Kabanata 1

Thalia Salvador

Napaigtad ako nang hampasin ni Dad ang lamesa sa harap namin. Umalingawngaw sa buong kwarto ang ingay noon.

Nasa opisina niya kami dito sa bahay.

Nasa tabi niya si Tita Lumi, nakahawak sa balikat niya. Si Dad ay nakaupo sa swivel chair niya.

Kinurot-kurot ko ang kamay ko para pigilan ang sarili kong umiyak. But with what’s happening in my life right now, ang tanging magagawa ko na lang ay umiyak.

“’Yon ang gusto niya kaya ’yon ang mangyayari!” sigaw ni Dad. Matalim ang titig niya sa akin. I don’t see fatherly love in the way he looked at me.

He’s just all rage.

“Thalia, ipapakulong niya tayo kung hindi mo gagawin. Wala ka bang awa sa Dad mo?” pangungumbinsi ni Tita Lumi, my stepmother.

Dad has a weak heart. Kung makukulong siya, puwedeng lumala ang sakit niya.

Pero paano naman ako? I’ll be the collateral damage? Wala naman akong kasalanan pero ako ang magbabayad?

“What about me? Rio’s very mad. Kung papapuntahin ninyo ako sa kanya, he will do anything to hurt me.” I tried to convince them. I want them to see the situation, to at least make them realize that this is not a good idea.

“And what do you want, ha? Ang makulong kami? Kung hindi mo gagawin, lahat tayo ay mananagot! Huwag mong isipin na hindi ka kasama. Lahat tayo dito, Thalia!” sigaw ni Tita Lumi.

“But this is just so unfair!”

Dad scoffed at me.

“That’s enough, Lumi,” marahan niyang baling kay Tita.

Nag-init ang mata ko nang matapos tumingin ni Dad kay Tita sa marahang titig. Nang sa akin siya tumingin, it changed into dismay, anger, and irritation.

“Ipinatawag kita dito para ipaalam sa iyo na maninilbihan ka kay Rio Velasco! Do whatever he wants you to do. Please him. Huwag kong malalaman na itutuloy niya ang demanda sa atin…hindi mo magugustuhan ang parusa ko!” he said with spite.

Nanlumo ako.

“Dad, how about my studies?” naluluha kong tanong. “At anong alam ko sa paninilbihan? I grew up having a maid.”

Kumuyom ang kamay ni Dad sa sagot ko.

“Enough! You will do as I say! Huwag mo nang problemahin ang pag-aaral mo! Aanhin mo ’yan kung makukulong ka?”

I couldn’t help it. I laughed sarcastically. Tumungo ako para hindi makita ang panunubig ng mga mata ko.

Kung takot pala silang makulong, bakit nila binangga si Rio Velasco? He’s known for being ruthless. And now they want me to pay for what they did?

Nawala ang atensyon sa akin nina Dad at Tita Lumi nang bumukas ang pinto. Narinig kong pumasok si Ashley, ang anak ni Tita Lumi, my dad’s stepdaughter.

“Mom, what’s happening?” tanong niya sa concerned na tono.

“Nothing, darling. Your sister is being hardheaded again. Ang hirap pagsabihan,” ani Tita Lumi.

Narinig ko ang pagbuntong-hininga ni Ashley.

“Thalia, be considerate. Alam mong mahina ang puso ni Dad, ginagalit mo pa. When are you going to be a good daughter for once?” she said, disappointed.

Umangat ang mata ko sa kanya. I looked at her pissed off.

“Good daughter? Anong alam mo?”

“Thalia!” banta ni Dad. Pero masyado na akong naiinis kay Ashley na hindi ko na pinansin ang banta.

“Sige nga! If you’re being a good daughter, bakit hindi ikaw ang pumunta kay Rio at manilbihan sa kanya! You’re a good daughter, right? Gawin mo!”

Hindi ko napaghandaan ang paglapit ni Tita Lumi. Bigla na lang siyang lumapit at bago pa ako makaiwas, naramdaman ko ang palad niya sa pisngi ko. Pagkatapos ng sampal, sandaling nawalan ako ng pandinig.

Napatitig lang ako kay Ashley na umiiyak na ngayon. Yakap-yakap siya ni Tita Lumi. Tumayo si Dad at lumapit sa kanila. He hugged both of them, comforting them.

I smiled bitterly as I watched them. I am the real daughter of my dad, but his love was for his stepdaughter. Imbes na ako ang yakapin dahil nasampal ako, sila pa ang niyayakap niya.

I was the outsider in my own home.

“Anong masama sa sinabi ko? I was just concerned, Dad. Bakit ako ang nagiging masama?” humahagulgol na sabi ni Ashley. “Masama na bang magsabi ngayon?”

Matalim na titig ang ipinukol sa akin ni Dad.

“Lumabas ka na at mag-ayos! Ihahatid ka ng driver sa bahay ni Rio. Make sure you please the man, Thalia, nang may pakinabang ka man lang dito!”

Lumabas ako ng opisina dahil masakit silang pagmasdan. Dad loves his second wife and his stepdaughter more than his own daughter.

More than me.

Mabibigat ang hakbang ko papunta sa kwarto ko, pero hindi ko inasahan ang nadatnan ko. Nakahanda na ang mga gamit ko sa mga maleta. Mabilis kong tinungo ang cabinet ko at binuksan iyon. Umawang ang labi ko ng makitang wala ni isang laman non. It was empty.

Nanlumo ako. Determinado talaga silang manilbihan ako sa lalaking iyon? Ni isang damit, wala silang itinira?

Unti-unti akong umatras hanggang sa matisod ako sa kama at napaupo roon. Hindi na sila natatakot dahil ako ang ipapain nila kay Rio. Pero ako, unti-unti nang natatakot para sa sarili ko.

The scandal they did affected Rio Velasco in the worst possible way. Dad and Tita made a statement that ruined the reputation of his company. Maraming nag-boycott ng kumpanya niya. That alone made him furious. Pero dahil din sa iskandalo, nagpakasal ang fiancée niya sa ibang lalaki at nag-merge ang kumpanyang iyon sa dapat sana ay ka-merge ng kumpanya ni Rio through their marriage.

I just know that the moment I enter his territory, I am as good as dead. Ako ang aako ng galit at karahasan niya.

Nanginginig ang mga kamay ko habang unti-unting nagsi-sink in ang realidad. I have dreams I badly want to achieve. Mukhang hindi ko na iyon makakamit dahil sa ginawa nina Dad.

Nanlalamig ang katawan ko nang marahas na bumukas ang pinto. Iritadong pumasok si Dad.

“Ano pang inuupo-upo mo diyan? Pinapasundo ka na ni Rio!” mariin niyang sabi. “Huwag mong hahayaan na ituloy niya ang kaso. Malilintikan ka sa akin!”

I suddenly find it hard to breathe.

Wala akong nagawa nang may pumasok na mga tauhan at sinimulan nilang hakutin ang mga gamit ko.

“Umalis ka na. Ashley wants to extend her room. This will be her room,” ani Dad habang tinitignan kung paano tatanggalin ang pader para mas lumuwag ang kwarto ng stepdaughter niya.

…