جميع فصول : الفصل -الفصل 10

باب يخبط جامد خبط متتالي وكمان الجرس يضرب على طول صوت من جوة الشقة صوت (الخادمة سيدة) اصبر ياللي علي الباب هو احنا قاعدين ورا الباب اهدى شوية طول بالك هفتح اهو صوت فتح الباب وصوت صرخة من الخادمة (الأم) فيه ايه يا بت شوفتي عفريت بتصرخي ليه (الخادمة) لا ياستي دول دول (الضابط ) يزق سيدة الخادمة ابعدي كده ايه نايمين على ودانكم ولا بتهربوا القاتل (الأم) أنت مين وقاتل مين يابني؟ (الضابط ) أنا الرائد محمد من قسم الشرطة أنت بقي مين؟ (الأم) هو حضرتك جاي تكسر باب بيت مش عارف هو بتاع مين؟ (الضابط) بشخط وزعيق أنت مين أنت ولا أنا هتعب نفسي ليه ادخل يا عسكري أنت وهو فتشوا الشقة صوت خطوات وصوت صريخ (الخادمة سيدة) (أمل) استنى من فضلك (الضابط) وأنت مين أنت كمان؟ (أمل) أنا طالبة بكلية الحقوق وعارفة حقوقنا كويس قوي معاك أمر تفتيش من النيابة (الضابط) يضحك بصوت عالي أمر تفتيش ياطالبة الحقوق اسمه إذن تفتيش (أمل) أمر إذن متفرقش كله واحد لو معاك وريهولي (الضابط )وأنت بقي ياطالبة الحقوق في سنة كام (أمل) ليه هو حضرتك مكلف نفسك عشان تيجي تسألني أنت في سنة كام كنت ياسيدي

صوت فون يرن(الأم) ردي شوفي مين يأمل (أمل) ده الأستاذ رامي يأمي(الأم) وعاوز ايه وصلوا لحاجة(أمل) أهلا وسهلا أستاذ رامي (رامي) فيه تطورات كبيرة في الموضوع يأمل وأنت وأمك مطلوبين في النيابة حالا وأنا اتعهدت لوكيل النيابة إن أنا بنفسي مسؤول عن حضوركم قدامه عشان ميجيش مخبر أو عسكري من القسم والشكل العام قدام الجيران لحد مانعرف رجلينا من أيدينا في الموضوع ده يلا حضري حالك أنت وماما وهاجي أخدكم (أمل) حاضر أستاذ رامي(الأم) فيه ايه يأمل (أمل) يلا يا ماما افطري وخدي علاجك لإن شكل اليوم هيبقي طويل لأن وكيل النيابة عاوزنا والأستاذ رامي كثر خيره هيجي ياخدنا لهناك(الأم) مش واكلة ابعدي الأكل ده عني.(أمل) مينفعش اليوم برة هيكون مرهق ولازم علاج ومينفعش علاج بدون أكل أرجوك خلينا نعرف نتحرك أبوس ايدك كلي أي لقمة وخدي علاجك (الأم) الأمر لله حاضر جرس الباب يرن (سيدة الخادمة) تفتح الباب ويندفع رجل للدخول لم تشاهده سيدة من قبل وتسأله مين حضرتك أقول للست مين حضرت؟(الأب) ابعدي كده من طريقي ياست أنت وينادي على ابنته يأمل يأمل(الخادمة سيدة) استنى يارجل أنت هي وكالة من غير بواب رايح فين؟(أمل)

صوت عربيات وشارع(رامي) وصلنا الحمد لله وهننزل على المشرحة على طول أتمنى لا تتعبي أم أمل عارف المجهود زيادة عليك وكمان الموقف صعب ربنا يكون في عونك(الأب) بتتكلم مع أم أمل ومتجاهلني تماما ايه هو أنا مش أبوه(رامي) لا حضرتك ربنا يكون في العون بس القصد هنا إن دى ست وأم يعني الموقف مختلف احنا كرجالة ممكن نتحمل شوية(الأب) لا أنت إنسان متحيز (الأم) اسكت ياعديم الإحساس(الأب) اسكتي أنت يأم لسانين(أمل) شوفت يأستاذ أصل حضرتك بتقول متحاملة عليهم (رامي) ميصحش ياجماعة والموقف لا يتحمل يلا انزلي أم أمل وخليك أنت يأمل في العربية(أمل) لا يأستاذ رامي أمي مش هتقدر تتحمل الموقف لازم أكون جنبها دي أمي(رامي) تمام يلا بينا(الأم )تصرخ ابني ابني هو (محمد) هو (محمد) منهم لله اللي قتلوه منهم لله ده لسه صغير ومدخلش دنيا يدخلوه اخرة منهم لله وتصرخ وتنهار تماما(رامي) اهدي يأم أمل وادعي له بالرحمة خلاص الكلام ده معدش يجي منه اتفضلوا خلاص كده لازم نمشي من هناخطوات وغلق باب(وكيل النيابة) أستاذ رامي يروحوا مكان دلوقت يرتاحوا فيه عشان الموقف الصعب اللي هم فيه وهنبقي ناخد أقوالهم بعدين وهكلف المباحث باستكم

(الوكيل) من فضلك الرد على قد السؤال (الأم) حاضر ايوة عندها (أمل) وايه لازمة السؤال عن فستاني ايه حضرتك عندك حد عاوز يعرف أنا شرياه منين ادلك علي اسم المحل ولا عاوز هدية للمدام (الوكيل) مش بقولك عاجبني اوي ثباتك الانفعالي وبرودك اللامتناهي بس يارب تكملي للأخر قوليلي يأمل هو مين قتل أخوك محمد أنت ولا معاذ (الأم) بتقول ايه حضرتك تقتل أخوها يامصيبتي (الوكيل) ثاني ياحاجة اخرجك برة (أمل) حضرتك بتقول أي كلام وخلاص أنا اقتل أخويا طيب ليه؟ (الوكيل) عشان مكنش يعرف أنك اتجوزتي معاذ وشافك معاه في موقف مخل مثلا (أمل) ياسلام مش حضرتك بتقول أنى اتجوزت معاذ يعني أخويا هيشوفني مع جوزي في وضع مخل ازاي (الوكيل) مهو مكنش يعرف أنكم اتجوزتوا وكمان في اخر سنة كان بيماطل في جوازكم بسبب مشي معاذ الغلط مع سائحة روسية (أمل) لا طبعا (الوكيل) لا طبعا ايه مكنش يعرف ولا مشفكش في وضع مخل مع معاذ (أمل) لا ده ولا ده أنا أصلا متجوزتش معاذ ومروحتش شارم أنا كنت بروح اسكندرية اتفسح (الوكيل) هاتي أسماء اصحابك نتأكد منهم (أمل) كنت بروح لوحدي (الوكيل) قلتي من شوية بتروحي اسكندرية مع أصحابك تتفسحي

صوت فون يرن (الأستاذ رامي) ألو مين معايا؟(الأم) أزيك يا أستاذ رامي أنا أم أمل فاكرني (الأستاذ رامي) طبعا ياحاجة ازي حضرتك اسف والله أنا مقصر في حقك معلش سامحيني كنت مسافر ولما رجعت اتصدمت من اللي سمعته عن أمل مش فاهم حصل أيه وازاي أمل تعمل كده(الأم) وحضرتك صدقت يا أستاذ رامي أن أمل ممكن تقتل أخوها طيب إزاي وكمان تقتل معاذ الإنسان الوحيد اللي حبيته من صغرها تصدق كده أستاذ رامي(الأستاذ رامي) والله أنا مذهول من المفاجأة ومخي اتشل مش عارف حتى أفكر ولا أربط الأحداث ببعضها فيه حاجات كثير مش فاهمها ومحتاج أقعد مع حضرتك استفسر عنها عشان أعرف أدافع عن أمل (الأم) تمام يا أستاذ رامي تحت أمرك بس أنا متصلة بحضرتك عشان حاجة ثانية خالص (الأستاذ رامي) خير يا أم أمل تحت أمرك(الأم) لا يؤمر عليك ظالم يارب العالمين خير إن شاء الله فيه واحدة من مستشفى المجانين كلمتني قالت اسمها نرجس وقالت ليا إن أمل محتاجة تشوفني ضروري وقالت إن أمل قالتلها تخلي الأستاذ رامي يعمل ليا تصريح زيارة عشان كده كلمت حضرتك(الأستاذ رامي) أظن الأمر هيكون صعب يا أم أمل لأن أمل تحت الملاحظة ولسه التقرير بتاعها لم يكتب عموما