Semua Bab سقطت في حبك رغمًا عني: Bab 1 - Bab 10

الفصل الأول العريس الهارب من الزواج "لو مرحتش النهارده... هعتبر إن معنديش ابن!" دوّى صوت رحاب عاصم في أرجاء فيلا اللواء محمود فوزي، وهي تضرب كفها فوق الطاولة بعصبية. رفعت نظرها إلى زوجها اللواء محمود فوزي، الذي كان يطالع الجريدة بهدوء وكأن شيئًا لم يحدث. قالت بانفعال: — اعمل إيه مع ابنك؟ واحد وتلاتين سنة ولسه كل ما أفتح معاه سيرة الجواز يهرب! أنزل محمود الجريدة وتنهد. — يا رحاب... إنتِ عارفة خالد كويس. حياته كلها شغل، ومن يوم دخل الكلية الحربية وهو مش شايف غير العسكرية. هزت رأسها بعناد. — وأنا أستناه لحد إمتى؟ كل اللي في سنه اتجوز وخلف، وأنا نفسي أشوف عياله قبل ما أكبر. ابتسم محمود ابتسامة خفيفة. — هو لسه صغير. رمقته بنظرة حادة. — صغير؟! بالنسبة لك يمكن... لكن بالنسبة لي لا. ثم أخرجت هاتفها وقالت بثقة: — خلاص... أنا لقيتله العروسة المناسبة. رفع محمود حاجبيه. — عملتيها؟ ابتسمت بانتصار. — نيهال كلمتني... بنت ناس جدًا... اسمها علياء، آخر سنة في طب، وأهلها من أكبر العائلات. تنهد محمود. — وسألتي خالد؟ ضحكت رحاب. — لو سألته هيرفض قبل ما يسمع اسمها. هز محمود رأسه مستس

في غرفة يوسف... ما إن أنهى يوسف مكالمته مع خالد، حتى رن هاتفه مرة أخرى. ابتسم عندما رأى الاسم الذي ينتظره. ضغط زر الإجابة سريعًا. — إزيك يا علياء؟ ابتسمت علياء وهي تغلق باب غرفتها حتى لا يسمعها أحد. — الحمد لله... إنت عامل إيه؟ — كويس... بس انتي اللي اتأخرتي عليا النهارده. تنهدت علياء. — معلش... سارة كانت معايا طول الوقت، ومكنتش عارفة أكلمك. ابتسم يوسف. — ولا يهمك... المهم طمنيني. عملتي إيه في موضوع العريس؟ تنهدت علياء براحة. — الحمد لله... الموضوع انتهى. ابتسم يوسف وهو يسأل بلهفة: — يعني رفضتيه؟ خفضت علياء صوتها وقالت: — بصراحة... أنا اتعمدت أتأخر في الحمام، وسيبت سارة تقعد مكاني شوية... على أساس إنها أول ما تعرفه تقول له إني مش موجودة لحد ما أرجع. صمتت لحظة ثم أكملت بندم: — لكن اللي حصل مكانش في بالي خالص... الشاب افتكر إن سارة هي العروسة، واتكلم معاها بطريقة وحشة جدًا. ولما رجعت كانت مخبية عني اللي حصل. قطب يوسف حاجبيه. — يعني كل اللي حصل ده بسبب إنك سيبتيها مكانك؟ تنهدت علياء. — أيوة... وضميري وجعني جدًا. أنا مكنتش أعرف إنه هيعمل كده. ابتسم يوسف محاولًا طمأن

الفصل الخامس في مقهى الكلية... ذهبت علياء إلى مقابلة ريمان وهي تعرج بخطوات بطيئة بسبب الإصابة التي تعرضت لها في قدمها، ولم تنتبه أن هاتفها قد سقط منها عند بوابة الكلية بعد الحادث مباشرة. فقد كانت منشغلة بالشجار الذي دار بينها وبين ذلك الشاب، وغادرت المكان دون أن تلتفت إلى هاتفها. أما يوسف، فظل واقفًا للحظات بعد رحيلها، ثم لمح الهاتف ملقى على الأرض. انحنى والتقطه وهو ينظر في اتجاهها، وتمتم بهدوء: يوسف: — واضح إنها نست تليفونها... وضع الهاتف في جيبه، وقرر أن يبحث عنها داخل الكلية ليعيده إليها إن سنحت له الفرصة. وصلت علياء إلى المقهى، وما إن رأتها ريمان حتى نهضت من مكانها بقلق. ريمان: — مالك يا بنتي؟ بتعرجي كده ليه؟ وإيه اللي حصل؟ وبعدين تليفونك فصل فجأة ليه؟ علياء بضيق: — وأنا جاية واحد غبي خبطني بالعربية في رجلي، والتليفون وقع مني وأنا بكلمك. ريمان بغضب: — ومقولتيليش ليه؟ والله لو كنتِ وريتيني مين ده كنت وريته مقامه! شكله إيه ده؟ علياء بهدوء: — عادي خلاص... اللي حصل حصل، وبصراحة أنا كمان مكنتش مركزة في الطريق. ريمان: — حتى لو مش مركزة، مش معناها يخبطك بالعربية! هو معانا هنا ف

الفصل السابع قرار قد يغيّر كل شيء جلس خالد على أحد المقاعد داخل غرفة يوسف وهو ينظر إليه بضيق، ثم قال ساخرًا: خالد: — أنا عملت حاجة؟ ما إنت قولت إن إنت وأختك في المستشفى وإنها اتخبطت! نظر إليه يوسف بغيظ وهو يخلع سترته العسكرية. يوسف: — يا متخلف... قولتلك صاحبة أختي! أنا اللي خبطها ووديتها المستشفى. رفع خالد حاجبيه وهو يضحك. خالد: — يا عم مش هتفرق! كويس إن اللواء ملغاش الإجازة بتاعتك. وكمان معرفش إنك إنت اللي خبطت البنت... كان زماننا في داهية. قولتلك كام مرة سواقتك دي هتعملك مصيبة! زفر يوسف بعصبية وألقى الجاكيت على السرير. يوسف: — يا شيخ اتلهى... أنا مش ناقصك إنت كمان. كفاية البنت المجنونة دي، لسانها أطول من طريق السفر، ومبتسكتش خالص. ضحك خالد وهو يرمقه بمكر. خالد: — أهااا... الحكاية فيها بنت ولسان طويل؟ احكي يا برنس، شكلك اتعلم عليك النهارده. رمقه يوسف بنظرة حادة. يوسف: — خالد... اطلع من دماغي أحسنلك. أنا جبت آخري ومش طايق حد قدامي. قهقه خالد بصوت عالٍ. خالد: — وأنا مالي؟ إنت اللي رايح تخبط البنات بالعربيات، وبعدين تتخانق معاهم. متتشطرش عليا بقى... اتشطر على اللي علمت علي

ريمان : انا طبعا سامح : لا مينفعش هو انتى بتعرفى تسوقى ريمان : اه طبعا آمال فاكر ايه انا مشكلة اصلا مفيش حاجة معرفش اعملها أنا بعرف اعمل كل حاجة متخفش مش هعمل بيك حادثة تانية ارتاح انتا بس على الكرسى التانى سامح : مين علمك السواقة ريمان : يوسف اخويا مفيش حاجة اطلبها منو غير لو عملهالى وعلمنى السواقة بس انا ليا فترة مركبتش عربية بس لسه منستش السواقة طبعا سامح : انتى بنت عجيبة فعلا أوقات كتير بحس انك بنت متقمصة شخصية ولد ريمان : هههههه نفس الكلام إلى بتقولهولى ماما بس عادى انى اعيش حياتى زى منا شايفة وانى أعيشها بكل معنى فيها دة شئ يخصنى انا مليش دعوة بكلام الناس لأن كلام الناس تحت الرجل ينداس وبعدين فى حد دلوقتى بيخاف من كلام الناس سامح : اكيد فى ريمان : اكيد بس كلام الناس مش فى قاموسى بابا قالى كدة لأن الناس ما بتصدق تلاقى غلطة لحد علشان يفضلوا يحكوا فيها ويعملوا فضايح فا كلام الناس بالنسبالى كلام فارغ مش باخد بيه مدام انا عارفة بعمل ايه وعارفه انى صح مش غلط فا مليش دعوة بكلام الناس سامح : بجد انتى بنت بمية راجل عجبانى جدا شخصيتك مرحة وودودة وطيبة وجميلة وشقية ....ريمان: احم