Chapter Four: Copycat Elize

“Hindi mo manlang ba ako tatanungin kung pumapayag ako?” tanong ko habang mahigpit na hinahawakan ang documents.

Ayos din ‘tong boss ko eh, paladesisyon. Akala niya naman hindi ako papalag. His idea was impossible! Hindi pa rin talaga sumusuko. Sabagay, isa siyang Reale, lahat ng gusto nakukuha agad. Pero hindi niya ako matatakot. Hind niya ako makukuha sa pasimpleng document niya. Puwedeng-puwede ko ‘yong punitin eh.

“Alam mo paladesisyon ka,” prangka kong sabi pagkatapos ay tinaasan siya ng kilay.

Pero hindi nagbago ang expression ng mukha niya. Seryoso pa rin at malalamig ang mga mata. Kulang na lang talaga ay iisipin kong may emotional damage ang lalaking ‘to. Akala niya naman cool na siya sa lagay na ‘yan. Hello, he has only those cold eyes but he’s not cool… not in my eyes. Mas malamig pa ang halo-halo sa kaniya.

“I don’t need to. Papayag ka naman kahit hindi na kita tanungin. Hawak ko ang buong capital, isang message ko lang banned ka na sa lahat,” sabi ni Alexus na nagawa pa akong pagbantaan.

Kinuyom ko na lang ang mga kamay ko habang pinipigilan ang sarili na sampalin siya o sapakin. Anong karapatan niya para i-blackmail ako? I am not his toy pero kung makaasta siya ay parang laruan na niya ako. Hindi pa nga nakahawak ang kamay niya sa leeg ko ay nakabaon na ang mga kuko niya sa’kin. Gano’n katalas ang impluwensya niya sa lahat at sa paligid. A very dangerous claw.

“Ano ba kasing kailangan mo? Bakit mo ‘ko gustong maging fiancée mo?” sunond-sunod na tanong ko dahil gusto kong malaman kung ano talaga ang purpose niya at kung may hidden agenda ba siya maliban sa pagpapanggap ko bilang si Aelice.

“Correction, woman. You will never be my fiancée. But you will copy her… her moves, her style, all of her. You will be the clone for this plan.”

Hinagis niya sa’kin ang brown envelope na ang laman ay mga picture. Alam ko kaagad na mga picture iyon dahil naglaglagan ang iba nang ihagis niya sa’kin ‘yon. Kahit alam ko nang kamukha ko si Aelice, nagulat pa rin ako nang makita ko ang mukha niya. Hindi ko kasi in-expect, kahit kailan, na magkakaroon ako ng kamukha. Aware naman ako sa mga doppelganger. But dude, super accurate ng pagkakahawig namin. Para ko nang clone si Aelice. Is it even possible?

“You mean you will erase my identity… temporarily?” sabi ko at mas humigpit ang pagkakahawak ko sa documents, “Nasaan ba kasi ang fiancee mo? Ba’t bigla na lang siyang nawala? Anong ginawa mo sa kaniya? Nawala ba talaga siya?”

“Why do you keep asking, woman? Are you some kind of question fiend who can’t stop asking?” tanong niya na bakas na ang pagiging irita sa akin, “You are an annoying chatterbox.”

“Hoy, hindi ako chatterbox pero kaya kong mag-stalk ng taong nang-ghost,” confident ko pang sabi, at bumalik na naman ang expression niya sa pagiging cold.

I just rolled my eyes and crossed my arms. Siguro no’ng bata pa si Alexus, pinaglihi siya sa yelo kasi sobrang lamig ng pakikitungo niya sa iba. He’s nothing but a lunatic snowman in Winterland. Pathetic.

Isa-isa kong tiningnan ang mga picture. Kahit saang anggulo wala kang makikitaan na pagkakaiba sa’min. Naa-amaze ako pero at the same naccreepyhan. Ano kaya ang feeling na makatabi si Aelice at pareho kami ng damit? Kahit siguro si Alexus ay malilito sa’min kung sino si Aelice at si Elize. Nang matapos kong tingnan ang mga picture ay ibinalik ko rin ito sa kaniya. Tahimik lang siya pero ramdam ko ang matatalim na mga titig na unti-unting bumabaon sa’kin. Bakit pakiramdam ko may mali sa gagawin ko? Bakit pakiramdam ko mas malaki pa ang tasks na nakahain sa’kin? Tama kayang pagbigyan ko ang lalaking ito kahit kanina pa niya ako bina-blackmail?

“Huwag ka nang mag-isip ng decision dahil nakapagdesisyon na ako.”

“What the hell? Desisyon ka talaga kahit kailan. I can’t believe you!” komento ko at tinapon sa kaniya ang mga document.

For the second thought, I was planning to escape and ghost this f*cking rich man. Naisip ko kasi bigla ang posibilities at consequences kapag tinanggap ko ang alok niya. What if may malaking problema si Aelice na kinakaharap kaya bigla siyang nawala at ito namang si Alexus ay pilit siyang pinagtatakpan kaya naghanap ng impostor para mapaniwala ang lahat na narito pa si Aelice? What if may natanggap na death note si Aelice kaya nanganganib ang buhay niya ngayon tapos ito naisip ni Alexus na paraan para maligtas ang fiancee niya sa nagbabadyang kapahamakan or worse, kamatayan?

“Whatever you are thinking, woman, I hope it’s not worse,” sabi niya at nag-smirk na lang sa’kin, kaya napataas ang isa kong kilay.

“Excuse me?”

Ako pa talaga ang pinag-isipan niya nang masama eh siya ‘tong manggagamit ng tao. Gagawin ang lahat para magawa ang gusto niyang mangyari. Sana naman mahiya siya sa lagay na ‘yan. Pero isa nga pala siyang Reale kaya wala siyang hiya. Nasa dugo na nila iyon.

Anong mangyayari kapag nagpanggap akong Aelice? Anong sitwasyon ang naghihintay sa’kin? Paano kaya ako makakatakas sa sitwasyon na ito nang hindi nilalagay ang sarili sa kapahamakan. Knowing Alexus has many connections, I bet he will do anything to blackmail me.

“Don’t deceive me, woman. Because I will be the first person who hunts you down if you do that to me,” 

“Ano tingin mo sa’kin, manloloko?” hindi makapaniwalang tanong ko at tinaasan ulit siya ng kilay, para iparamdam sa kaniya na hindi ako guilty sa sinabi niya.

“Then, prove it.”

Aba’t hinahamon ako ng lalaking ‘to! Hindi niya yata kilala ang nag-iisang Elize Guevarra. Wala kaya akong inuurungan.

“Yeah, bring it on, snowman,” confident kong sabi nang hindi nagdadalawang-isip na tanggapin ang hamon niya.