Chapter 3 - gathering evidence

Hindi papayag si Ivory na basta na lang ibasura. Tatlong taon silang kasal ni Levi, kung wala siyang magagawa para pantay na mahahati ang property, nangangahulugan lamang iyon na ang pananatili niya sa piling ng lalaki ay walang saysay. Parang lubid kung saan nakasabit ang mga alimasag, kung titingnan ay may pakinabang pero ang totoo ay walang kwenta.

"Kung mamatay ako, ibig sabihin may nangyaring homicide. Si Levi ang magiging primary suspect. Take note, Lucille, maglikom ka ng mga katibayan, tulungan mo akong gumanti at nang mapunta sa ating dalawa ang mana."

"Okay, I got it. Gusto ko 50% ha?" Tango ni Lucille.

"Magandang ideya," nag-thumbs up si Ivory at nagkatawanan silang magkaibigan. 

Maya-maya pa ay nagpatuloy na sa seryosong discussion para sa kaniyang annulment. Dahil walang pre-nuptial agreement, maraming terms and conditions ang kailangang baguhin. Binawi ni Lucille ang mga dokumento at inayos.

"Malaki ang pakinabang sa iyo na wala kayong prenup ni Levi. Kung susumahin natin, ang property na mapupunta sa iyo is at least ten million, in fact, hindi sa wala kang makukuha na higit pa pero I suggest that you stay civil with Levi. He is the kind of man that we can't afford to mess with."

"Alam ko iyon. Ang lalaking iyon ay mukha lang mabait at desente pero hindi ibig sabihin, easy enemy siya."

"Buti naman at alam mo." 

"Paanong hindi? Three kaming mag-asawa, kahit papaano ay na-research ko ang tungkol sa pamilya nila."

The Malthe clan is deeply rooted in power. Walang pinagkaiba sa ahas na sakop ang lupain. Ang kapangyarihan ng mga ito ay balot ng kulay, pula at maningning, itim na tila anino at puti na akala mo ay pag-asa ng sangkatauhan. Sa likod ng imahe at kayang burahin ng mga ito ang ordinaryong tao.

"Sa gagawin mo, parang sapilitan mong wawakwakin ang kaniyang laman at bigyan siya ng matinding alalahanin. Alalahanin mong hindi agad magiging epektibo ang annulment ninyo, kailangan mong mag-ingat," worried na pahayag ni Lucille.

"Thank you, Luci. Alam ko naman kung hanggang saan lang ang limitasyon ko. Hindi ako magiging sakim. Sapat lang kailangan ko, pera. Ayaw kong isakripisyo pati ang buhay ko."

Parang giyera rin ang pag-aasawa at hindi siya pupunta sa laban nang hindi handa. 

Pagkatapos nilang mag-usap ni Lucille ay kinontak naman ni Ivory ang grupo ng private detectives na kilala niya. Sikat ang mga ito pero hindi ganoon kataas ang naitatalang achievements sa ahensya. Biggest advantage niya ang pagiging confidential ng mga ito. Makatitiyak siyang hindi lalabas sa ibang tao ang anumang ipapatrabaho niya.

"I need you to monitor Levi's activities and location, also isama na ninyo si Franchesca." Binigay niya ang envelope na naglalaman ng profiles ng dalawa kasama na ang pauna niyang bayad. "Be sure to take photos of them especially their secret meetings. But I suggest you keep a certain distance. Hindi kailangang kunan ninyo ng picture kung ano ang ginagawa nila. Okay na ako sa larawan na magkasama silang pumasok at lumabas sa isang lugar. Mag-iingat din kayo dahil maraming bodyguards si Levi, lahat iyon ay may military background. Alerto sila at matalas sa kanilang paligid."

"This is noted, Ma'am."

"Don't worry, kung may mangyari man, ako na ang bahala, po-protektahan ko kayo. Iyon lang, babawasan ko ang payment." 

Walang umangal sa sinabi ni Ivory. Ayon sa kasunduan ay magbabayad siya ng 500,000 in cash, bilang advance. Ang balanse ay saka na kung mayroon nang resulta sa trabaho ng mga ito.

"Ma'am, gusto ko lang po ipaalala sa inyo na hindi magagamit ang mga ebidensya na makukuha namin sakaling aakyat ang kaso sa korte. If in case matalo kayo, labas na kami roon," pahayag ng head ng team.

"I know." Tumango siya. 

If ever aabot nga sila ni Levi sa korte, mahihirapan siyang ipaliwanag kung saan niya nakuha ang mga katibayan at kung wala siyang nilabag sa batas. Pero hindi niya hahayaang makarating sila sa demandahan.

"Wala kayong dapat alalahanin, ako lang gagamit sa mga larawang iyon. Basta magiging responsable kayo sa mga shots, pati na ang properties niya. I appreciate kung mapapabilis. Pwedeng hindi lahat, but you can check as much as you want."

Kilala niya si Levi. Ayaw nito ng kahit kunting issue sa reputasyon nito. Kapag may ebidensya na siya, magagamit niya iyon para isampal dito ang moralidad na kunyari iniingatan nito. 

Wala siyang pakialam kung magiging mediums ang mga iyon para akusahan niya ang asawa o atakehin ang konsensya, o kaya ay pang-blackmail dito. Basta ang bottom line, makakukuha siya ng property at magtatagumpay ang annulment.

Masakit sa puso. Nakakapanghina. Pero iniisip na lamang niya na magiging masaya siya pagkatapos ng hiwalayan nila. May pera siya at magagawa niya ng malaya anumang gusto niyang gawin. Kahit papaano ay sumigla ang kaniyang pakiramdam. She is hopeful for the good things to come in the future.

Pero hindi maganda 'yong mag-expect ng sobra. Sampung araw ang lumipas at naghihintay siya ng resulta mula sa detectives pero wala siyang natatanggap. Tinawagan niya ang head ng team.

"Ma'am, pasensya na po, pero ang daming bodyguards ng asawa n'yo, hindi kami makakuha ng pagkakataon para lumapit."

Walang pagkakataon? Laging nasa ceremonies ng ribbon cuttings si Levi, laman ito ng mga balita. Lahat ng event na dinaluhan ng lalaki ay covered ng media. Siguro nga, masyadong risky kung basta na lang lalapit ang mga detective. Malaking problema kung mahahala ang mga ito. Kahit nagbabayad siya pero malamang takot pa rin ang mga ito na banggain si Levi.

"Pero regular ang daily travel niya, Ma'am. Masusundan namin siya mula sa kompanya hanggang sa bahay, paminsan-minsan ay nagtutungo rin siya sa private bar, naglagay na kami roon ng surveillance, nag-iingat lang kami talaga na hindi mahuli."

"Okay, so there is no progress at all?" Nakadama si Ivory ng inis pero nagtimpi siya. 

"May file photo akong ipapasa sa inyo." 

Dali-dali niyang binuksan ang laptop at tiningnan ang file. Sasakyan ni Levi ang bumungad sa kaniya at may anino ng babae sa loob. Bulto iyon ni Franchesca. May address na naka-attach sa photo. 

Mabilis niyang tiniklop ang laptop nang marinig ang katok sa pinto. 

"Sino iyan?" tanong niya.

"Ma'am, pauwi na po si Sir!" sagot ng kasambahay mula sa labas.

Dali-dali niyang nilagay sa file folder ang photos at itinago ang laptop. Nag-ayos siya ng sarili at huminga ng malalim, Ikinalma ang sarili. Kailangan din niyang mag-ingat nang maigi. Matalas si Levi, oras na malaman nito ang binabalak niya, baka wala siyang makuha ni piso kapag naghiwalay na sila.