Mr. Reign, You've Lost Your Wife

"F*CK!" Napakusot ako nang mata ko ng may narinig akong boses.

Subrang aga pa, nangbubulabog na. Tinignan ko ang kabuohan ng kwarto ko, pero hindi pamilyar sa akin ang lugar. Hanggang sa napahawak ako sa ulo ko dahil kumirot. Nalasing ba ako kagabi? Nakaramdam naman akong may gumalaw sa tabi ko kaya napatingin agad ako.

"B-boss?" Agad akong napatayo ngunit biglang sumakit ang pang-ibaba ko dahilan ng pagkalaglag ko sa kama.

"Anong ginagawa mo sa kwarto ko!" Napalunok ako ng laway dahil sa sinabi niya.

Bakit ako nandito? Natatanda ko lang matapos ang party. Pumasok talaga ako sa kwarto ko kagabi, kasama ko pa nga ang isa sa ka-office mate ko. Tapos... Hindi ko na maalala.

"H-hindi ko po a-alam." Kinakabahang sagot ko sa kanya. Nakita ko naman siyang tumayo at nagmamadaling magbihis. Tinignan ko ang sarili ko at agad nagtakip ng katawan.

May nangyari talaga sa amin. May kasalanan ba ako kong bakit ako nandito?

Agad naman kaming napatingin sa may pintuan ng may biglang kumatok. Nagkatinginan lang kami ni Mr. Reign, hindi alam kung anong susunod na gagawin. Bigla na lang akong kinabahan ng biglang gumalaw ang doorknob. Pumikit na lang ako at hinintay  kong sino ang papasok.

Bahala na!

"A-Andrei?"

Napamulat na lang ako ng mga mata dahil kilalang-kilala ko kong kanino ang boses na 'yon.

"S-sam? Anong ginagawa mo rito? Hindi ba mamayang hapon pa tayo magkikita?" Kinakabahang tanong sa kanya ni Mr. Reign. Nakita ko namang tinignan ako ng Girlfriend niya, bago binalik ang mga mata sa lalaking kaharap niya.

"Tama nga ang hinala ko... Pilit kitang pinapalayo sa kanya, pero ayaw mong makinig!" Lumapit sa kanya si Mr. Reign, pero isang sampal ang natanggap niya.

"Pinagkatiwalaan kita, Andrei!" Umiiyak na sabi sa kanya ng Girlfriend niya.

"Magpapaliwanag ako!" Nakita ko namang ngumiti ng mapait ang girlfriend niya.

"Hindi ako bulag, Andrei!"

"Maniwala ka, hindi ko talaga alam kong bakit nandito si Vivian sa kwarto ko." Pagpapaliwanag ni Boss sa kanya.

Hindi ko rin alam kong paano ako napunta rito. Posibleng mali ang napasukan namin kagabi, at iniwan ako dito ng kasamahan ko? Pero hindi e, nasa kwarto talaga ako kagabi.

Kung nasa kwarto ako, papaano ako napunta rito?

"Kaya ba hindi mo ako kayang pakasalan? Dahil sa babaing 'yan!" Nagulat ako ng bigla niya akong tinuro. Tinignan ko naman si Boss, pero isang malamig na tingin ang ibinigay niya sa akin.

"H-hindi ko po talaga alam ang nangyari." Naramdaman ko naman kong papaano nanginig ang kamay ko.

Wala talaga akong alam, hindi ko alam ang nangyari sa amin.

"Alam kong matagal mo nang gusto ang Boyfriend ko. Nagtiwala ako sa inyo, lalo na sa'yo Andrie!" Biglang may pumatak na luha sa mga mata ko.

Alam niya pa lang matagal ko nang gusto si Mr. Reign, at nagtiwala siya sa akin na hindi ko sila kayang pagtaksilan.

"Maghiwalay na tayo!" Agad naman akong natauhan dahil sa sinabi ni Sam.

Nakita ko naman kung papaano lumuhod si Mr. Reign sa harapan niya.

"Please.. 'wag naman sa ganitong paraan, hindi ko kaya!" Nakita ko naman kong papaano umagos ang mga luha ni Sam, pero hindi niya 'yon inintindi at pinatayo si Mr. Reign.

"Panagutan mo si Vivian. Panagutan mo ang sinimulan mo." Huling sabi ni Sam bago umalis sa kwarto.

Pumatak ang mga luha ko dahil sa sinabi niya. Masama ba ako? Bakit ko nagawa to sa kanila.

Naramdaman ko namang sinundan siya palabas ni Boss, kaya pinilit kong tumayo at kinuha ang damit sa sahig bago ko ito sinuot. Agad naman akong lumabas sa kwarto at nagmadaling umalis sa Hotel.

Sumakay lang ako sa taxi at nagpahatid papuntang company. Huli ko nang namalayan na bakit ako pupunta sa company ng hindi man lang naligo at nagbihis. Hinayaan ko na lang dahil wala na akong magagawa, nakasanayan na nang katawan ko ang ganitong routine.

Habang papasok ako, nakita kong pinagtitinginan nila ako habang nagbubulungan.

May alam ba sila sa nangyari?

"Ms. Villamor," napalingin agad ako ng may tumawag sa akin.

"Bakit?" Isa siya sa HR Department.

"Pinapatawag kayo ng Director." Tumango lang ako sa sinabi niya at lumakad papuntang Director office.

Nang makarating ako, kumatok ako bago binuksan ang pintuan ng office.

"Pinapatawag niyo po ako?" Tanong ko. Nakita ko namang tinigil niya ang ginagawa niya bago tumingin sa akin.

"Kailangan mong umalis sa companya." Seryosong pagkakasabi niya sa akin.

"P-Po?" Kinakabahang sambit ko.

"Nalaman namin ang nangyari kagabi sa inyo ni Mr. Reign." Napalunok naman ako ng laway dahil sa sinabi niya.

"At ayaw naming malaman ito ng iba, dahil masisira ang imahe ng pamilyang Reign." Napayuko na lang ako dahil sa sinabi ng Director.

"Sana maintindihan mo, Ms. Villamor." Tumango naman ako sa sinabi niya.

Bakit ako lang? Ako lang ba ang may kasalanan?

"At sana wala nang may ibang may makakaalam sa nangyari kagabi." Hindi naman ako nakapagsalita hanggang sa nakalabas na ako sa office niya.

Sino naman ang pagsasabihan ko? Reporter?

Hindi ko na lang pinansin ang mga matang nakatingin sa akin. Lumakad lang ako ng deretso, para makaalis na sa lugar na 'to.

Maghahanap na lang ako ng ibang trabaho, para kahit papaano may pera ako.

"Vivian!" Napalingon ako at nakita ang isang kaibigan ko rito sa companya.

"Anong nangyari? Ano 'tong narining kong magre-resign ka?" Ngumiti lang ako sa kanya.

"Wala e, masyadong hindi ko kaya ang mga gawain." Resign? Yan pala ang alam nila.

"Bakit biglaan?" Sinilip ko naman ang paligid namin bago ko siya ulit tinignan.

"Pumunta ka mamaya sa apartment, sasabihin ko sa'yo kong bakit!" Tumango naman siya sa sinabi ko.

"Aalis na ako, baka abutan pa ako ni Boss." Sabi ko sa kanya.

"Sige, mag-iingat ka. Puntahan kita mamaya sa inyo!" Tumango lang ako sa sinabi niya at nagmadaling umalis do'n.

Nakalabas agad ako sa companya, kaya naghintay na lang ako ng taxi para makauwi.

Saan ako nito maghahanap ng trabaho?

"Excuse me?" Natauhan naman ako ng may narinig na boses. Napalingon ako sa likuran ko kong nasaan nanggaling at nakita ko ang isang napakagandang babae.

"Ako po ba?" Tanong ko sa kanya, dahil wala naman akong ibang katabi.

"Yes, ikaw nga." Nakita ko naman kong papaano siya kaseryoso sa sinabi niya.

"Bakit po?" Magalang na tanong ko.

"Ikaw ba ang babaing natagpuan sa kwarto ng anak ko?"