Lintek Na Pagibig

Sumumpang hindi na muling magmamahal si Erzel matapos siyang iwan ni Alfred Caballero—ang lalaking nangakong pakakasalan siya. Imbes na magmukmok, ibinuhos na lang niya ang oras sa trabaho. Sa umaga, kilala siya bilang albularyo. Pagsapit ng gabi, tumatanggap siya ng mga pribadong appointment mula sa mayayamang kliyenteng handang magbayad ng malaking halaga kapalit ng serbisyo niya. Hanggang sa isang gabi, na-set up siya at pinahiya ng asawa ng isa sa kanyang mayayamang kliyente. Akala niya, iyon na ang katapusan ng lahat. Pero dumating si Juan Miguel Cervantez—isang makapangyarihan at bilyonaryong negosyante na nagligtas sa kanya sa kahihiyan. Ngunit hindi basta pagtulong ang sadya ni Juan Miguel. Naniniwala itong isinumpa siya matapos mabigo ang lahat ng doktor na gamutin ang sakit niya. Desperado siyang magbayad ng malaking halaga para lang gumaling sa pag-asang babalikan pa siya ng ex-fiancée niyang si Zunshine Agustin. Desidido si Erzel na lokohin ang desperadong lalaki habang itinatago ang sikreto sa likod ng kanyang pagiging albularyo. Ngunit habang tumatagal ang pagsasama nila, mas lalo naman silang napapalapit sa isa't isa. Kasabay nito ang muling paglitaw nina Zunshine Agustin at Alfred Caballero—ang dalawang taong unang sumira sa kanilang mga puso. Kung ang tadhana na mismo ang gumawa ng paraan para paglapitin ang dalawang pusong parehong iniwan, sapat na kaya iyon para matutunan nilang magmahal muli? Lalangitngit na ang langit... sasama ka ba?

"Masama man ay naakit akong makipag-relasyon. Kahit pa, maging kabit ako ng kabit  ko." —Eve Blurb    I'm Kaytei  Aghubad, bata pa lamang ay pinangarap kong magkaroon ng buo at masayang pamilya. Katulad sa Mommy at Daddy ko. Hanggang sa mawala sila ay hindi nila iniwan ang isa 't isa. Nakilala ko si Renton, unang nobyo ko. Akala ko ay siya na ang tutupad sa pangarap ko. Ngunit nauwi sa wala ang aming pagsasama. Lumipas ang isang taon nakilala ko si Hardin. Muli akong sumugal sa pag-ibig, dahil naniniwala ako sa kasabihan na nasa ikalawang asawa ang swerti. Tama naman sila, dahil naging masaya ako sa piling niya. Tuluyan niya akong iniuwi at hindi ko aakalain ang daratnan sa bahay nila ang kambal niya na si Lordin. Masama man ay naakit akong makipag-relasyon. Kahit pa, maging kabit ako ng kabit  ko...

Si Lindsay Zamora ay isang simpleng sales lady na umibig sa mayamang si Jake Monteverde. Sa loob ng maraming buwan, naniwala siyang siya ang babaeng mahal nito. Ngunit sa isang birthday party, natuklasan niyang hindi pala siya bahagi ng mundong ipinapakita ni Jake sa iba. Hindi siya kasama sa guest list, hindi siya kilala ng pamilya nito, at tila isa lamang siyang lihim na itinatago. Sa gitna ng kanyang pagkadismaya, isang tao ang hindi niya inaasahang magiging sandalan, si James Monteverde, ang makapangyarihan at respetadong ama ni Jake. Nagsimula sa simpleng pag-uusap ang lahat. Hanggang sa naging pagkakaibigan. At bago nila namalayan, pareho na silang nahuhulog sa isa't isa. Alam nilang mali. Alam nilang may masasaktan. Ngunit sa kabila ng lahat, hindi nila napigilan ang damdaming namamagitan sa kanila. Nauwi ang kanilang lihim na relasyon sa isang gabing nagpabago sa lahat. At nang akalain ni Lindsay na mas komplikado pa ang sitwasyon, isang mas malaking sikreto ang kanyang natuklasan. Buntis siya. At ang ama ng batang dinadala niya ay si James Monteverde. Ngayon, kailangang harapin ni Lindsay ang pinakamahirap na desisyon sa buhay niya. Paano niya sasabihin kay Jake na ang babaeng minsan niyang minahal ay nagdadala ng anak ng sarili niyang ama? Ano ang mangyayari kapag nalaman ni James ang katotohanan? At kaya bang mabuhay ng isang pag-ibig na nagsimula sa maling pagkakataon ngunit naging tunay sa paglipas ng panahon? Sa mundong puno ng lihim, pagtataksil, at ipinagbabawal na pag-ibig, isang babae ang kailangang pumili sa pagitan ng konsensya at kaligayahan Dahil minsan, ang pinakamalaking kasalanan ay hindi ang magmahal... kundi ang mahalin ang taong hindi mo dapat minahal.

Tumakas si Khaliyah Dadonza sa mansyon nila nang madinig niya sa papa niya na ipapakasal siya sa pangit na anak ng isang Mafia boss bilang bayad sa malaking utang niya rito. Kaya naman, agad-agad ay pumunta si Khaliyah sa probinsya, sa bahay ng kaibigang niyang si Moreya. Pero imbis na ang kaibigan niya ang madatnaan doon ay ang hot tito ni Moreya ang nakita niya. Ito na pala ang nakatira doon dahil nasa ibang bansa na ang kaibigan niya. Wala na siyang ibang mapupuntahan dahil nag-iisa lang si Moreya sa totoong kaibigan niya, kaya naman nakiusap siya sa Tito Larkin ni Moreya na doon muna siya magtatago at mag-stay, pero kapalit nito ay isang kasunduang magiging alipin siya sa bahay ni Tito Larkin Colmenares. Alipin ng isang hot tito na type na type niya ang katawan at mukha. Dahil sa sobra-sobrang pagmamakaawa ni Khaliyah, nagkaroon sila ng contract na ginawa ni Tito Larkin. Magiging mag-asawa sila habang doon nagtatago si Khaliyah. Pinakasalan siya ni Tito Larkin para hindi siya makasuhan ng kidnapping. Magiging mag-asawa lang sila dahil sa papel, pero sa loob ng bahay, alipin lang talaga siya ni Tito Arkin. Ayos lang kay Khaliyah ang maging alipin, lalo na’t isang Hot Tito ang paglilingkuran niya. Kaysa magbuhay princessa at magpakasal siya sa isang mayamang anak na mafia boss pero sobrang sama naman ng itsura ng mukha. Akala niya’y madali lang ang lahat ng ginagawa niya roon, magluto, maglinis, maglaba at sumunod sa mga utos nito Tito Larkin. Pero paano kung mas mahirap palang labanan ang tukso? Sa bawat araw na kasama niya si Tito Larkin ay lalo siyang nauuhaw sa isang bagay na hindi niya dapat pagnasaan. Magtatagal kaya si Khaliyah bilang alipin ni Tito Larkin, o tuluyan na siyang magpapasakop sa tukso?

Sadyang mayroon nga talagang pag- ibig na minsa'y natatabunan ng isang hagupit ng alon—— along, mapangahas, along mapanglinlang,at isang along mapagkunwari.

Sa paningin ng iba, napakaswerte ni Orlinda. Subalit para sa kanya, isang bangungot ang pinasok niya matapos pakasalan si Angelo Tan—isang masamang panaginip na tila hindi na niya kagigisingan. Sa halip na ituring na manugang, itinuturing siyang hamak na katulong ng mapagmataas at matapobreng pamilya Tan. Sa kabila ng lahat ng kanyang pagsusumikap, tanging insulto at pagmamaliit lamang ang natatanggap ni Orlinda. Hanggang sa isang araw, may nagbigay sa kanya ng pagkakataong patunayan ang sarili—na hindi lamang siya para sa gawaing-bahay at mayroon pa siyang ibang kayang gawin. Nang alukin siya ng trabaho ng kanyang bayaw na si Christian Tan, nagdalawang-isip man ay tinanggap pa rin niya ito kalaunan. Labis ang pasasalamat ni Orlinda kay Christian, lalo na nang marinig niyang may tiwala ito sa kanya. Dahil dito, unti-unting nagbago ang kanyang pananaw sa kanyang bayaw. Ang desisyon kaya niyang ito ang simula ng panibagong bangungot, o daan sa isang nakatagong pagtingin na hindi naman nararapat?