Back Off, I'm Marrying Your Uncle!

Nagkakamali sila.

Ako si Kiara Lauren Remington—ang nag-iisang anak at tagapagmana ng Remington Group.

Tinanggap ko ang pagsubok na ibinigay sa akin ni Papa dahil mahal ko si Calvin Harrison. Gusto kong patunayan sa kanya na naiiba si Calvin sa lahat ng lalaking nakilala ko. Minahal niya ako at tinanggap ako nang buo nang hindi nalalaman ang tunay kong pagkatao.

Walang alam si Calvin, maging ang buong pamilya Harrison, tungkol sa tunay kong pagkakakilanlan. 

Sasabihin ko sa kanila ang katotohanan kapag natapos ko na ang pagsubok na ito.

Ngunit bago pa man ako makapagsalita, bigla niyang itinapon sa akin ang isang tumpok ng mga litrato. Nagkalat ang mga iyon sa sahig.

Natigilan ako. “H-Hindi, honey. Hindi iyan ang iniisip mo,” nanginginig kong sabi.

Itinuro niya ang mga litrato. “Sino siya? Paano mo nagawa ito sa akin?” inis niyang tanong.

Napalunok ako dahil tama siya. Sinabi kong wala akong ama para maiwasan ang mga tanong tungkol sa totoong pagkatao ko.

Pero dahil nahuli na niya ako, sasabihin ko na sa kanya ang totoo.

“Kasi ano?” agad niya akong pinutol. Tinitigan niya ako saka siya mapait na tumawa. “Sinasabi mo bang ang lalaking mukhang ordinaryong tao sa picture na ‘yan ay si Simon Remington pala? At ama mo siya?”

Bago pa ako makasagot, narinig ko ang hakbang ng takong palapit sa amin. 

“H’wag kang maniwala dyan,” sabi ng mother-in-law kong si Samarra Harrison na kakapasok lang sa VIP room.

Kitang-kita ko ang kasiyahan sa mga mata niya habang nakatingin sa mga litrato sa sahig.

Muling nagsalita si Samarra. “Binalaan na kita tungkol sa babaeng ito, Calvin. Hindi ko alam kung ano ang naisip mo at itong babaeng haliparot na pa ang pinakasalan mo.” Ramdam ko ang pagkasuklam sa boses niya.

Nanikip ang sikmura ko.

Pero ngayon, malinaw na ang tunay niyang tingin sa akin.

Hindi nila alam na bihirang magpakita sa publiko si Papa. Ayaw niyang inilalabas sa media ang mukha niya at mas gusto niyang mamuhay nang tahimik. Kaya iilan lamang ang tunay na nakakakilala sa kanya.

Hindi rin nila alam na ako mismo ang humiling kay Papa na ibigay ang kontratang iyon sa Harrison Group. Kung hindi dahil sa akin, hindi nila makukuha ang malaking proyektong iyon.

“That’s enough, Mom,” sabi ni Calvin.

“Problema namin ito ni Kiara. Kailangan kong marinig ang paliwanag niya,” dagdag pa niya.

Muling pumasok ang staff at maingat na inilapag ang in-order kong stake sa mesa. Napatingin si Calvin sa mga pagkaing nakahanda roon. Napansin ko ang lungkot at pagkadismaya sa mukha niya.

Parang may kung anong matulis na bagay ang humiwa sa puso ko nang marinig iyon. Pagkatapos ay tumalikod siya at lumabas sa VIP room.

Agad kong kinuha ang cellphone ko at tinawagan ang numero ni Calvin. Nanginginig ang mga kamay ko habang hinihintay ko siyang sumagot. Ilang beses itong nag-ring bago may sumagot.

“Hello?”

Parang nanlamig ang dugo ko nang marinig ko ang boses ng isang babae.

“Sino ka?” agad kong tanong.

Pero agad naputol ang tawag.

Lalong lumakas ang kaba sa dibdib ko habang nakatitig sa cellphone na hawak ko. Nanginginig kong kinuha ang annulment papers sa mesa. Mahigpit ko itong hinawakan habang nakatitig dito.