Sakit Sa Puson Novels & Stories

📖 S Y N O P S I S Vengeance of the Reborn CEO’s Wife Sa paningin ng lahat, si Aurora Steele ay may perpektong buhay — asawa ng makapangyarihang negosyanteng si Xavier Steele, ina ng isang mabait at maganda nilang anak na si Amara, at ginagalang ng lipunan bilang huwarang babae. Ngunit sa likod ng magarang ngiti at marangyang tahanan, nakatago ang malamig na distansya, mga lihim, at mga kasinungalingang unti-unting sumisira sa kanyang mundo. Pagbalik ng kanyang kambal na si Lilith, dala ang isang batang lalaki na may parehong mga mata ni Xavier, nagsimulang mabunyag ang mga lihim na matagal nang inilihim sa kanya. Hanggang sa isang gabi ng trahedya, lason ang pumatay sa kanyang anak — at ang tiwala ni Aurora ay tuluyang gumuho. Pinagkamalan siyang baliw, tinuligsa ng asawang minsan niyang minahal, at iniwan sa dilim ng sariling pagkawasak. Ngunit hindi doon nagtatapos ang kanyang kuwento. Sa misteryosong pag-ikot ng tadhana, nagising si Aurora — isang taon bago mangyari ang lahat. Ngayon, dala niya ang lahat ng sakit, ang lahat ng alaala, at ang lahat ng dahilan upang magbago. Hindi na siya ang babaeng umiiyak sa dilim. Hindi na siya ang asawang nagmamakaawa ng pansin. Ngayon, siya na ang reina ng sariling laban — tahimik, matalino, at mapanganib. Sa ilalim ng mapanlinlang na ngiti, itatago niya ang kanyang mga plano. Sa bawat salita, itatali niya muli ang mga taong minsang sumira sa kanya. Ngunit sa oras na bumalik ang mga anino ng nakaraan, isang bagay ang malinaw: Ang babaeng minsang tinalikuran, ngayon ay muling isinilang — hindi para magmahal, kundi para gumanti.

Si Jhai ay ang pinuno ng isang lihim na samahan na tinatawag na Lion Warrior, isang grupo na nagtutuwid ng mga maling katarungan. Maaga siyang naulila matapos mapatay ang kanyang mga magulang sa isang madugong insidente. Bitbit ang pangakong tutuparin ang pangarap ng mga ito, pinili niyang maging high school teacher. Upang mapanatili ang kanyang lihim na pagkakakilanlan, nagpakilala siya bilang si Zhaine, isang weird at old-fashioned na guro. Sa hindi inaasahan, siya ang itinalagang class adviser ng section 12-D—isang klase ng mga outcasts, pasaway, at mga estudyanteng tila wala nang pangarap sa buhay. Isa sa mga estudyante ay si Kenn Singson, anak ng school director. Masungit, matalino, at mailap—katulad ni Zhaine pagdating sa mga taong mahal nila. Bagama’t malamig at puno ng tensyon ang kanilang unang pagkikita, unti-unting nahulog ang loob ni Kenn sa kanyang adviser. At sa pagdaan ng panahon, kahit labag sa patakaran ng paaralan at sa sariling prinsipyo, natutunan ding ibigin ni Zhaine ang binata. Ngunit sa gitna ng unti-unting namumuong pag-ibig, patuloy pa rin ang misyon ni Jhai para makamit ang hustisya para sa kanyang mga magulang. Hanggang sa isang araw, natuklasan niya ang isang nakakagulat na katotohanan: ang taong pumatay sa kanyang ama ay walang iba kundi ang kanyang bagong kaibigan—isang private police inspector na lingid sa lahat ay may itinatagong lihim bilang kalaban ng Lion Warrior. Gumuho ang mundo ni Jhai. Ang paghahangad ng hustisya, sa pagkamatay ng kanyang magulang ang-siyang nagdulot sa kanya, upang siya'y mapahamak at mag-agaw buhay. Makakaligtas kaya si Zhaine sa bingit ng kamatayan? Isusuko ba niya ang Lion Warrior sa kanyang kaaway? handa ba nyang tanggapin ang alok ni Blue magpakasal kapalit ng kaniyang kaligtasan? At paano haharapin ni Kenn ang sakit ng mawalan ng babaeng unang nagturo sa kanyang magmahal—sa paraang kailanma’y hindi niya malilimutan?

Isang gabing puno nang pagkakamali at walang pag-iingat ang bumago sa buhay ni Hermoine. Matapos siyang pagtaksilan nang kanyang pinakamamahal na kasintahan at ipahiya sa isang salu-salo ay nilunod niya ang kanyang pagdadalamhati sa pag-inom ng alak. Nagbabakasali na kahit manlang dito ay maibsan ang sakit na kanyang nararamdaman. Ngunit nang magising siya kinabukasan ay katabi na niya ang isang estrangherong ubod ng gwapo na hindi man lang niya alam ang pangalan. Ang akala niya ay pagkakamali lamang iyon na dapat kalimutan. Kaya ibinaon niya ito sa limot at nagpasyang magpokus na lamang sa pagtatatag ng kanyang buhay at sarili. Ngunit nagbago ang lahat ng kanyang plano nang makita niya ang dalawang pulang linya sa hawak niyang pregnancy test. Buntis siya at hindi niya kilala ang ama nang kanyang dinadala. Nagbunga ang isang beses na gabing pagkakamali sa buhay niya. Dahil sa takot at pag-iisa, nagpasya siyang ilihim ang tungkol sa sanggol at palalakihin niya ito nang mag-isa. Ngunit sa unang araw pa lamang niya sa kanyang trabaho tila mas matindi pa sa palaso ni kupido ang naging epekto nang tadhana. Dahil ang malamig, istrikto at walang awang Billionaire CEO na pumasok sa conference room......ay ang misteryosong gwapong lalaking nakasama niya sa gabing iyon na hinding-hindi niya makakalimutan. Wala sa sariling napaisip siya sa kanyang anak. 'Ang Milyonaryong Boss Ko ay Ang Tatay ng Anak Ko?' Sigaw nang kanyang isipan. Ano na ang gagawin niya ngayon? Si Chase Justin Monteverde, ang bilyonaryo na dating naniniwalang kahinaan lamang ang pag-ibig ay unti-unting nahuhumaling sa misteryosong empleyada at sa batang tila may kakaibang pagkakalapit sa kanya. Ano ang mangyayari kapag nalaman niya ang katotohanan na ang batang kinahuhumalingan at napalapit na sa puso niya ay siya ring sarili niya palang anak? ~ADORED BY MY EVIL BILLIONAIRE BOSS~ M.A.B. WRITES

She was the adopted daughter. He was the family’s black sheep. Together, they crossed a line that shattered everything. Six years ago, Selene Monteviejo vanished—leaving behind scandal, heartbreak, and a secret too heavy to bear. Grateful to the powerful family who took her in, she made the ultimate sacrifice and walked away from the forbidden love that could ruin them all. What no one knew was that she left carrying Soren Monteviejo’s children. Ngayon, bumalik siyang pilit, dahil sa pagkakasakit ng adoptive mom niya. Pero ang hindi niya inakala, babalik rin si Soren sa pamamahay nila… may asawa na, at ang higit na nakakagulantang ay hindi man lang siya nito kilala. Masakit na nga sa kanya ang makitang may sakit ang kanilang ina, mas lalo pa siyang ginisa ni Soren. Hinahamak siya nito, tinatawag siyang ingrata. Parang salot na bumalik sa pamilya. Pero nagbago ang lahat nang matapang na awayin ng kambal niyang anak, pinagtanggol siya mula sa masakit na pananalita ni Soren—at doon nagsimulang mabasag ang iringan at magbago ang hindi magandang pagtrato sa kanya ni Soren. What if his hatred is hiding something deeper? What if his forgotten love was never lost—but stolen? Pag-ibig. Lihim. Alaala. Isang kwento ng pagmamahalang ipinaglalaban kahit bawal… kahit masakit… at kahit paulit-ulit na pinagkakait ng tadhana.

   Nang dahil sa kahirapan at mga hindi inaasahang pangyayari, isa lamang ang maaaring puntahan ni Serenity Mendez–kulungan o simbahan. Makukulong siya kung hindi niya mababayaran ang kanyang mga utang at ito ang pinakaayaw niyang mangyari kahit gumuho man ang mundo. Paano na lang ang kanyang kapatid na may malubhang sakit? Kaya naman, wala siyang ibang nagawa kundi ang pumayag na magpakasal kay Sage Christensen, ang apo at tagapagmana ng kanyang matandang boss, kapalit ng hindi matutumbasang halaga. Pero hindi niya ito basta-bastang makukuha. Kailangan niyang tuparin ang nag-iisang kondisyon ng kanyang pinirmahang kontrata–ang bigyan ng apo sa tuhod ang matandang boss.       Ngunit paano niya lalapitan ang isang malamig at masungit na si Sage kung sa tuwing magkatinginan lang sila ay tila ba gusto siyang balatan nito ng buhay? Ang mas malala pa ay napapansin niyang nandidiri itong mapalapit sa kanya na para bang may nakakahawa siyang sakit. Dahil dito, palaging nauuwi sa away ang kanilang bawat pagtatagpo. Matutupad kaya niya ang nasasabing kondisyon? O mauuwi sila sa diborsyo?     "How much did that old man pay you? I'll triple it, just fucking disappear from my life, Serene." - Sage Christensen           

Pag-ibig o Paghihiganti? Ano kaya ang mas mangingibabaw sa puso nina Vladimir Barameda at Lyka Mendoza pinagtagpo nga ba sila ngunit hindi itinadhana? Si Lyka ay nagtatrabaho bilang executive assistant ng ama ni Vladimir na si Henry ngunit hindi lamang siya basta assistant nito may lihim silang relasyon. Hiwalay na sa asawa si Henry kaya naman unang kita palang niya kay Lyka ay nabighani na siya rito. Hindi pag-ibig ang pundasyon ng kanilang relasyon pareho silang aware sa bagay na ito sadyang maganda lang ang kanilang pagsasama pareho silang may pakinabang sa bawat isa kaya naman namuo ang kanilang malayang relasyon ngunit tutol dito ang anak ni Henry na si Vladimir dahil pilit niyang iminumulat ang isipan ng ama na pera lang nito ang habol ni Lyka sa kanya. Walang alam si Vladimir sa tunay na relasyon ng kanyang ama at Lyka. Lahat ay gagawin niya para magkahiwalay ang dalawa. Pagkamuhi ang nararamdaman niya kay Lyka ngunit mahahaluhan ito ng pagmamahal na hindi niya kayang aminin at tanggapin. Ganun din si Lyka na labis ang poot kay Vladimir dahil sa ginagawa nitong pagpapahirap sa kanya lalo na sa kanyang trabaho. Sa pagkamatay ng ama ni Vladimir ay lalo siyang mamumuhi kay Lyka dahil sa paglilihim nito ng sakit ng ama. Malaking halaga ng kayamanan ang iiwan niya kay Lyka na labis na ikinagalit ni Vladimir. Makukuha lamang ni Vladimir at Lyka ang naiwan na kayamanan ni Henry sa kondisyon ni Henry na kailangan nilang magpakasal at mag sama bilang mag asawa sa loob ng limang taon. Isang pagsasama na nababalot ng pag-ibig at labis na pagkamuhi

PAG-IBIG Animo'y naubusan ng dugo sa putla si Mia nang ipakilala ng mag-asawang Fuchs si Phineas. Ang estrangherong kaniyang sinuntok at tinadyakan thirty minutes ago sa loob ng airport. Hindi naging maganda ang nagdaang araw ni Mia sa mansiyon simula nang dumating si Phineas. Inis na inis siya sa ginawa nitong pagkuha ng litrato habang magkatabi silang natutulog. Nawindang pa siya nang bigla nalang nagbakasyon si Miss Ivy at ibinilin nito sa kaniyang gumawa ng paraan para hindi umuwi ng Germany ang kaniyang mainiping unico hijo. Hindi alam ni Mia kung ano ang gagawin kay Phineas na palagi nalang siyang iniinis at hindi siya sineseryoso. Sabi pa nito’y she effortlessly beguiled him with her cute curves on her lips na mas lalo pa niyang ikina bwesit ang tono nitong sarkastiko. Sa pagdaan ng mga araw ay nagamay din ni Mia kung paano pakisamahan si Phineas. Hindi niya akalaing aabot sa puntong hindi niya naasahan ang pusong pigilan ang nararamdaman at naisuko ang lahat sa lalaki. Akala ni Mia ay maayos ang lahat hanggang sa isang umaga’y naabutan niya si Phineas na nagmimilagro sa sariling kuwarto kasama ang isang babae. TRAHEDYA Pinatay ni Mia ang kaniyang sarili sa mata ng lahat ng nakakakilala sa kaniya. Sinabayan niya ang isang trahedya na kinasangkutan niya at ng kaniyang pamilya. Upang paghandaan ang paghihiganti sa walang awang umubos ng buhay ng kaniyang pamilya ay umalis si Mia ng San Martin dala ang nakakakilabot na karanasan at ang sakit ng pag-ibig na kaniyang labis na pinagsisisihan. Paano kung sa pagkalipas ng tatlong taon ay dalahin si Mia ng kaniyang paghihiganti pabalik sa San Martin at makitang muli si Phineas? Mapanindigan kaya niya ang binuong bagong mukha at pagkatao? O tuluyan ng susuko ang kaniyang puso?

“Let’s get divorce, Gale.” Nahinto sa pagsasalita si Sunset dahil sa sinabi ng asawa. Sandaling hindi niya maiproseso ang sinabi nito. Nablangko ang kanyang isipan habang nakatingin sa seryosong mukha ni Lucian. “Let’s get divorce.” Sa pangalawang pagkakataong ulitin iyon ni Lucian, tila bombang sumabog sa kanya ang anunsyo ng asawa. Pagkalito ang sumunod niyang naramdaman nang iritableng inilayo ng asawa ang pagkakadikit ng hubad nilang katawan na para bang may nakakahawa siyang sakit na dumapo lamang pagkatapos nilang magniig. Ganoon na lang ba iyon, pagkatapos siya nitong makuha, ang tingin na sa kanya ay isang basura? “Hindi magandang biro iyan, Lucian—” “You don’t want to? Magkakaroon ka ng sariling buhay. Limang taon na ang kinuha ko sa ‘yo, dagdagan ko pa ba ang pang-aabala ko?” Tumayo mula sa pagkakahiga ang asawa niya. Ang nakatalikod na matipuno nitong katawan ay tinakpan ng roba. Kaagad namang naibalot ni Sunset ang hubad na katawan sa puting kumot. “M-may problema ba tayo, Lucian?” naguguluhan niya pa ring tanong sa asawa. “Kung may mali sa akin, susubukan kong baguhin. May nagawa ba akong ikinagalit mo? H-huwag mo lang akong iwan kase hindi ko kakayanin…” “Babalik na si Eveth dito sa Pilipinas.” Hinilot nito ang sentido na para bang naiinis na sa pagdadrama niya. “Masasaktan siya kapag nalaman niyang nandyan ka pa." “Naiintindihan ko…” “Saan ka pupunta?” gulat na tanong ng asawa nang makita siya nitong nagbibihis. “Saan ka sabi pupunta?” “Hindi mo ba nakikita?” May kalituhan na tumingin sa kanya si Lucian. Hindi nito inaasahan ang magiging reaksyon niya. “Ano bang akala mo, magmamakaawa ako?” natawa nang bahagya si Sunset bago mabaling ang tingin sa tseke na nasa ibabaw ng side table. “Akala ko namamalikmata lang ako kanina. Hindi ko lubos maisip na limang milyon lang pala ang halaga ko!”

The CEO’s Dying Bride Si Samantha Reyes ay isang mapagmahal na asawa at ina na buong buhay ay inialay sa kanyang pamilya. Sa loob ng maraming taon, tiniis niya ang malamig na pakikitungo ng asawa niyang si Michael Reyes, umaasang balang araw ay matututunan din nitong mahalin siya. Ngunit dumating ang araw na tuluyan nang gumuho ang kanyang mundo. Nakipaghiwalay si Michael sa kanya— hindi dahil sa pagkukulang niya, kundi dahil mas pinili nito ang ibang babae. Ang mas masakit, ang babaeng iyon ay ang sarili niyang kapatid na si Sabrina. Ang anak nilang si Sophie, na minsang tinawag siyang “Mommy,” ay unti-unti ring lumayo sa kanya at mas kinilala pang ina ang tiyahin nito. Ilang araw bago tuluyang ma-finalize ang kanilang divorce, nalaman ni Samantha ang isang mas mabigat na katotohanan— may malubha siyang sakit sa puso, at may taning na rin ang kanyang buhay. Pagkatapos ng divorce, walang awa siyang pinalayas ni Michael sa bahay na minsan niyang tinawag na tahanan. Wala siyang pera, wala siyang pamilya, at tila wala na ring dahilan para mabuhay. Ngunit sa pinakamadilim na sandali ng kanyang buhay, may isang lalaking tahimik na nagmamasid sa kanya sa loob ng maraming taon. Si Sebastian Villanueva, isang makapangyarihang CEO. Matagal na niyang minahal si Samantha kahit pinili nito ang ibang lalaki noon. Sa araw na iyon, nilapitan niya si Samantha at inalok ng kasal. Nagdalawang-isip si Samantha. Alam niyang malapit na siyang mamatay, at ayaw niyang maging pabigat sa ibang tao. “Huwag kang mag-alala. Hindi ito dahil sa pag-ibig. Kailangan ko lang ng asawa… sa isang kontrata.” Sa huli, pumayag si Samantha. Akala niya isa lamang itong kasunduan. Isang pansamantalang papel. Hindi niya alam na para kay Sebastian, iyon ang matagal na niyang pinakahihintay na pagkakataon para mahalin siya.

'Hindi kasalanan ng anak ang kasalanan ng magulang. At hindi lahat ng kasalanan ng magulang ay kailangan akuin ng isang anak.' Mula pagkabata, namulat na si Carl Angelo sa dinanas na hirap ng kapatid niyang si Caren dahil sa kagagawan ng isang baliw na lalaki. Nasaksihan niya ang paghihirap ng kapatid dulot ng hindi karaniwang sakit nito. Masakit at mahirap makitang nasa ganoong kalagayan ang kanyang kapatid at habang lumalaki siya ay may namumuong galit at paghihiganti sa puso niya sa taong gumawa noon sa kanyang Ate Caren. Hanggang sa lumipas ang mga taon at dumating sa buhay niya ang isang babaeng kayang palabasin ang lahat ng nakatagong emosyon sa loob niya. Sa unang beses na masulyapan pa lang niya ang magandang mukha ng dalaga ay nagawa nitong buhayin ang lahat-lahat sa kanya kasama na doon ang nasa pagitan ng kanyang mga hita. At doon pa lang ay itinatak na niya sa kanyang puso't isipan na pagmamay-ari niya ang babaeng nagngangalang Vanessa Joy Gayla. Pero paano kung dumating ang panahon na malaman niyang ang babaeng kinahuhumalingan niya ay anak pala ng taong kanyang kinasusuklaman? Paano niya maisasakatuparan ang paghihiganting nabuo sa kanyang isipan? Isang magandang pagkakataon na para maging sandata niya ang dalaga laban sa ama nito. Pero kaya nga ba niyang gamitin ang dalaga na sa simula pa lang ay walang ng ibang ginawa kun'di ang mahalin at pagsilbihan siya? Kaya ba niyang saktan ang babaeng nagmamay-ari na ng puso, isipan at katawan niya? Matuto pa rin kaya siyang magpatawad kung alam niyang habambuhay na nagdudusa ang kapatid niya dahil sa kagagawan ng ama nito? Alin ang pipiliin niya? Pagmamahal o paghihiganti?