Inicio / Romance / BETRAYED WIFE OF THE ZILLIONAIRE BOSS / Capítulo 1 - Capítulo 10

Todos los capítulos de BETRAYED WIFE OF THE ZILLIONAIRE BOSS: Capítulo 1 - Capítulo 10

298 Capítulos

1 - Love hurts

Tatlong taon ng pagiging mag-asawa nila ay mistulang alikabok na hindi na mahagilap ni Yelena ang halaga. Kaya matapos mamatay ang panganay na kapatid ni Morgan, naglakas-loob siyang mag-file ng annulment. Gusto niyang lumaya, sa kabila ng mga pangamba sa posibleng epekto ng desisyon niya sa buong pamilya at sa mismong sarili niya, dahil aaminin man niya o hindi, minahal niya nang buong puso ang asawa."Ano ito?" Sumimangot si Morgan, nakarehistro sa mga mata ang gulat. "Dahil lamang hinarang ko ang sampal mo para kay Nova?" angil ng lalaking hindi makapaniwala.Tuwing binabanggit nito ang pangalan ng hipag, naroon ang pagsuyo na hindi niya madama kapag pangalan niya ang sinasambit ng lalaki.Hinamig ni Yelena ang sarili at malamig na sumagot, "Oo, dahil sa ilang beses mong pagtatanggol sa kaniya. Pinagmumukha mo akong kawawa, Morgan. Ako ang asawa mo at hipag mo lang si Nova. Pero nasaan ba ang simpatiya mo? Hindi ko na hihintaying sabihin mong umalis ako dahil mas importante sa iyo

2 - Between Two Women

Nahugot ni Yelena ang hininga at bahagyang naguguluhang tumingin kay Philip na sumampa sa kaniyang tabi. Isiniksik ng bata ang malusog at matabang bulto."Auntie, sama kami ni Mama sa iyo."Kunot ang mga kilay na tumingin siya kay Morgan para kompirmahin kung iyon din ba ang gusto ng lalaki o baka ito pa mismo ang nag-alok sa mag-ina na sumama sa kanila roon sa bahay."Galit na galit pa rin sina Mom and Dad, baka kung ano'ng gawin nila kay Nova. Doon muna sila mag-stay sa bahay natin." Nakatiim ang mga bagang na wika ni Morgan. "Pansamantala lang naman."Halos matawa na siya, pero naisip niyang nasa sementeryo pa rin sila. Hindi yata tama na tumawa siya roon kahit dala pa iyon ng sama ng loob at galit.Ang talino nga naman ng asawa niya. Sa kaniya sasama sina Nova at Philip habang ito ay babalik sa main house, sa bahay ng mga magulang nito at tutubusin ang galit ng pamilya para kay Nova. Napaka-responsable naman talaga.Pero wala rin naman siyang choice. Papakinggan ba nito ang katuwi

3 - Pushed Away

Dis-oras na ng gabi at hindi na muling dinalaw ng antok si Yelena. Nasa verandah siya at natanaw ang itim na Chevrolet na pumasok sa bakuran. Maya-maya pa ay naroon na ang mag-ina at sumalubong, hila-hila ni Philip sa kamay si Nova. A harmonious family of three kung pagmasdan.Pumihit siya at bumalik sa loob ng kuwarto. Nagtungo sa kama at humiga. Bakit ba nakita pa niya ang ganoong tagpo? Ilang minuto ang lumipas, narinig niya ang kaluskos sa may pintuan. Pumasok si Morgan na madilim ang mukha. Nagsumbong siguro ang mag-ina."Totoo bang tinakot mo si Philip kanina?" angil sa kaniya ng asawa."Oo. Pero bago ka magalit sa akin, tingnan mo muna ang family photo na tanging alaala ko sa aking mga magulang. Pinunit iyan ni Philip! At bakit ba kasi sila pumasok dito sa kuwarto? Sinabi mo ba na okay lang makialam sila sa mga gamit dito?"Natigilan si Morgan. Hindi nakakilos. Lumamlam ang mga mata nito at nahawi ang lambong sa mukha. Tinangka nitong haplusin sa ulo si Yelena pero umiwas siya.

4 - The Painting

Itinago ni Yelena sa ilalim ng cabinet ang box at hinarangan iyon ng ilan sa designer bags niya. Minsan kasi ay naghahalungkat doon si Morgan, ayaw niyang makita nito ang box bago ang takdang araw na nasa kaniyang plano.Umunat siya at matagal na nakatitig sa door mirror ng cabinet matapos isara iyon. Nasa ganoon siyang ayos nang muling bulabugin ni Manang Luiza na nakalimutan na yatang kumatok at binalya pabukas ang pinto."Maám! May nangyari po sa ibaba," nangangatal ang boses ng mayordoma. "Ang ink painting na ginawa ni Sir Victor ay sinira ni Philip!""Ano'ng sabi nýo?" Nalukot ang mukha ni Yelena at kumaripas palabas ng kuwarto. Humabol sa kaniya si Manang Luiza na sa sobrang nerbiyos ay natapilok pa. Bumaba sila ng sala at nadatnan doon ang wasak na painting.Bumuntong-hininga siya at naglibot ang mga mata, hinahanap si Nova. Pero wala roon ang babae. Aroganteng lumapit sa kanila si Philip at namaywang na wari pag-aari nito ang buong bahay at libre itong sirain ang mga gamit na

5 - Advance Gift

Pumasok ang sasakyan ni Morgan sa bakuran at itinabi niya iyon sa driveway. Napansin niyang may guards mula sa main house na nakabantay sa labas ng chapel. Sino'ng nandoon?Sa halip na tumuloy sa loob ng bahay, tinungo niya ang kapilya at nakita si Nova na nakaluhod sa ibaba ng altar. Itinulak niya ang guards na humarang at dinaluhong ang babae.Niyakap niya mula sa likod si Nova at kinarga. Tiim ang mga bagang na lumabas ng chapel at nilandas ang pathway papasok ng bahay. Ang suot niyang mahabang coat ay nagbigay ng kalmadong ora sa kaniyang tindig kahit nagdeliryo sa galit ang dibdib.Itinuloy niya sa guest room ang hipag at minasahe ang mga binti nito at tuhod na namumula. Halata ang poot sa kaniyang mga mata, hindi para kay Nova kundi sa sinuman na responsable sa pagpaparusa sa babae."Tanga ka ba? Bakit pumayag kang paluhurin doon?""Si Grandma ang nag-utos, ano'ng magagawa ko? Nagsumbong kasi ang asawa mo." Umiyak si Nova. "Hindi ko akalaing ganoon siya. Natatakot sa kaniya si P

6 - Family of Cold

Nagtuluy-tuloy ang pabugso-bugsong ulan sa nakalipas na dalawang araw. Pero hindi nagbabago ang daily routine ni Yelena bago pa namatay ang kaniyang bayaw. Pumupunta siya sa City Health Office sa umaga para sa consultation at sa hapon ay nag-aaral siya tungkol sa mental health. May bago kasing programa na bubuksan ang LGU at ang concentration at mental health intervention. Dulot ito sa talamak na suicide events na kinasasangkutan ng mga kabataan.Resident pedia si Yelena ng City Health Office at primary care facility ng Magallanes City. Last year lang siya nagtapos ng medicine at nakapasa sa board exam. Pinili niyang sa CHO ng lungsod magtrabaho dahil dito madalas tumatakbo ang kapos at walang pambayad sa private hospitals.Umuwi siya ng bahay pagkatapos ng duty niya at nagpalit ng damit. Nag-ayos siya ng sarili. Naglagay ng light make-up. Likas na maganda si Yelena. Mestiza at maliit ang mukha na may singkit na mga mata, matangos na ilong at higis puso na mga labi. Lalong tumingkad an

7 - rare diamond

Natisod si Yelena at muntik nang madapa habang palabas ng pavilion. Ilang taon na ba? Kinasanayan na lang siguro niya ang ganitong trato ng kaniyang pamilya. O, pamilya nga ba niyang maituturing ang mga ito?Akala niya magbabago na. Pero mas lumala pa. Sa loob ng tatlong taon, everytime na hindi niya kasama si Morgan sa mga pagtitipon nila ay tinatanggap niya mula sa mga kamag-anak ang parusa. Though hindi naman na niya ikinagulat pa. Iyon lang, hindi alam ng asawa niya ang tungkol dito. Hindi nito alam na tuwing pinili nito si Nova kaysa sa kaniya, inilalagay siya nito sa bingit ng kamatayan. Malinaw sa kaniya ang mensaheng nais iparating ng matriarch nila, hindi nito kailangan ng babaeng hindi kayang kontrolin ang puso ng kaniyang husband. "Bakit kasi sobrang honest n'yo naman, Ma'am Sana nagsinungaling na lang kayo para hindi kayo nasasaktan ng ganito." Lumapit sa kaniya ang katiwala ng pavilion. Si Mario.Ngumiti lang ng tipid si Yelena. Ilalagay lang niya sa mas komplikadong sit

8 - insensitive

Six million? Namilog ang ulo ni Nova. Limang milyon nga lang ang matatanggap niyang parte sa lahat ng properties ni Morris, tapos pagbabayarin siya ng anim na milyon ni Yelena? Pero kung hindi siya magbabayad, buong araw nitong ipanakot sa kaniya ang matandang babaeng iyon!Nagngingitngit siyang pumasok sa kuwarto nila ni Philip at nag-iisip kung ano ang sasabihin kay Morgan. Malinaw naman na binu-bully siya ni Yelena. Gusto siyang ipahiya ng babae dahil lang binili ng asawa nito ang pagkamahal-mahal na hikaw para sa kaniya. Samantala...Pagkatapos mag-shower ay nagsimulang maghalungkat ng mga gamit si Yelena. Ang totoo? Wala siyang pakialam kung may pera o wala si Nova. Hindi niya sasayangin ang oras sa babaeng iyon. Naglinis siya para mai-dispose na ang mga gamit na hindi na niya mapakinabangan pa. Mag-a-advance na siya para pag-alis niya wala na siyang maraming dadalhin. Hazzle sa part niya magbitbit pa ng mga walang kwentang bagay.Itinapon niya ang mga dapat itapon. Pati ang

9 - mistress

Kitang-kita ni Yelena ang paglatay ng panic at guilt sa mga mata ni Morgan."Yena, iyon...""Okay lang," she faked a smile and retracted her eyes. "Huwag kang mataranta, alam ko naman na matagal mo nang kakilala si Nova at marahil ay close talaga kayo. Normal lang magbigay ng gifts sa kaibigan paminsan-minsan."Wala sa sariling tumango ang lalaki at lumabas ng silid. Nakasilip sa bintana ng kuwarto si Yelena habang paalis ang sasakyan ng asawa. Bumalik siya sa couch at humilata roon. Muntik na niyang talakan si Morgan. Nakalimutan niyang nakagawian pala niya ang maging obedient at mapagpasensya. Pero sasamantalahin niya ang sundot ng konsensya ni Morgan para makalaya nang walang anumang problema. Tumunog ang cellphone niya. Si Yaale ang tumawag. "Yena, gusto mong lumabas at uminom?""Sige! Pero mamaya na lang, may live broadcast ako about health at 10 o'clock pa matatapos."Segment iyon sa local tv, tungkol sa karaniwang sakit na pwedeng makakaapekto sa mga kabataan. Tuwing may con

10 - play the game

Halata sa mukha ni Manang Luiza na wala itong pakialam kay Philip na umiiyak. Ang inaalala nito ay si Yelena. "Okay ka lang ba, Ma'am? Baka naman hindi totoo ang nasa mga larawang iyan. Alam natin ngayon ang social media, masyadong toxic. Maraming fake news. Pagdating ni Sir Morgan, mas maiging itanong mo muna." Tumango na lamang siya para ipanatag ang kasambahay. Totoo o hindi? Nakita na niya kagabi ang katotohanan at hindi niya kailangan nang kung sino para i-justify ang kaniyang nasaksihan. Samantala...Sa mainhouse, natanggap ni Madam Rosela ang tawag ng mayordoma. Ni-report nito ang tungkol sa balitang nabasa ni Yelena sa social media."Madam, hindi kumain ng agahan at tanghalian si Ma'am Yena at pugto rin ang mga mata niya. Malamang iniyakan niya buong magdamag ang tugkol sa ginawa ni Sir."Hindi babad sa socmed ang mga tao sa main house. Focus ang mga ito sa pagpapalago ng kabuhayan ng pamilya. Kaya nagimbal ang lahat sa pagsabog ng balita tungkol sa ginawa ni Morgan

ANTERIOR

...

SIGUIENTE

ESCANEA EL CÓDIGO PARA LEER EN LA APP

DMCA.com Protection Status