جميع فصول : الفصل -الفصل 30

​مر أسبوع كامل، وعاصم الأسيوطي كان عايش في وهمه، مستني بلهفة معاد صرف "الأرباح" اللي فاكر إنها هتدخله قائمة المليارديرات. مكنش يعرف إن الشركة اللي دفع فيها كل ما يملك اتصفت حرفياً في اللحظة اللي فيها "التحويل" وصل لحسابات ياسين وليلى، وإن "فريق العمل الأجنبي" كان ركب طيارته ورجع بلده من ليلتها. ​في القصر الكبير بتاع العيلة، الجو كان مختلف تماماً. مراد العزايزي كان محضر احتفال عائلي كبير، والضحكة كانت مالية المكان. ياسين، وهو واقف وسط مراد والجد، رفع كاس العصير بتاعه وقال بصوت كله امتنان: – "أنا مكنتش هقدر أوصل للي وصلنا له ده، ولا كنت هعرف أخد حق أبويا لوحدي، لولا مساندة مراد بيه ووقفته جنبي، ولولا ليلى.. اللي كانت السند الحقيقي والقوة اللي خلتني أكمل." ​الجد بص لليلى، ولأول مرة في عينه لمعة فخر، حاس إن حفيدته اللي كانت دايماً متمردة بدأت تتغير، وبقت زوجة وشريكة في الحق. الجد ابتسم بدفا، ورفع إيده بالدعاء: – "ربنا يكتب لكم الخير والستر يا ولادي، ويجعل أيامكم اللي جاية كلها فرح ونجاح." ​اليوم كمل على شرفهم، والضحك كان مالي القصر، والكل كان حاسس إن "الخطر" زال. لما اليوم خلص وبدأ م

الهدوء اللي حل بعد هروب العربية كان هدوء مريب، مش هدوء أمان. ياسين كان واقف في نص الصالة، وسط حطام الإزاز اللي كان بيطرقع تحت جزمته مع كل حركة. ليلى كانت لسه بتتنفس بصعوبة، وعنيها بتتحرك في كل ركن في الأوضة، كأنها بتشوف الشقة لأول مرة، كأن الجدران اللي كانت بتعتبرها ملاذها أصبحت فجأة "عدوة". ​ياسين، ببرود أعصاب يثير الرعب، مسح الدم اللي كان نازل من جرح سطحي في كتفه، ورمى سلاحه على الكنبة. بص لليلى وقال بصوت خافت ومتحفز: – "ليلى.. البيت ده مابقاش آمن. رانيا مش بس بتراقبنا، رانيا دخلت جوه خصوصيتنا." ​ليلى قامت ببطء، جسمها لسه بيترعش من الصدمة: – "إنت قصدك إيه يا ياسين؟ إزاي عرفوا إننا هنا في اللحظة دي؟ إحنا حتى مكنش فيه أنوار مولعة." ​ياسين ماردش عليها، بس بدأ يتحرك في الصالة زي النمر اللي بيدور على فريسة. عيونه كانت بتمسح كل قطعة أثاث، كل برواز، كل ركن في السقف. ليلى كانت ماشية وراه بدموع محبوسة، لحد ما وقف قدام برواز صورة فرحهم اللي كان متعلق في حيطة الصالة المقابلة للشباك اللي ضربوا منه النار. ​ياسين قرب من البرواز ببطء، لمس طرفه، وبحركة خاطفة، شد البرواز من على الحيطة وق

ياسين طلع جناحه وقلبه بيدق بعنف، كان خايف ليلى تكون سمعت جزء من الكلام، بس لقاها واقفة في وسط الأوضة ملامحها بتغلي من الغضب والشك. اتنفس الصعداء لما لقاها بتبدأ العتاب من غير ما تجيب سيرة "الأسيوطي"، اتأكد إنها مسمعتش حاجة من اللي دار بينه وبين مراد. ​ليلى وقفت قدامه، وعينيها بتلمع بدموع القهر والوجع: – "أنا تعبت يا ياسين.. كل مرة بقول دي الأخيرة، بلاقي وراها بلاوي. الأولى كانت صورك مع رانيا وصدقتك لما قولتلي إنها مفبركة.. المرادي بقى، علاقتك بنور دي إيه؟ دي صاحبتي! دي اللي كانت بتدخل بيتي!" ​ياسين حاول يتمالك أعصابه، بس نبرة صوته عليت من الضغط اللي هو فيه: – "يا ليلى افهمي! دي علاقة من سنين، من قبل ما أعرفك أصلاً.. ليه مصممة تفتشي في ماضي أنا دفنته؟ ليه مش قادرة تصدقيني وتثقي فيا؟" ​ليلى ضحكت بمرارة وصرخت في وشه: – "أصدقك؟ منا بالصدفة اكتشفت إنك 'ياسين ابن كمال السيوفي' مش ياسين اللي أعرفه! مش كل ده كدب؟ مش كل دي حاجات بتخبيها ورا وشك الهادي ده؟ أنا مش عارفة مين اللي قدامي، أنت إنسان حقيقي ولا تمثيلة كبيرة متصممة عشان تخدعني؟" ​ياسين حاول يقرب منها، مد إيده عشان يطمنها

​في شقة ياسين، الجو كان خانقاً. ياسين واقف قدام الشباك، إيده بتترعش من كتر الغضب والقهر. التقرير الطبي لسه قدام عينه بيحرق في أعصابه. وسط نيران الغضب، رن تليفونه، كان "مراد العزايزي". ​ياسين رد بصوت منخفض ومطيع: – "أيوة يا عمي.. أنا جاهز." ​مراد كان صوته حاد كالعادة: – "ياسين، مفيش وقت للتردد. رانيا الأسيوطي ونور لازم يدخلوا تحت جناحنا فوراً وبأي وسيلة، زي ما اتفقنا.. ده العقد وده اللي هيضمن بقاء الكيان." ​ياسين السيوفي بلع ريقه وقال: – "عارف يا عمي.. أنا هكلم نور دلوقتي وأرتب معاها، هقولهم إني رجعت ومحتاجهم في صفقة جديدة، وهنفذ الخطة بالحرف زي ما طلبت مني بالظبط." ​بعد ما قفل مع مراد، ياسين اتصل بنور، وصوته كان بارد وجاف، بينفذ الأوامر اللي أملى عليه مراد، من غير أي تفكير في التملص: – "نور.. أنا راجع. بلغي رانيا إن ياسين السيوفي جاي يفتح ملفات جديدة، ملفات هتخدم مصلحة العزايزي." ​نور ضحكت وقالت: – "أنت واثق يا ياسين؟ رانيا مش سهلة، وعارفة إنك شغال لحساب العزايزي." ​ياسين رد ببرود: – "بلغيها إني جاي ومعايا اللي يخلص مصلحة العيلة.. مفيش وقت للرغي، الساعة 8 هكون عندكم، جهزوا

​صحي ياسين وصداع السكر بيفتت دماغه، فتح عينيه بتثاقل وبدأ يسترجع شريط الليلة اللي فاتت. ملامح رانيا، صراخها، كلامها عن العزايزي.. وفجأة، صور ليلى بدأت تقتحم خياله، ملامحها وهي بتبكي، ضحكتها، وصوتها وهي بتناديه. قلبه دق بعنف للحظة، لكنه فوراً قفل أبوابه، ضغط على قلبه وكأنه بيقتل مشاعره بإيده، وهمس لنفسه ببرود: – "ماتت جواك يا ياسين.. متفكرش فيها، مفيش ليلى.. مفيش غير الانتقام." ​قام بهدوء، ملامحه خالية من أي تعبير، وبدأ يلبس هدومه وسط صمت مريب. رانيا كانت بتراقبه من على السرير، عينيها بتلمع بانتصار ممزوج بفضول قاتل، قامت وقفت وراه، لمست كتفه بخفة وقالت بنبرة حاولت تخليها دافية: – "رايح فين بدري كدة؟ لسه الوقت مخلصش." ​بصلها في المراية ببرود، وشده كان قاسي: – "لازم أرجع بيتي.. لو غبت أكتر من كدة، العزايزي هيشكوا فيا، وليلى.. لازم تبان الأمور طبيعية." ​رانيا سكتت لحظة، وبعدين سألته بنبرة خبيثة: – "ممكن أعرف إيه موضوع الحمل ده؟ وليه ليلى نزلت البيبي؟ إيه اللي خلاها تعمل كدة؟" ​اتحول ملامح ياسين لكتلة من الغضب الأسود، لف وشده من دراعها بقسوة، وصرخ في وشها: – "انتي مالك؟!