Tinanggap Novels & Stories

Sa loob ng tatlong taon, buong pusong minahal ni Kaelin Daisy Castellon Kensington ang kanyang asawang si Harrison Vincent Kensington. Tinanggap niya ang malamig nitong pagtrato, at ang katotohanang hindi nito kayang suklian ang kanyang pagmamahal. Habang patuloy siyang nagsasakripisyo para sa kanilang pagsasama, unti-unti namang napapagod ang kanyang puso. Para kay Harrison, si Kaelin ay isa lamang asawa sa papel, isang babaeng laging naroon at hindi aalis kailanman. Ngunit nagkamali siya. Isang araw ay bigla na lang itong umalis ng walang paalam. Saka lamang napagtanto ni Harrison ang halaga ng babaeng matagal niyang binalewala. Ang tahanang dati'y puno ng pag-aaruga ay naging tahimik. Ang babaeng akala niyang habambuhay na maghihintay ay marunong din palang sumuko. Habang unti-unting bumabangon si Kaelin at binubuo ang buhay na wala si Harrison, nagsisimula namang gumuho ang mundo ng lalaking minsang ipinagkait sa kanya ang pagmamahal. Handang gawin ni Harrison ang lahat upang maibalik ang kanyang asawa. Ngunit ang Kaelin na kanyang muling makikilala ay hindi na ang dating babaeng handang magsakripisyo para sa kanya. Sa pagkakataong ito, si Harrison naman ang hahabol. Siya naman ang magmamakaawa. At siya rin ang susubok na palambutin muli ang pusong siya mismo ang nagpatigas. Ngunit sapat ba ang pagsisisi upang maibalik ang isang pag-ibig na matagal nang napagod? O huli na ang lahat para sa lalaking ngayon lang natutong magmahal? Kapag ang sobrang umibig ay paulit-ulit na nasaktan at napagod, maaari pa ba itong magbigay ng pangalawang pagkakataon? O may mga pusong kapag tuluyang bumitaw, ay hindi na kailanman muling babalik?

Kasabay ng biglaang pagkamatay ng kanyang ama sa hindi malamang dahilan ay niloko din si Cassandra ng boyfriend niya at ipinagpalit sa kanyang matalik na kaibigan na si Serafina ngunit hindi pa doon nagtatapos ang dagok sa buhay niya. Sa burol ng kanyang ama ay nakilala niya ang mafia boss na si Giovanni Zobel na siyang pinagkakautangan ng kanyang ama ng isang bilyong piso, binigyan siya nito ng palugit na isang buwan at pag hindi siya nakabayad ay papatayin siya nito. Dahil sa pagbabantang iyon ni Giovanni ay pinalayas kaagad si Cassandra ng kanyang tiyahin sapagkat ayaw nitong masangkot sa gulo at utang ng kanyang ama. Kinamkam din nito ang natitirang kayamanan ng kanyang ama. Sa paglalakad ni Cassandra sa malakas na ulan at malamig na simoy ng hangin na tanging maleta lang ang bitbit ay muling nag krus ang landas nila ng ninong niyang si Jonas Del Riego na siyang may-ari ng Del Riego Group of Companies. Ipinaliwanag nito na malaki ang utang na loob nito sa ama niya kung kaya’t gusto niyang suklian ang lahat ng ginawa nito sa pamamagitan ng pag-aalaga sa kanya. Kaagad niyang tinanggap ang offer nito na maging secretary at personal assistant ngunit hindi lingid sa kaalaman ni Cassandra ang tinatagong pagtingin ni Jonas sa kanya. Sa pagtatrabaho niya doon ay nalaman pa ni Jonas ang sitwasyon niya at inofferan siya nito na babayaran ang pagkakautang ng kanyang ama at bibigyan siya ng proteksyon kung magpapakasal siya rito. Magawa niya kayang tanggapin ang inaalok nitong kasal para sa pera, proteksyon at pagmamahal?

Si Merlyn Claveria Santiago, isang 28 taong gulang na OFW sa Dubai, ay kilala sa kanyang sipag at sakripisyo para sa kanyang pamilya. Sa kabila ng hirap ng trabaho at lumbay ng pangungulila, nanatili siyang tapat sa kanyang kasintahang naiwan sa Pilipinas. Ngunit isang araw, ang kanyang mundo’y gumuho nang malaman niyang nabuntis ng kanyang nobyo ang bunsong kapatid na 18 taong gulang lamang. Labis ang sakit ng pagtataksil, lalo na’t itinago ito sa kanyang mga magulang upang hindi maapektuhan ang perang ipinapadala niya buwan-buwan. Sa hinanakit at kawalang pag-asa, iniwan ni Merlyn ang kanyang pamilya at lumayo. Habang naglalakad, napadpad siya sa isang simbahan kung saan nagaganap ang isang kasalan—isang kasalan na nauwi sa eskandalo nang tuklasin ng lalaking ikakasal na pinagtaksilan siya ng kanyang kasintahan. Sa isang di-inaasahang pagkakataon, nilapitan si Merlyn ng ina ng lalaking iniwan sa altar. Isang alok ang binitiwan: pakasalan ang kanyang anak upang mailigtas ang pamilya nila sa kahihiyan. Dahil sa galit sa mundo at pagnanais na makalimot, tinanggap ni Merlyn ang kasunduan. Ngunit ang kanyang pinasok na kasal ay hindi basta-basta. Ang lalaking kanyang pinakasalan ay si Crisanto "Cris" Montereal, isang bilyonaryo na may makapangyarihang impluwensya at mga negosyo sa iba't ibang panig ng mundo. Sa likod ng kanilang kunwaring pagsasama, unti-unting masusubok ang kanilang damdamin, at mahuhulog sila sa komplikadong laro ng pag-ibig, paghihiganti, at mga lihim na pilit nilang tinatakasan. Makakahanap kaya si Merlyn ng kapayapaan sa piling ng isang lalaking puno ng galit sa pag-ibig? At mapapatawad kaya niya ang mga taong minsang sumira sa kanyang tiwala? O tuluyan siyang magpapatalo sa mga sugat ng kahapon?

Limang taon na ang nakalilipas, tinanggihan ni Kenzo Ayapana ang pagbubunyag ni Catriona na siya ay buntis. Sa halip na tanggapin ang kanilang magiging anak, itinaboy niya ito, sinabing may pakakasalan siyang ibang babae at inutusan pa itong palaglagin ang bata. Dahil sa matinding sakit at takot, umalis si Catriona nang lihim at nagtago sa malayong probinsya upang doon ipanganak at palakihin ang kanilang anak na si Kael nang mag-isa. Nang magkaroon ng matinding pangangailangan sa pera, tinanggap ni Catriona ang alok na maging sekretarya sa kumpanya ni Kenzo. Sa pagbabalik sa Maynila, itinago niya ang kanyang tunay na pagkakakilanlan. Habang magkakasama sa trabaho, dumating si Leo Varela-isang mabait na negosyante na nagsimulang humanga at manligaw kay Catriona. Dahil dito, nakaramdam ng matinding selos si Kenzo at unti-unting napansin ang kakaibang pagtingin sa kanyang sekretarya, kaya siya rin ay nagsimulang manuyo at makipagpaligsahan sa puso ng babae. Sa paglipas ng panahon, lalong tumindi ang hinala ni Kenzo nang makita niya si Kael at mapansin ang matinding pagkakahawig nila. Matapos ang mahabang pagsisiyasat, nalaman niya ang buong katotohanan-na si Catriona ang babaeng iniwan niya at si Kael ang kanyang tunay na anak. Nang malaman ito ng bata, labis siyang nagalit at tumangging tanggapin si Kenzo, dahil sa sakit ng pagtatakwil na dinanas nila noon. Ngunit sa pamamagitan ng tapat na pagsisisi, pagbabago, at walang sawang pagpapakita ng pagmamahal, unti-unting nabawasan ang galit. Natuklasan din ni Kenzo na ang kanyang dating kasintahan ay nagsinungaling lamang tungkol sa pagbubuntis. Sa huli, natutunan ng pamilya na magpatawad, bumuo ng bagong buhay, at napatunayang ang tunay na pagmamahal at pagsisisi ay may kakayahang hilumin kahit ang pinakamalalim na sugat ng nakaraan.

Si Natasha Marie Garcia ay napasok sa isang sitwasyon na hindi niya akalain na mangyayari sa kanya. Inakala niyang pupunta siya sa Silvestre Mansion para maging isang kasambahay. Ngunit nagkaroon ng setup si Don Juanito. Gusto niyang mapalapit si Natasha sa kanyang apo, kaya gumawa siya ng paraan para magkalapit sila at magpakasal. Hindi sana papayag si Natasha, pero wala siyang nagawa kundi magpakasal. Inakala niyang ikakasal lang siya sa isang mayaman, arogante, at nakakainis na lalaki. But she didn't know she was getting married to the leader of the most powerful hidden mafia in the country. Mapaglaro ang tadhana; habang tumatagal ang araw na kasama niya ang kanyang asawa, lalong nahuhulog ang kanyang loob dito. Hanggang isang araw, natuklasan ni Natasha ang lihim ng kanyang asawa. Behind his sweet and loving smile was a dangerous and powerful mafia boss. Sa una, natakot siya, pero nangibabaw ang pagmamahal niya sa kanyang asawa, kaya tinanggap niya ito ng buong puso sa kabila ng madilim nitong buhay. Masaya sila, ngunit dumating ang isang trahedya na nagbago ng kanilang masayang pagsasama. Namatay ang ina ni Natasha sa isang ambush at sinisi niya si Giovanni. She left her husband without a word because of the anger she felt. Binalot ng galit si Natasha, at nagdesisyon siyang maghiganti. Paano mapapatawad ni Natasha ang kanyang asawa kung ang sugat ng nakaraan ay masyadong malalim? Mananaig ba ang kanyang pagmamahal sa lalaking una niyang minahal? Maibabalik pa kaya ang kanilang masayang relasyon? Ano ang gagawin ni Giovanni para mabawi ang babaeng mahal niya? Babalik ba si Natasha sa kanya? O ang kanyang minamahal na asawa ay magiging kanyang kaaway?

Paano ba maging mabait na bestfriend.Yun ba yung pagtatakpan mo lahat ng mga mali na kanyang nagagawa o tatanggihan mo siya para ipaunawa sa kanya ang mga mali nakanyang nagawa. Si Moira isang probisyana na lumuwas sa maynila para ipagpatuloy ang kanyang pag-aaral sa kolehiyo. Nakakuha kasi siya ng scholarship sa isang unibersidad. Habang nag-aaral nagpa-partime din siya bilang taga-gawa ng mga projects at reports ng mga kaklase niyang anak mayaman. At isa na nga ang kanyang bestfriend na si Gregory Grant. Gustong-gusto niya ito kapag magpapagawa sa kanya ng mga projects at reports kasi doble binabayad ni Grant sa kanya. Pero paano kung hindi na projects at reports ang ipapagawa nito sa kanya. At hihilingin nito na ipaalaga sa kanya ang naging anak nito sa ex- girlfriend na si Beverly. Kapalit ang malaking halaga para maging mommy ng anak nito. Tatanggapin o tatanggihan ba niya ang kanyang bestfriend kasi may sarili din siyang pangarap na nais matupad. Kung aalagaan nya ang anak nito, ano ang mangyayari sa kinabukasan nya. Gusto niyang tanggihan ang kanyang bestfriend,pero naguguluhan siya nang ihatid nila ang bata sa bahay-ampunan. Nakonsensya siya kaya tinanggap niya ang alok ni Grant . Binigyan siya ng malaking halaga ni Grant para magsimula ng panibagong buhay kasama ang anak nito, hiniling din ng kanyang bestfriend na hindi muna sila magkita pa.Malungkot na lumayo si Moira kasama ang batang si Prince na inabandona ng mga magulang nito. Lumipas ang pitong taon, nabalitaan ni Moira na ikakasal na si Grant isa sa anak ng mga kasosyo nito sa negosyo. Kaya tinitulan niya ang kasal nito para sa anak niya na si Prince. Sobrang galit ni Grant sa ginawa ni Moira, pero hindi nagsisi si Moira tama lang ito sa taong walang puso tulad ni Grant at pera lang mahalaga.

Si Felicia ay isang batang ulila na may pambihirang talino at diskarte. At isang utak kriminal kung tutuusin, pero hindi kailanman ginamit sa kasamaan.  Sa murang edad, naging banta na siya sa kapulisan at naging pakay ng mga pinuno ng kriminal na sindikato. Hangad nilang gamitin ang galing ni Felicia para sa pansariling kapangyarihan. Ngunit isang gabing puno ng panganib ang tuluyang nagbago sa kanyang kapalaran. Iniligtas ni Felicia ang mga anak ng mayaman na biktima ng kidnapping, at hindi niya alam na doon na magbabago ang tadhana ng buhay niya. Tinulungan siya ng isang binatilyo at pinapanggap na apo ng pinakamaimpluwensyang businessman sa boung mundo at nakuha niya ang pansin nang matandang businessman na iyon na matagal nang naghihinagpis sa pagkawala ng kanyang pinakamamahal na apo. Inampon siya ng matanda at ginawa bilang huwad na tagapagmana. Kahit batid ng matanda ang buong katotohanan, buong puso niya itong tinanggap bilang apo, sa hangaring makaramdam muli ng init ng pamilya bago siya tuluyang mamaalam. Pero hindi ganoon kadali ang buhay sa loob ng mansyon. Ang mga magulang ng nawawalang bata ay malamig at mapanakit. Ang kanyang stepsister, parang ahas na laging handang manira.  Hindi niya ginusto ang lugar na ito, pero pinili niyang manatili, para tuparin ang hiling ng tanging taong naniwala sa kanya. Hangad lang ni Felicia na maging mabuting apo. Pero kailanman ay hindi naging sapat ang kabutihan sa mundong puno ng kasinungalingan at inggit. At sa likod ng bawat ngiti sa mansyon, may mas malalim palang lihim… Isa siyang pamalit.... Pero baka siya rin ang susi sa pagkawasak o pagsalba ng pamilyang ito. At kung aapakan siya ng mga taong dapat ay pamilya niya... Pasensya na lang sila. Hindi siya ang tipo'ng basta na lang magpapatalo. Dahil siya ay si Felicia o nagtatago sa pangalan ni Lucia Moretti. *****

Years passed, the Academy went well. A war that happened five years ago that was forgotten. No one remembers except the Royal Families. Five years have passed, the said princess of the prophecy was never been found. The last magus user of the forgotten Empire in Azaleus, the Zaffiro Empire. The Magic Realm went well but not the other Realm. The Astral Realm, where werewolves exist. In Magic Realm, werewolves are just a myth, it doesn't exist. A myth that everyone knows. Until it happened. Sa kabilang panig ng mundo, nagkakagulo ang mga mamayanan ng Amavasya. Ang Amavasya ang lugar kung saan naninirahan ang mga lobo sa mundo ng Astral. Sa kabilang panig naman ay ang mga itim na mangkukulam ang naninirahan sa lugar ng Hexe. Mainit ang dugo sa bawat panig na naninirahan sa mundo ng Astral. Matagal ng gustong makamit ng mga sorcière ang buong Astral ngunit pilit na nilalaban sila ng mga Lykos. Naging sakim ang mga sorciere lalo na noong nalaman nila ang naka saad sa propesiya na may isang sanggol na may dugong bampira at lobo ang mag hahari sa buong Astral na walang sino mang nilalang ang makakahigit doon. Isang balita na nagdulot sa mga sorciere upang patayin ang mga bagong silang na sanggol. Hindi naniniwala ang mga Lykos sa nasabing propesiya dahil alam nilang hindi totoo ang mga mga bampira, kung totoo man ito alam nilang nasa ibang dimensyon ito at malabo na makapasok sa kanilang mundo. Ngunit nag bago ang lahat ng malaman nilang isang bampira ang binigay ng Diyos ng Buwan na maging kabiyak ng kanilang Alpha. Isang bampira na may dugong bughaw. Pero imbis na itakwil nila ito, tinanggap nila ito ng buong puso at pinangakuang poprotektahan nila ito hanggang sa huling hininga. Ang bampirang lobo sa mundo ng Astral.

Si Amara ay isang matalinong corporate consultant na bihasa sa iba't ibang usapan sa loob ng boardroom, ngunit dahil sa biglaang problema na kinaharap ng pamilya niya ay napilitan siyang tanggapin ang isang “deal” sa lalaking hindi niya kailanman naisip na magagawa niyang lapitan for the sake of her family's survival. Para iiwas ang kanyang ama sa pagkakakulong at upang iahon sila sa pagkakalugmok sa milyones na utang na wala siyang kaalam-alam, napilitan siyang tumanggap ng tulong mula sa CEO ng kompanyang kanyang pinagtatrabahuan. Dala ng desperasyon na maayos ang problema nila, tinanggap niya ang alok ng nag-iisang Cadmus Saint Aleksandr, kilalang cold, ruthless billionaire ng Aleksandr Conglomerates. Ang kapalit ng papeles na pinermahan niya ay kontratang magtatali sa kanya at magbibigay limitasyon sa kalayaan na mayro'n siya. She needs to sign a contract where she is required to act as Cadmus' wife and the contract will end... ONLY if she bears a child—an heir of Cadmus' wealth, a child destined to continue the legacy of a prominent family—Aleksandr. Matatagalan kaya niya ang buhay bilang asawa ng isang bilyonaryo kung saan bawat galaw ay lantad sa publiko at madalas gawan ng issue o piliin niyang sumunod sa kontrata kung saan pagkatapos ng dalawang taon ay aalis ito at kailangan maglaho? Magawa niya kayang panindigan ang bulong ng isip na kontrata lamang ang pagsasama nila, o hahayaan na lang sundin ang puso at reaksyon sa init na nararamdaman sa bawat paglapit ng lalaki? Sa mundong pinasok, sa kontratang sinelyohan, alin ang pipiliin niya, ibabalik ba ang sakit na maaring maramdaman habang nasa puder s'ya ng lalaking ayaw niyang makasama o tatanggapin ang sinasabing pag-aalala at pagmamahal ng lalaking nagparamdam sa kanya ng mga bagay matagal pangarap maramdaman?

"You broke the law of this house when you fell in love with me, your own stepbrother. And now, you’ve broken the law of this country by killing someone. Tell me, Hariette. How will you defend yourself from the crime you’ve committed, when you couldn’t even defend the love you once felt for me?” Napagbintangan si Hariette ng mga kapitbahay na siya ang pumatay sa kanyang tiyuhin matapos makita ng mga ito na hawak niya ang patalim habang nakahandusay sa sahig ang duguan na katawan nito. Inaresto siya ng mga pulis at ikinulong nang walang matibay na ebidensya laban sa kanya. Umatras ang kanyang abogado sa paghawak ng kanyang kaso dahil ayaw niyang magsalita at ipagtanggol ang sarili. Ayaw niyang sabihin ang totoo na ang kanyang Tiya Gilda ang pumatay sa asawa nito. Wala na siyang makuhang libreng abogado kaya naman napilitan siyang humingi ng tulong sa pamilyang minsan na ring kumupkop sa kanya bago siya napunta sa poder ng kanyang tiyahin, at iyon ay ang mga Avery. Noong una, ayaw itong tanggapin ni Justin, dahil hindi ito humahawak ng kaso ng mga kriminal. Ang katwiran niya, bakit nya ipagtatanggol ang mga taong nagkasala? Ang nararapat sa mga ito ay maparusahan. Pero sa kalaunan ay tinanggap niya rin ito, ngunit bago pa man ang lahat ay nagkasundo sila na babayaran niya ito sa paraang gusto ng binatang abogado, at pumayag naman siya. Pero paano kung ang hilingin nitong bayad ay ang pakasalan siya ng sikreto? Ang akala niya ay may nararamdaman din ito sa kanya. Iyon pala, gusto lang nitong turuan ng leksyon ang babaeng nang-iwan dito. Ang babaeng pinagselosan niya kaya siya lumayas sa bahay ng pamilya Avery. Sa pagitan ng hustisya at pag-ibig, sino ang tunay na huhusgahan? Ang nagkasala, o ang nagmahal?