My Boss is a Bastard Maniac

DISCLAIMER:

This is a work of fiction. Names, characters, businesses, places, events, and incidents are either the products of the author’s imagination or used in a fictitious manner. Any resemblance to actual persons, living or dead, or actual events is purely coincidental.

Nian's POV

Sa buong buhay ko, ngayon ko lamang naranasang magsuot ng ganitong kahapit at kaikling suot. Kita ang pusod ko sa suot na kulay itim na crop top na may disenyong kumikinang na mga sequins. Ang short ko ay halos kasing-iksi na lamang ng suot kong panloob.

Hindi ko gusto ito, ngunit dahil sa pangangailangan ko ng malaking pera, gagawin ko. Para kay Nanay at Nani. Baon na kami sa utang para sa pambili ng gamot ni Nanay at ayokong tumigil sa pag-aaral ang kapatid ko sapagkat siya na lamang ang pag-asa namin.

Unang gabi ko bilang bayarang babae. Hindi ko ipinaalam sa aking Nanay ang tungkol dito, alam kong hindi siya papayag at siguradong magagalit iyon sa akin.

"Ayusin mo 'yang mukha mo, para kang papatayin," sermon ni Darla, ang nag-alok sa akin na subukan ito. Inayos niya ang suot ko upang mas lumitaw ang hubog ng aking katawan.

"Sa pinakaimportanteng tao rito ang una mong magiging kliyente. Kung anong gusto niyang gawin ay sumunod ka. Malaking pera ang matatanggap mo, kaya galingan mo," aniya.

Tumango ako, kabadong-kabado. Pera. Oo, gagawin ko ito para sa pera. Isasakripisyo ko ang aking katawan mabigyan ko lamang ng magandang buhay ang mga minamahal ko.

"Galingan mo, Nian," aniya nang nasa harapan na kami ng isang pintuan. Nag-slide ng card si Darla, awtomatikong bumukas iyon.

Tinulak niya ako papasok at sumenyas bago isinara ang p***o. Madilim ang loob, tanging ang buwan lamang na sumisilip sa malaking bintana ang nagsisilbing ilaw.

May lalaking nakatayo roon, nakatalikod sa akin. Matangkad siya at maganda ang katawan. May hawak siyang inumin sa isang kamay, mukhang malalim ang iniisip habang nakatingin sa buwan. Hindi ko alam kung ano ang unang gagawin ko.

Pero bahala na.

Naglakad ako papalapit sa kanya. Hindi man lang siya lumingon kahit pa maingay ang takong na suot ko. Habang palapit, mas bumibilis ang tibok ng puso ko. Namamawis ang aking mga palad.

Pagkalapit, hinila ko ang braso niya upang mapalingon sa akin. Pumikit ako bago tumingkayad upang maabot ang kanyang labi at sakupin iyon.

Infairness, malambot.

Isinabit ko ang mga kamay sa kanyang leeg. Hindi siya gumalaw, parang estatwa tuloy ang hinahalikan ko. Tumigil ako at nakipagtitigan sa kanyang namumungay niyang mga mata.

"Artemis..." bulong niya, may pait sa boses.

"Sinong Arte—" Naputol ang sasabihin ko nang hinila niya ako palapit, idinikit ang aking katawan sa kanya at mabilis na sinunggaban ang aking labi.

Hinalikan ko siya pabalik. Mapaglaro ang kanyang mga kamay, hinahaplos niya ang likod ko pababa sa aking baywang.

"Uhh—" Napabuka ang bibig ko nang maramdaman ang kanyang kamay na pumasok sa loob ng aking crop top. Inangkin ng kanyang palad ang kabundukan ko. Gusto ko siyang itulak, pero naalala ko ang sinabi ni Darla. Sumabay sa kung anong gusto ng kliyente.

Pinipisil at hinihimas niya ang naninigas kong u***g. Hindi ko na maintindihan ang sarili, nanghihina ang tuhod ko dulot ng kakaibang sarap na hindi maipaliwanag.

Binuhat niya ako at pinaupo sa window sill, dahilan para magkahiwalay ang aming mga labi.Hahalikan ko sana siyang muli nang hinarang niya ang daliri sa aking labi.

Naaninag ko ang mukha niya sa tulong ng liwanag ng buwan.

Sheet of paper, ang gwapo! Hindi ko maintindihan kung bakit kailangan pa niyang magbayad ng babae, siguradong kahit wala pa siyang ginagawa, marami na siyang mahihilang panty pababa.

"What the fuck?" mura niya, parang nadismaya.

Kapal, ang ganda-ganda ko kaya!

Nakakunot ang kanyang noo at salubong ang dalawang kilay. Masama ang tingin niya sa akin, hindi ko alam kung bakit. Humigpit ang hawak niya sa baywang ko.

"Tell me who sent you here, or I'll throw you out myself." galit niyang tanong gamit ang maawtoridad na boses.

Huh?

Kinapit ko nang mahigpit ang mga kamay sa leeg niya pagkarinig sa banta. Puno ng pagtataka ko siyang tiningnan at nilingon ang likod ko. Nanginig ang buong pagkatao ko, napakataas ng gusali.

"Teka—"

"Who?"

"S-si Darla," kinakabahang sagot ko, nilalamon na ng takot.

"Who the fuck is Darla?"

"P-pwede bang ibaba mo muna ako para makapag-usap tayo?" pakiusap ko.

Nandito ako para kumita ng pera, hindi para mamatay! Paano na si Mama at Nani? Hindi pa ako handang iwan sila. Marami pa akong pangarap, gusto kong iparamdam ang maginhawang buhay sa pamilya ko.

"Para ano? Para makatakas ka?" ngisi niya.

Hindi ko siya maintindihan. Bakit ako tatakas?

"Si Darla, alaga niya ako. Isa akong bayarang babae, okay? First time ko sa trabahong ito. Sabi niya galingan ko raw akitin ka para kumita ako ng malaking pera," pagpapaliwanag ko. "I-ibaba mo na ako..." naiiyak kong sabi.

Mukhang hindi siya kumbinsido sa sinabi ko pero hindi na siya umimik. Nagtitigan lamang kami.

"P-pwede bang ibaba mo na ako?" pag-uulit ko.

"Tss."

Nakahinga ako ng maluwag nang binuhat niya ako pababa. Pinunasan ko ang luhang dumaan sa aking pisngi. Abala ang lalaki sa pagpapagpag ng sarili na para bang may kumapit na dumi sa kanyang suot.

Pinakalma ko ang sarili, huminga nang malalim at ibinuga iyon. Kinuyom ko ang kamao ko, bumwelo, at malakas na sinuntok ang kanyang mukha. Sa labi niya dumapo ang kamao ko.

Wala akong paki kahit masira 'yang gwapo mong mukha, letse!

"Nice shot." Hinawakan niya ang labing natamaan, dumugo iyon nang kaunti. Hindi ako nakaramdam ng guilt dahil deserve niya naman iyon.

"Mayaman ka nga pero kapag nahulog ako at namatay, maibabalik mo ba ang buhay ko?" galit na tanong ko.

Inismiran niya lamang ako.

"Babayaran ka nang malaki ng uncle ko tapos hindi ka marunong humalik? Paano na lang kapag sa kama?"

Napanganga ako sa sinambit niya. Parang may nainsulto sa pagkatao ko. Mukhang kulang ang isang suntok sa kanya.

"Ahuh? Oh, bakit humalik ka pabalik kung hindi naman pala ako marunong?" tanong ko pabalik, nakakaramdam na ng inis.

Sasagot na sana siya nang bumukas ang ilaw. Sabay kaming lumingon sa pintuan, may nakatayong lalaki roon, medyo may katandaan na.

"Zacharias.”