Semua Bab After Letting Him Go, I Became a Billionaire's Wife: Bab 261 - Bab 270

Kinabukasan, sa sentrong bahagi ng lungsod, may bahagi roon na puno ng mga boutique shop ng iba’t ibang designer.Tahimik ang lugar sa hapon ng Martes, malayo sa ingay ng karaniwang weekend.Ipinarada ni Aera ang kanyang sasakyan sa kanto at naglakad papasok sa naturang lugar.Ang bridal shop na hinahanap niya ay nasa pinakadulo ng lugar, sa loob ng isang tatlong palapag ng isang gusali. Puti ang dingding, itim ang wrought-iron railings, at sa tabi ng pinto ay may simpleng tansong plaka na may nakaukit na pangalan. “White Dream.”Isa ito sa pinakasikat at pinaka prestihiyoso bridal couture shop sa lungsod, na madalas piliin ng mga kilalang personalidad at celebrities.Pagbukas niya ng pinto, marahang tumunog ang wind chime.Tahimik ang loob, at sa hangin ay may banayad na halimuyak ng liryo.Ang unang palapag ay isang display area, kung saan mahigit sampung wedding gowns ang nakahanay sa ilalim ng malambot na ilaw. Bawat isa ay tila isang obra maestra.“Welcome po.”Lumapit ang isang

Sumapit na ang gabi.Tahimik ang buong silid. Tanging ang mahinahon at pantay na paghinga ng lalaking katabi niya ang maririnig.Nakahiga si Aera nang patagilid, nakasubsob ang mukha sa balikat ni Ethan. Nakayakap ang isang braso nito sa baywang niya.Kakagaling lang nilang maligo, at kapwa pa nila dala ang banayad na amoy ng kanilang body wash ang paborito niyang kombinasyon ng cedarwood at citrus.“Hindi ka makatulog?” mahinang tanong ni Ethan. Malalim at malumanay ang boses nito.“Medyo lang,” tapat na sagot ni Aera habang bahagyang gumagalaw sa kanyang mga bisig upang humanap ng mas komportableng pwesto. “Ang dami ko lang iniisip.”Mula sa buhok niya, dahan-dahang lumipat ang kamay ni Ethan sa likod niya. Marahan siyang tinapik nito, parang inaalo ang isang bata.“Ano ang iniisip mo?”“Ang tungkol sa kasal,” sagot niya. “At sa wedding gown.”Narinig niya ang bahagyang pagyanig ng dibdib nito. Natatawa ito.“Ang bilis mo namang mag-isip tungkol doon,” may halong ngiti nitong sabi.

Sabado ng umaga, alas-diyes, pumasok ang sasakyan ni Ethan sa village kung saan matatagpuan ang lumang mansyon kung saan nakatira ang Lola Amanda niya.Malalago ang mga puno sa paligid. Ang mga pulang pader ay nababalutan ng mga baging, at bawat bahay ay may sariling hardin. Ang lumang bahay ng pamilya nila ang pinakamalaki sa lahat tatlong palapag, may malawak na hardin sa harap at likod, at naipasa na ito sa tatlong henerasyon.Huminto ang sasakyan sa harap ng malaking bakal na gate. Naghihintay na roon ang kasambahay. Pagkakita sa kanila, agad itong lumapit.“Sir, Mam, hinihintay na po kayo nina Master at Madam sa sala.”May dala si Aera na bagong lutong almond cookies. Mainit-init pa ang kahon.Si Ethan naman ay may dalang isang kahon ng tsaa ang paboritong tsaa ng Lolo niya.Magkatabi silang naglakad papasok sa bakuran.Napakaganda ng hardin sa harap. Punong-puno ng namumulaklak na rosas, at mabango ang hangin. Sumisilip ang sikat ng araw sa pagitan ng mga dahon at nag-iiwan ng m

Masagana ang tanghalian.Ipinahanda ni Lola Amanda ang mga paboritong pagkain ng mag asawa.May steamed sea bass na paborito ni Aera.May braised pork na paborito ni Ethan.At marami pang simpleng lutong-bahay.Naupo silang apat sa bilog na mesa na gawa sa pulang kahoy, parang isang ordinaryong pamilya na masayang nag sasalo-salo at nagkukwentuhan.Hindi sila sanay, mas madaldal si Lolo Gerald noong araw na iyon.Ikinuwento niya ang mga nangyari noon sa pamilya nila at maging ang mga nakakahiyang karanasan ni Ethan noong bata pa ito.Paminsan-minsan ay dinadagdagan o kinokontra siya ni Lola Amanda, at nauuwi muli sa kanilang magiliw na pagtatalo.Ngunit sa bawat biruan, ramdam ang lalim ng kanilang pagmamahalan bilang mag-asawa.Tahimik na nakinig si Aera.Paminsan-minsan, sinasalinan niya ng pagkain si Ethan.Sa kauna-unahang pagkakataon, malinaw niyang naramdaman na tunay na siyang tinanggap sa pamilyang ito.Hindi bilang anak ng mga Dela Cruz.Hindi lamang bilang asawa ng apo nila.

Ang unang weekend ng buwan, kulay abo ang langit at may mga maliliit na ambon na bumabagsak.Si Aera ay nakabalot ng isang wool shawl, habang may hawak na mainit na kape.Sa oras na iyon, binabasa niya ang financial newspaper, pero napunta ang pansin niya sa isang balita sa social section.“Pangunahing suspek sa malaking underground casino case na si Chang Tan, nakatakas habang nililipat sa kulungan, patuloy ang paghahanap ng pulis.”May malabong larawan sa ilalim ng headline isang lalaking naka-itim na suit, nakatagilid ang mukha.Maikli lang ang balita. Sinasabi na si Chang ay isang malaking boss ng underground casino sa lungsod, at sangkot sa money laundering, illegal gambling, at pananakit bilang paniningil ng utang.Nahuli siya sa isang police operation, pero habang nililipat sa kulungan, naaksidente ang sasakyan ng pulis at nakatakas siya sa kaguluhan.Sa dulo ng ulat, nakasulat nang malalaking letra.“Mapanganib ang taong ito. Kung may impormasyon, agad ipagbigay-alam sa pulis.