Semua Bab The Billionaire's Accidental Fiancee: Bab 21 - Bab 28

RAZAEL POVIpinatong ko ang aking salamin sa ibabaw ng mahogany desk at sumandal sa swivel chair. Alas-onse na ng gabi, pero bukas pa rin ang laptop ko, nagpapakita ng final financial damage report ng Manabat Catering at ng mga kaalyado nilang sub-contractors. Sa loob lang ng ilang araw pagkatapos ng charity ball, tuluyan nang gumuho ang posisyon nila sa board. Iyon naman talaga ang layunin ko mula pa nung una—ang linisin ang kumpanya mula sa mga taong pilit akong hinahatak pababa.Pero habang tinitignan ko ang mga numero sa screen, hindi ang shares ng Galvez Group ang pumapasok sa isip ko. Kundi si Liana.Inabot ko ang baso ng whiskey sa tabi ko at uminom nang bahagya. Kung babalikan ko ang lahat mula noong unang gabi na nagkaharap kami, hindi ko talaga aakalaing aabot kami sa ganitong set-up. Noong gabing nag-blackout sa launch party at nakita ko siyang hila-hila ang emergency lever habang basang-basa ng pawis ang mukha, ang tanging nasa isip ko lang ay isa siyang iresponsableng coo

LIANA POVDumating din sa wakas ang araw ng Miyerkules. Kanina pa akong alas-diyes ng umaga pabalik-balik sa harap ng salamin sa kwarto ko, sinusuri kung maayos ba ang lapat ng navy blue dress na pinili ni Ms. Karen. Simple lang naman ang tabas nito, pero dahil gawa sa mamahaling tela, mukha talaga akong kabilang sa mga nakatira rito sa Forbes Park. Sinuot ko rin ang pulseras na regalo ni Don Federico. Habang tinititigan ko ang kislap ng mga maliliit na brilyante sa pulso ko, naalala ko na naman ang sinabi sa akin ni Razael noong gabi sa study room niya. Sabi niya, sweldo ko raw ito sa maayos na pagganap sa trabaho ko.Inayos ko ang kwelyo ng dress ko habang nakatitig sa sarili kong repleksyon. Sweldo nga lang ba talaga ito? O baka ginagamit ko lang din ang katagang 'trabaho' para kumbinsihin ang sarili ko na walang personalan ang lahat ng ito? Noong gabing hinarap ko si Jiro sa basement at nakita kong hindi ako pinabayaan ni Razael sa harap ng mga pating sa board, may bahagi sa akin

LIANA POVNaramdaman ko ang biglang panlalamig ng mga kamay ko habang nakatitig sa nanay ni Jiro. Si Tita Linda. Dati, noong kami pa ng anak niya, madalas akong magpunta sa bahay nila sa Cavite para magdala ng mga pasalubong tuwing sweldo. Palagi niya akong tinatawag na "anak" noon. Pero ngayon, habang nakatayo siya sa harap ko na namumugto ang mga mata, hindi ko alam kung paano siya haharapin."Liana, hija..." lumapit pa nang kaunti si Tita Linda, nanginginig ang kanyang mga labi. "Pakiusap, mag-usap naman tayo. Sinubukan kong pumunta sa lumang apartment mo sa Pasay pero sabi ng landlord mo, matagal ka nang umalis doon. Wala na kaming ibang mapuntahan."Bahagyang humakbang pasulong si Razael, hinarangan niya ang direktang linya ng paningin ni Tita Linda sa akin. Naramdaman ko ang init ng likod niya, isang pader na handang pumrotekta sa akin sa kahit anong gulo."Ma'am, if you have any concerns regarding Jiro Madrigal, you should talk to our legal team. Hindi na po sakop ni Liana ang

LIANA POVPagkaalis ni Razael patungong opisina, naiwan akong nakatitig sa kawalan sa malawak na sala. Pumasok si Manang mula sa kusina, may dalang tray para ligpisin ang mga ginamit naming tasa ni Amanda Torres. Nilingon niya ako nang may malawak na ngiti, ’yung tipong ngiting nang-aasar na may kasamang kilig.“Naku, Ma’am Liana, bagay na bagay po talaga kayo ni Sir Razael,” sabi ni Manang habang maingat na inilalagay ang mga baso sa tray. “Kanina habang nag-uusap kayo nung wedding planner, nakita ko kung paano kayo alalayan ni Sir sa balikat. Ngayon ko lang nakitang ganyan ka-giliw ang batang ’yan sa isang babae.”Pilit akong ngumiti, ramdam ko ang biglang pag-akyat ng init sa mga pisngi ko. “Naku, Manang, kailangan po kasi maayos ang impresyon kay Ms. Amanda. Alam niyo naman po, malapit na kaibigan siya ng pamilya.”“Kahit na po, Ma’am. Iba po ang titig ng isang lalaking napipilitan lang