Lumipas pa ang halos tatlumpung minuto. Hanggang sa bumukas ang pintuan. Naunang lumabas ang stylist. "Sir, ready na po si Miss Monteverde."Tumayo si Drew. Kaswal lang sana niyang lilingunin ang pint0 ngunit nang lumabas na mula roon si Iya. Biglang tumigil ang lahat. Nawala ang ingay. Huminto ang oras. Para bang huminto ang pag-ikot ng mundo.Nakasuot si Iya ng isang eleganteng off-shoulder evening gown na kulay champagne. Lalong luminaw ang kaniyang maputing balat. Natural lamang ang makeup niya ngunit lalo nitong inilabas ang kaniyang kagandahan. Malambot ang pagkakakulot ng kaniyang buhok na nakalaylay sa isang balikat. May suot siyang simpleng diamond earrings, manipis na kuwintas at pares ng high heels na lalo pang nagpahaba sa kaniyang tindig. Hindi na siya mukhang sekretarya. Mas lalong hindi na rin siya mukhang ordinaryong babae. Para na siyang isang prinsesa. Hindi, mas bagay siyang tawaging reyna.Hindi namalayan ni Drew na nakatitig na pala siya kay Iya. Hindi rin niya n
최신 업데이트 : 2026-07-22
