا في داهيه

لارا :- مين لقاء دي واحدة من اللي تعرفهم

شادي :- لا دي امي بس بتغير عليا موت يعني ممكن تخنقك دلوقتي

لارا :- لا مش للدرجاي يعني

شادي:- لا والله للدرجاي و اكتر

وقف شادي و لارا لما شافوا محمد و لقاء رايحين ناحيتهم

محمد :- اي مفيش حته اعرف اخلص منك انا قولت اخد مراتي حبيبتي و نخرج برا شويه بعيد عن بوزك علشان تطلع في وشنا

لقاء :- اخص عليك يا محمد مش عيب شادي حبيبي دا قمر

شادي :- حبيبتي يا ماما يا قمر انتي احب اعرفك الانسه لارا تقدورا تقولوا كدا اني بحبها و اني بحاول و اخليها تحبني ادعولي بقا

محمد :- كان ممكن والله تحبك قبل ما تشوفني اكيد بعد ما شفتني غيرت رايها ... محمد الحديدي يا انسه لارا اتشرفت بمعرفتك

لارا :- غني عن التعريف يا محمد باشا الشرف ليا طبعا

محمد :- احب اعرفك علي مراتي

لارا :- لقاء هانم سيدة المجتمع مش محتاجه تعريف يا افندم

لقاء :- مرسي من ذوقك

شادي :- طب اي هتقعدوا معانا ولا تتفضلوا علي تربيزتكم علشان ترتاحوا اكتر و تنفردوا ببعض اكتر ولا اي

محمد :- ابنك بيطردنا بالذوق اي رايك يا انسه لارا

لارا :- العفو طبعا يا محمد بيه حضرتكم تتفضلوا و احنا نمشي

لقاء :- علي فكرة يا لارا عجبني ذكائك باين عليكي ذكيه جدا و عارفه انتي عاوزه اي و كمان عارفه هتوصلي منين بصراحه للحظه فكرتيني بنفسي وانا في سنك

لارا :- دي شهادة من حضرتك اعتز بيها طبعا

لقاء :- يلا يا حبيبي نقعد لوحدنا باي حبيب ماما عن اذنك يا انسه

لارا :- اتفضلي حضرتك

شادي :- سوري هي ماما طبعها جامد شوية

لارا :- تفتكر هكون زيها لما اكبر

شادي :- خلينا نشوف لما توصلي لسن ماما و تدخلي مطعم و ايدك في ايد شادي بيه الحديدي و تلاقي ابنك بالصدفة قاعد و معاها بنت و تقولي ليها علي فكرة ذكائك عاجبني ... امممممم اظن انك هتكوني شبها

لارا :- وبعد كام سنه او لما أوصل لسن مامتك انت هتعمل معايا اي و ابني مين

شادي :- طبعا لازم اكون معاكي مش جوزك و ابننا محمد أو بس مش عارف محمد اللي هيكون صايع ولا ادم

لارا :- اي .. انت مجنون مجنون وبس يا شادي

شادي :- مجنون يا قلبي بيكي والله

لارا :- هههههههه 😂😂😂😂😂😂😂

علي تربيزة لقاء و محمد كانت لقا مركزه مع شادي و لارا جدا

محمد :- لقاء حبيبتي احنا جينا علشان نقعد مع بعض مش نركز مع حد تاني

لقاء :- حبيبي البنت اللي مع شادي دي مش سهله خالص

محمد :- علي أساس ابنك اللي سهل

لقاء :- محمد مش تقول علي ابني كدا

محمد :- لقاء انتي عارفه مين اللي مع شادي دي

لقاء :- لا مش اعرفها اول مره أشوفها

محمد :- دي سكرتيرة خالد الصياد ابنك بيحاول يظبطها علشان من خلالها نقدر ندمر خالد الصياد بما اننا مش عارفين نوصل لاحمد

لقاء :- محمد انت ازي تسيبه يعمل كدا خالد مش سهل دا ابن حكيم اي اللي مش يخليك تفكر أن خالد هو اللي زقها علي ابنك علشان يوقعه

حكيم :- احنا مش عيال يا لقاء اكيد احنا عملين حسابنا على كل حاجه كويس دا اولا اما ثانيا ابنك اللي راح وراء البت دي مش هي اللي جتله

لقاء :- خلي بالك بردو خالد مش سهل خليك فاكر أنه ابن حكيم

محمد :- ما بلاش السيرة دي يا حبيبتي احنا خارجين علشان نفك عن نفسنا و نغير جو البيت و نقعد مع بعض

لقاء :- انا خايفه علي ابني يا محمد لو حصله حاجه انا هقلب الدنيا علي حكيم و ابنه و هاكلهم بسناني

محمد :- خلاص بقا بلاش خوف

في قصر الصياد بالتحديد في بيت ايات احمد راح يفتح الباب فاكر أن الدكتور وصل ليتصدم بحكيم و خالد قدامه

حكيم :- مش هتقولنا اتفضلوا يا واد ولا اي

احمد :- لا طبعا اتفضلوا يا عمي ادخل يا خالد

حكيم :- اومال فين فاطمه و ايات

احمد :- والله يا عمي ايات اتزحلقت و اتعورت و احنا طالبنا ليها الدكتور

(اومال ما احمد قال كدا بص خالد وحكيم لبعض)

حكيم:- نقدر ادخل نشوفها يا بني

احمد :- اتفضل يا عمي بعد اذن يا خالد دقيقه وراجع ليك

خالد :- اتفضل يا احمد خد راحتك

بعد خمس دقايق وصل الدكتور و قام بتخيط جرح ايات و ادها الادويه اللازمه و خرج وبعدها دخل احمد و خالد عندها بعض ما نادي حكيم عليها

احمد :- ايات انت كويسه دلوقتي

ايات :- الحمدلله بخير

احمد :- ازي المرايا وقعت و اتعورتي بالشكل دا يا ايات

ايات :- انا كنت

حكيم :- انت هتحقق مع البنت حرام عليك انت مش شايف شكلها عامل ازي من الخضه

فاطمه :- خلاص اللي حصل حصل المهم انها بخير دلوقتي

حكيم:- طيب يا جماعه بصراحه انا كان فيه موضوع شاغل بالي من زمان طلب نفسي فيه بس كنت مستني اللحظه المناسبه اني اطلبه فيها و بما أن خالد و ايات شافوا بعض دا اللي شجعني اني أقرر اطلب الطلب دا

فاطمه :- حكيم بيه قول حضرتك عاوز اي و احنا كلنا تحت امرك

حكيم :- تسلمي يا ست فاطمه بصراحه انا يكون ليا الشرف اني اطلب ايد ايات بنتي لخالد و اتمني انكم توفقوا انا مش عاوز رد منكم دلوقتي انا هستني شوية تفكروا و تردوا عليا يلا يا خالد نمشي علشان ايات ترتاح

ايات :- انا مش موافقة و لو دي اخر لحظه في حياتي هفضل ارفضه انا مستحيل اتجوز اللي اسمه خالد دا

حكيم :- علشان خاطر حكيم فكري يا ايات عن اذنكم

مشي حكيم مع خالد و سابوا الجميع في صدمه احمد اللي اتاكد أن في سر وراء الموضوع و فاطمه اللي قلبها وجعها لفكرة انها ممكن ترمي ايات بايدها في طوفان خالد و ايات اكتر شخص اتصدم أن ازي هو بعد كل دا جاي يتجوزها

مر الوقت علي الكل كل واحد في اوضته بيفكر في القنبله اللي فجرها حكيم فعند احمد كان عارف من جواه أن خالد طيب لكن بردو اللي حصل من أمه مآثر فيه بس ليه ايات ليه مش حد تاني وليه في الوقت دا و اي السر اللي ايات و خالد و حكيم مخبينه و عند فاطمه كانت بتصلي و بتدعي أن ربنا يحمي ايات و يهدي خالد لان الاتنين ولادها

عند ايات كانت بتخطط ازي تنتقم و بس ازي تسترد حقها من خالد أما عند خالد فقضي الوقت في صاله الرياضه خاصته بيحاول يخرج كل الغضب اللي جواه و بيحاول ينسي أن أبوه اجبره علي أنه يتزوج .... لكن يا ترا اي اللي حصل خلي حكيم يوصل لجواز ايات و خالد و اي اللي خلي خالد الصياد بجلالته يوافق علي كدا و هل ايات ممكن توافق انها تكون زوجه الصياد

بيفتكر خالد اللحظه اللي أبوه سأله عن آيات و أنه بطبيعة الحال أن خالد كبر مع حكيم و بس فهو الشخص الوحيد اللي خالد بيقدر يخرج قدامه الإنسان اللي جواه لا بيقدر يزعق ولا يكدب ولا يخطط علشان كدا حكي ليه اللي حصل مع آيات من اول لحظه لآخر لحظه

حكيم :- انت ازي اتحولت كدا انت ازي بتثبت انك إبن لقاء زي ما هي خانت انت كمان خنت

خالد :- متقولش الاسم دا انا مش ابنها ولا عمري ما هكون

حكيم:- لا لقاء خانت الحب و العيش و الملح و العهد و انت خنت الست اللي ربيتك و سابت ولادها علشانك طول الوقت معاك و قافله علي طفلتها الصغيرة علشان أوامرك خنت احمد اخوك و صحبك كبر معاك و ماشي في ضلك مع أنه يقدر دلوقتي بشغله و بعلاقته ياسين لنفسه و اسمه بدل الشركه عشره و هينجح بل العكس انت اللي هتوه من غيره لكنه اختار هو و الست والدته أنهم يفضلون في ضلك و في طوعك علشان ترد الجميل بأنك تعتدي على آيات

خالد :- مش اعتديت عليها كنت بخوفها بس

حكيم:- في الاول و الاخر اسمه اعتداء يا ابن لقاء

خالد بغضب يركل المنضدة أمامه يحطمها:- أنا مش ابن الست دي انا ابنك انت هي اللي غلطت معايا الاول عيرتني بالست اللي سبتني من غير اي ذنب مني و مشيت

حكيم :- دا علشان انت عيرتها بالست اللي اشترتك علي ولادها و عملت منك راجل هي فكرتك بالحقيقة و أن فاطمه مش خدامه فاطمه كانت ليك أم بجد علي عكس اللي من دمك اللي سابتك و مشيت اسمع يا خالد لو انت أبن حكيم هتمشي معايا دلوقتي نروح لاحمد و فاطمه تطلب ايد آيات للجواز و تتجوزها

خالد :- مستحيل انا مش هتجوز مستحيل تربطني بالصنف دا اي علاقه و حتي لو هيجي يوم و هتجوز مش هتبقي الخدامه بتاعتي انا خالد بيه باشا انا متصنف من اغني شباب العرب و شوية و العالم كله اروح اطلب أيد آيات بنت الداده فاطمه بنت الخدامه و هي كمان خدامه

حكيم:- يبقي انت اخترت يا خالد بيه انا من بكره ولا من دلوقتي مليش مكان في البيت دا هرجع لعيشتي القديمه

خالد :- انت بتقول ايه انت واعي يا حكيم اللي انت بتقوله هي سبتني علشان خدامك و انت بتسبني علشان خدامتي

حكيم :- انا سيبك علشان اول مره اشوف فيك طيف لقاء للحظه شوفت طيفها ظلمها جحودها حتي رائحتها شميتها فيك و انا مقدرش مقدرش اعيش مع لقاء ولا حتي نسخه منها لكن قبل ما امشي احب افكرك أن الظلم ليه نهاية و. أن لما بتدينا الحياه فرصه الندم بتكون متأخر اوي

خالد :- انت بتلوي دراعي يا حكيم ياما انفذ ياما تسبني ماشي انا موافق هنفذ لكن أن هي وافقت يبقي مش عقد جوزها عقد نهايتها هتشوف معايا حاجات و ايام هتتمني فيها الموت و مش هتطولها

... ننتقل من منزل الصياد بسرعة لبيت سالي اللي كانت نايمه و حسيت بصوت حاجه بتوقع علي الارض جريت تشوف في أي لاقت امها مرميه علي الارض مش بتتحرك

سالي:- ماما ماما اصحي قومي انا هجبلك مياه

جريت علي المطبخ جابت كوبية مايه و حاولت أنها تشربها و ترش علي وشها لكن مفيش اي رد فضلت تنادي علي جوز امها لكن مش كان موجود في البيت بصت في الساعة لقيتها ٢بليل مبقتش عارفه تعمل اي اتصلت فورا علي ايات

ايات :- الو يا سالي في أي

سالي :- ايا.....ت ما...ما مش مش مش بترد عليا واقعه

ايات :- في أي اهدي و قولولي اهدي

سالي :- مش عارفه في أي بس ماما واقعه علي الارض و مش بتتحرك و مفيش حد هنا مش عارفه اعمل ايه

ايات :- طيب اهدي انا هجيب احمد و اجيلك اهدي سلام...احمد يا احمد

احمد :- اي اللي مصحيكي لحد دلوقتي في أي

ايات :- مش وقته بس هات مفتاح العربية و تعالي بسرعه

فاطمه :- في أي يا ولاد

ايات :- ام سالي تعبانه و سالي مش عارفه تعمل اي ولا تروح فين

احمد :- يلا بسرعة انا جبت المفاتيح

خرج احمد و ايات بسرعه من البيت و اتحركوا ناحيه الجراش في الوقت دا خالد كان صاحي اول ما سمع صوت الجراش بيفتح خد الجاكيت و نزل بسرعة يشوف اي

خالد :- اي يا احمد رايح فين في الوقت

احمد :- بعدين هقولك بس انا لازم اروح المستشفى دلوقتي

خالد :- مستشفى اي انا جاي معاك استني

ايات :- انت مالك ابعد عننا هي مش ناقصة

خالد :- يلا يا احمد انا هجيب عربيتي و اجي وراك

و بالفعل اتحركوا وراء بعض بالعربيه لحد ما وصلوا لبيت سالي واخدوها و طلعوا علي المستشفي

سالي :- ايات ماما فيها أي هي كانت كويسه

ايات :- حبيبتي مش فيها حاجه والله هتكون بيخير اصبري و ادعيلها

كان خالد واحمد واقفين جنبهم كل واحد فيهم فعلا قلبه بيتقطع علي حالهم احمد كان فعلا نفسه ياخد سالي في حضنه و يطمنها و خالد اللي كان بيحمد ربنا أنه مش عنده ام يبكي عليها لان فعلا حال سالي خلق جرح في قلبه القاسي مر الوقت و الدكاترة محدش طمنهم علي الست عزيزه لحد ما خرج أحد الدكاترة

خالد :- طمنا يا دكتور هي عامله

الدكتور :- البقاء لله احنا عملنا اللي علينا علشان نلحقها بس هي كانت جايه شبه ميته

سالي :- انت بتقول ايه انت اتجننت ماما اي اللي ماتت شايفه يا ايات بيقول اي المستشفي دي مش كويسه ازي خلينا ناخدها مستشفى تاني

ايات :- حبيبتي اهدي اهدي هي راحت عند ربنا في مكان احسن

سالي:- اخرسي كلكم اسكتوا ماما مش ماتت تموت ازي يعني اي تموت و تسبني هعيش لمين دي هي اللي كانت مصبرني مليش غيرها طيب لما جوزها يضربني هنام في حضن مين مين هيطبطب عليا و مين هيدعيلي تموت ازي مستحيل تموت و تسبني بصي انا هنادي عليها و هترد عليا يا ماما ...ماما ماما ماما ردي عليا و النبي انتي مش هتموتي يا ماما

احمد :- سالي اهدي اهدي استغفري ربنا اللي بتعمليه كدا غلطت

سالي :- انت مش قولتلي لما أحتاجك اقولك انا محتاجك دلوقتي من فضلك خلي ماما تقوم ترد عليا من فضلك

احمد :- ..........

سالي :- ماما .... اااااااااه هتسبيني لمين و انا مليش غيرك يا مااااااما

&& ليل &&