الفصل الثالث

افاقت من شرودها على صوت احدهم يصيح 

"  وصلنا ل محطة الرمل" 

ترجلت من القطار غير مباليه بهمسات الناس التى اعتادت عليها واسرعت الخطى كى تصل الى المطعم الذي تعمل به وبعد ما يقارب نصف ساعة وصلت الى وجهتها،ثم دخلت  مسرعة الى غرفة  تبديل الملابس، قابلتها سوسن زميلتها فى العمل مبتسمه، وما ان رأتها مازحتها قائلة    

" تأخير ثلاث دقائق! دى أول مرة تعمليها و ….."

قطع حديثها دخول مدير المطعم وهو عابس الوجه  ويصيح 

 " سوسن النهاردة  يوم مهم فى المطعم، فى حجز مهم جدا لاجتماع الشركات الأساسية  لملاك المطعم ومش عايز مشاكل فاهمه " 

نظرت سوسن الى سيليا بتعجب ثم اجابة 

"هو أنت بتكلمنى لوحدى ليه ما سيليا هنا كمان"  

حاولت سيليا أخفاء ضحكتها  ونظرت إلى المدير، لكنه حرك أصبعه بشكل تحذيري أمام وجه سوسن قائلا 

"سيليا، ملتزمة ومش بتعمل مشاكل وكل المشاكل بتيجى من تحت راسك أنت " 

 تبتسم سوسن وتتحدث بدلال " طيب عندى سؤال واحد بس هو شريك صاحب المطعم الغلس ده جاى " 

قال المدير بغضب  " وأنت مالك بيه ،  قدمى الطلبات وانتى ساكته وأبعدى عنه "

بعد أن أنهى حديثه لم يعطيها فرصة للاعتراض ثم خرج من الغرفة  بوجهه عابس، فقالت سيليا

" هو مين ده الغلس  "

" واحد غنى فاكر أن كل الستات جوارى ليه" 

" طيب  صاحب المطعم شبه  شريكه ولا لا "

تتنهد سوسن بهيام  و تتمتم بصوت شبه مرتفع :-

 صاحب  المطعم ده شخصية خيالية،وسيم، وعينيه زرقاء بس دايما مكشر وشبه الملوك فى قصص الخيال 

ضحكت سيليا وهى ترى صديقته تكاد ان تقع من فرط الهيام ، امالت سيليا اليها وقالت مبتسمة 

" ربنا يبعد عننا شر الاثنين "

عبست سوسن وقالت " بقول شبة الملوك و وسيم، و تقولى شر،  طب يحاول يقرب منى وأنا موافقة "

"صايعه   " 

خرجت سيليا الي ساحة المطعم كى تجمع الطلبات الى حين  ان يأتى هذا المسمى مالك المطاعم وصديقه وضيوفه، لكنها لم تجد  الا طاوله واحده فى احدى الجوانب، يجلس عليها شخص يرتدى نظارة شمسية ويقرأ كتاب ما، اقتربت منه وقالت بصوت رزين 

 " طلباتك أيه يا فندم "   

رفع رأسه ثم اخفضها وأشاح بيده لها لتبتعد لكنها تمتمت داخلها ( ايه ده ،بنى ادم   قليل الذوق ) لكنها كتمت ما تشعر به  و أردفت قائله

"معلش هضايقك شوية بس دا مطعم مش كافيه يعنى لازم تطلب أو تخرج من هنا " 

وقبل أن يجيب الشخص الجالس، جاء شخص  اخر من خلفها  ووضع يده على كتفها وهو يتحدث بحماس قائلا

" يلا يا بني روح و…… "

لم يستطع إكمال الجملة فقد قمت  سيليا بحركة دفاعية  بتلقائية تامة وسحبت يده ثم  ادارت جسده  و أجبرته على الهبوط  إلى الأرض وهى تصبح 

 "أنت بتعمل أيه يا حيوان"   

دفع الرجل يدها بعيدا ثم قفز واقفا وعلامات الغضب تملأ وجهه وقال  

"يا جزمة،  أنت عارف أنا مين " 

بينما نهض الرجل الأول من الطاوله وهو ينزع نظارته، موجها حديثه الى الرجل الغاضب" 

" أهدي... أهدي ... يا  فايد ، مش كده  ده كان رد فعل طبيعي الشاب خايف منك " 

مع ارتفاع الصوت ووصوله الى أذن  مدير المطعم، أتى مسرعا لحل المشكل ظانا ان سوسن  افتعلت شئ ما، وما ان اقترب حتى قال 

" اه ده سيليا ،فى أيه يا سيليا؟ أنا لسه بقول انت مش بتاعت مشاكل أيه حصل"

أجابت سيليا بغضب يوازى غضب الرجل الثائر 

" الافندى بيحط  ايده  على كتفى و دافعت عن نفسي ما عملتش حاجة غلط"

ضحك الرجل الذى كان قد عاد للجلوس ثم قال بتعجب 

" انسه! أذاى دي ، أفتكرتها ولد"  

حركة سيليا  رأسها بتكبر ثم عدلت من وقفتها وأردفت قائله

"أسقه يا  حضرة المدير المرة الجاية مش هضربه هكسر على طول "  

ثم التفتت وتوجهت الى المطبخ وهى تكتم ضحكتها بينما هدر خلفها الشخص الغاضب مرددا كلمتها الاخيرة بسخرية 

 "هكسر ! " 

 حاول المدير ان يصلح ما حدث واسرع بالقول 

"والله دى بنت غلبانه وأكيد ما تعرفش حضرتك ، بس هخليها تيجى تعتذر" 

" لا،مش عايزها تعتذر دي تترفد وحالا ومالهاش شغل فى أى مطعم عندى أو أى مطعم فى أسكندرية ، وهات الملف بتعها أنا هخليها تبوس رجلى عشان أعتقها "

"  بس يا قندم ،هى كانت بتدافع عن نفسها، أرجوك سامحها دى يتصرف على اهلها"   

"مش هكرر  كلامي او هتترفد أنت كمان معها  " 

كانت سيليا وسندس يستمعان لما حدث ولكن عندما هدد فايد المدير بالرفد،  خرجت سيليا اليه بعد ان ابدلت ملابس العمل بفستان، ثم القت ملابس العمل فى وجهه وهى تردد بصوت مرتفع

 "أنا اللى ما يشرفني أشتغل  فى مطعمك ،وأخذت ملفي أعلى ما فى خيلك أركبه" 

ثم نظرت اليه من اعلى الى اسفل و استدارت و خرجت من المطعم دون انتظار  رده،  فصاح هو بأحد الحراس 

 " عايز كل حاجة عنها "