قصر الصياد

طلع خالد بسرعة علي اوضة حكيم اول ما سمع صوت صريخه

خالد:- بابا اي اللي وقعك في الأرض كدا انت كويس

حكيم :- كنت عاوز اروح علي السرير علشان ارتاح بس الظاهر الكرسي مسك في السجاده و انا مش واخد بالي فضلت احركه لحد ما وقعت

خالد:- فين البنت اللي المفروض فاطمه جايبها علشان تكون موجودة معاك انا هوديها في داهيه و هطين عيشتها علشان الواقعه اللي وقعتها دي

حكيم:- طب قومني الاول و بعدين نتكلم

خالد:- حقك عليا انا اتعصبت لما شوفتك كدا يلا نقوم

حكيم :- بس يا بني خلاص أنا كدا كويس و مرتاح يلا ننزل علي تحت بقا

خالد:- مش كنت رايح على السرير علشان ترتاح

حكيم:- ما دا قبل ما تيجي دلوقتي بعد ما جيت هقعد معاك انت نسيت شكلك كده انهارده اي

خالد:- في حد ينفع ينسي عيد ميلاد أبوه يا حج بردو اخص عليك يلا ننزل نتغدى

في الاسفل في غرفة الطعام كانت جميع الخادمات تركض هنا و هناك لتجهيز الطاوله قبل نزول خالد كي لا يرأ واحده منهم فتخسر عملها و كانت فاطمه تباشر عملها في التحقق من سير الترتيبات

فاطمه:- خلاص يا بنات يلا كلكم علي المطبخ بسرعة قبل ما خالد بيه ينزل

وصل خالد مع والده الي السلم فتذكر تلك الفتاه التي اصطدم بها

حكيم :- كمل يا خالد سكت ليه خالد ...خالد

خالد:- هاااا نعم يا بابا

حكيم:- ايه اللي شاغل بالك يا بني

خالد:- مفيش حاجه قولي بتاخد ادويتك في مواعيدها

حكيم:- في مواعيدها بالثانية و بأكل لحد ما بطني بقت متر قدامي و بخرج اتمشي مع البنت اللي فاطمه خليتها تاخد بالها مني و اروح الجنينه و الاسطبل و بنغني لام كلثوم و حاجه اخر روقان

خالد:- الله الله شكل البنت دي انت حببها مش زي كل البنات اللي كانوا قبلها بس دا مش يمنع اني هعقابها علي غلطها

حكيم:- لا مش غلطها انت اللي غلطان

خالد:- و انا غلطان في أي

حكيم :- مش انت اللي مانع اي واحدة تكون موجودة في القصر طول وجودك غير فاطمه انت الخادمين بيستخبوا منك و هي كمان اول لما تعرف انك وصلت بتمشي هي كمان و دا اللي حصل انهارده

خالد :- انت بتدافع عنها كمان طايب يا حكيم بيه

حكيم :- عملت ايه في المزاد انهادرة

خالد :- كسبته زي العاده و حرقت دمه

حكيم :- خالد يا بني سيب الموضوع دا و انساه و خلينا نسافر بره نعيش هناك و نبدأ من جديد

خالد :- احنا اتكلمنا في الموضوع دا من زمان و اتقفل ليه بتفتحه تاني

حكيم:- علشان عاوزك تعيش حياه طبيعيه من غير خطط انتقام اللي حصل حصل وراح في الماضي ليه احنا نفتح فيه

خالد :- فاطمة معلش حركي الكرسي دا من هنا علشان احط كرسي بابا

فاطمه امرك يا خالد بيه .... تعالي اتفضل كل سنه وانت طيب يا حكيم بيه

حكيم :- و انت طيبة يا ست فاطمه يااااه يا فاطمه بقالك عشرين سنة معانا مده طويله اوي كان خالد يدوب عشر سنين و احمد كان في سنه بردو

فاطمه :- مرت السنين بسرعة بقا خالد بيه اهو راجل كبير يتهز ليه اكبر ناس في البلد

حكيم :- تربيتك يا ست فاطمه انتي اللي ربيته احسن تربيه كأنه ابنك و اكتر كمان

فاطمه :- ربنا يعلم يا حكيم بيه انا بحبه قد ايه و الله العظيم اكتر من اولادي

خالد :- و انتي يا فاطمه انتي اغلي حد عندي من بعد ابويا غلاوتك عندي كبيرة اوي و انتي الست الوحيده في الدنيا اللي بثق فيها و بامانه

حكيم :- انا مش قولتلك مش تناديها باسمها كدا يا خالد المفروض تقول لها يا ماما ولا .....

خالد :- بغضب بابا الكلمة دي انا مش عاوز اسمعها ابدا مفيش كلمة ماما دي انا بكره الكلمه دي علي قد كرهي للي كنت بقولها الكلمه دي فياريت مش اسمعها

فاطمه:- خالد بيه يقول اللي يقوله و بعدين دي احلي فاطمه في الدنيا بسمعها منه بتخلي قلبي يغني كدا يلا بقا الغداء برد يلا اتفضلوا علي الاكل

خالد:- انا اسف يا بابا و اسف يا فاطمه

حكيم :- مش حصل حاجه يا بني معلش انا اللي بضغط علي جروحك القديمه يلا علشان نتغدى و بعدين اخدك العب معاك شطرنج و اغلبك

خلف القصر الكبير يوجد منزل صغير و بسيط و غاية في الجمال أنه منزل فاطمه الذي أمر خالد ببناءه خلف القصر لتسكن به فاطمه و احمد و ابنتها و كذلك أمر بابقاء ابنة فاطمه بداخل المنزل و منع ذهابها إلي القصر قضت ايات حياتها داخل ذلك المنزل مع احمد أو تلعب أمامه في الحديقه أثناء غياب احمد مع خالد و تسلل إلي القصر لتقضي الوقت مع العم حكيم الذي تعتبره والدها فقد توفي والد ايات قبل ولادتها و لم ترأ سواء امها و احمد و حكيم و شبح خالد الذي يطاردها دائما .....

ايات:- و هي تقف أمام المرآة تنظر لنفسها بغضب :- ايات انتي بتعيطي ليه انتي مش بتخافي منه كنتي تقفي في وشه و قوليله انا ايات و لا انت مالك خفتي ليه و عيطتي ليه هو هياكلك يا غبيه كنتي تزعقيله كدهو قوليله يا انت عاوز اي و ملكش دعوه اسمي اي و انا مش بخاف منك فاهم ايوه انا مش بخاف منك يا خالد يا صياد من غير بيه و بعدين انت مالك اصلا تحبسني بتاع اي اصلا انت فاكر نفسك مين ايوه انت حته واحد مغرور شايف نفسه

مش اكتر و انا لو مسكتك هفعصك فاهم ايوه اكيد فاهم اي سكت ليه مش عارف ترد عليا صح ما تزعق و خوفني زي ما بتعمل في كل الناس بس انت مش تقدر تعمل كدا يا جبان انت جبان كل يوم كدا هفضل اشخط فيك كدا و اهزاءك ..... ااااااااااه يا ماما يا احمد انا مش عملت حاجه و النبي و النبي

قطع حديث ايات مع نفسها صوت هاتفها يعلن اتصال صديقتها المقربة سالي مما أفزع ايات بشده 😂😂

ايات :- سالي يخربيتك صرعتيني قطعت الخلف يا شيخه منك لله 😂😂

سالي:- انا كلمتك يا مجنونه اي هي الشعره دي جتلك تاني ولا اي 😂😂

ايات:- بت يا سالي لمي لسانك يام نص لسان انتي مش فالحه غير انك تطولي لسانك عليا انا بس اصلا 😠😠

سالي:- ولو لساني مش طول علي صحبتي حبيبتي و قلبي من جوا هتطوله علي مين 😔😔

آيات:- قولي يا بت المصلحه اللي انتي عاوزه قولي انا عارفه وصله الحب دي وراها اي 🙂🙂

سالي:- مفيش حاجه دا انتي حبيبتي 😍

آيات :- سالي 🤨🤨

سالي:- التكاليف بتاع دكتور مصطفى مش عملته ممكن تعلميه ليا لاني بعمل تكليف دكتوره امل و مش هلحق اعمله 😭😭

ايات :- سالي التكاليف دي من اسبوعين و هيتسلموا بكره لسه فاكره تعمليهم

سالي:- معلش يا آيات انتي عارفه اني بشتغل و بصرف علي نفسي و صاحب المحل اللي بشتغل فيه مطلع عيني حتي مش عاوز يديني يوم إجازة

ايات:- خلاص يا قلبي مش تشيلي هم انا هعملك كل التكليفات اللي علينا انتي مش تعملي حاجه قومي نامي و ارتاحي

سالي:- مش هينفع صاحب المحل مديني مزانية المحل علشان اظبطها و هيستلمها بكره

ايات :- يا بنتي هو دا شغلك كدا حرام انتي لازم تدوري علي شغل تاني و بعدين انتي اللي غلطانه انتي لو ليكي لسان كنتي رديت و نطقتي و قولتي لصاحب المحل دا أن اللي بيعمله معاكي غلط و انك كنتي جايه تشتغلي في المحل تبيع الهدوم بس مش تمسحي المحل و تتبهدلي كدا

سالي:- هعمل اي يا ايات هو انا كنت لقيت شغل تاني و مش اشتغلت لازم استحمل ولا مش هلاقي فلوس اكل ولا اشرب ولا اروح الكليه 😭😭

ايات اصبري عليا انا هجبلك حقك عليا النعمه لامسك صاحب الزفت بتاعك و ارنه حته علقه يحلف بيها طول العمر 💪💪

سالي يلهوي عليكي يا بنتي انتي بنوته لازم تتصرفي من منطلق انك بنوته شغل الاسترجال دا مش ينفع 😂😂

ايات :- يلا يا بت وقتك خلص انا هقوم اعملك التكاليف و انتي مش تعملي حاجه غير الميزانية دي و اتخمدي نامي علشان عندك شغل بليل 😊😊

سالي:- ماشي يا قلبي ربنا يخليكي ليا 😍😍

ايات:- سلام يا قلبي ⁦❤️⁩

قفلت ايات الموبيل وفضلت تفكر في حال صديقتها فجوز امها يجعله تتحمل فوق طاقتها صباحا في الكليه بعد الظهيرة تعمل في المنزل و في المساء تعمل في محل ملابس لراجل لا يرحم يجعلها تعمل طول الليل دون شفقه علي حالها لتعود الي المنزل تلقي بنفسها علي السرير تنام بملابسها من كثرة التعب استمرت ايات بالتفكير و انغمست في تكاليف صديقتها حتي حل المساء و وصل احمد الي المنزل

احمد:- ايات ايااااات ..يا بت ....يا ايااااااااااات

ايات:- يلهوي في أي بتزعق ليه

احمد :- بقالي ساعه بنادي عليكي اي سرحانه في أي

آيات:- مش سرحانه ولا حاجه كنت بفكر في موضوع

احمد:- موضوع اي اللي شاغلك كدا و بعدين بتكتبي اي دا ...سالي اي دا تكاليف سالي صحبتك بتعمل ايه عندك و بعدين مش دا خطك انتي ايوه انا عارف خطك اللي زي نقش الفراخ دا أطلعه من وسط الف

ايات:- يا اخي اتلم اتنيل اقعد علشان احكيلك

احمد :- و ادي قاعده اهووو احكي يلا و صدعيني

بدأت آيات تحكي موضوع سالي لاحمد اخوها اللي فعلا صعبت عليه سالي لانه حط نفسه مكانها و خاصة أن ابوهم كمان مات و لولا أن الست فاطمه رافضت الجواز لحبها لزوجها كان زمانهم عندهم جوز ام يبهدلهم كدا

احمد اسمعي انتي ضامنه صحبتك دي يعني متاكده انها بنت ناس و طيبه

ايات طبعا دي ملاك و مش ليها صوت اصلا دا انا عامله زي امها ماسكها من ايديها ما كان ما اروح غلبانه موت يا احمد والله العظيم

احمد :-والله اذا كان كدا يبقا ابعتيها ليا علي الشركة بكره و انا هشغلها و هظبط لها كل أمورها

ايات بجد يا احمد

احمد اها بجد علشان خاطرك يا ست ايات

ايات:- ربنا يخليك يا احلي اخ في الدنيا

فاطمه:- و ربنا يخليكم ليا يا احلا ولاد في الدنيا يلا ادخلوا غسلوا علشان نتعشي

ايات و احمد حاضر يا ماما

علي طاولة العشاء جلس الجميع و كانت ايات صامته منذ أن وصل احمد اتصال من خالد يطلبه في غرفة المكتب تظهر علي ملامح وجهها العبوس علي غير العاده

احمد :-ايات مالك مش انا حليت موضوع سالي في أي تاني

ايات:- بصراحه انا قابلت خالد انهارده

يسقط الطعام من يد فاطمه و تنظر إلي ايات بخوف شديد :- شافك

ايات :- انا كنت نازله علي السلم وهو كان طالع

احمد :- هو مش سالك يا ماما عنها

فاطمه :- لا مش سال ولا جاب سيرة ابدا

احمد:- غريبه خالد مش بيعدي حاجه ربنا يستر

ايات:- ببكاء انا اسفه والله مش كان قصدي انا كنت عند عمو حكيم و هو جه مره واحده

احمد :- خلاص يا حبيبتي احنا بس مش عاوزين خالد يضايقك بكلمه انتي عارفه أنه هو من ساعة اللي حصل من ولدته و هو كاره صنف الستات كله و مش طايقه بيكره وجوده علشان كدا احنا خايفين عليكي من عصبيته يزعقلك يضايقك بكلمه هو حاطط قانون مفيش ستات يعني مفيش ستات هنا يا ولد

ايات:- هو اي اللي حصل من أمه هي فين اصلا

احمد :- انا الحمد شبعت و هروح لخالد عن اذنكم

فاطمه:- و انا كمان هقوم اخد دش و انام ايات شيلي الطباق و اغسليها قبل ما تنامي

ايات:- بردو هتهربوا من غير ما تقولولي حاجه

فاطمه:- تصبحي علي خير يا ايات

آيات :- عادي كدا كدا ميهمنيش عرفت أو لا هتفرق في أي يعني