Chapter 4

YUMUKO ang lahat ng mga staff ng marinig nila angs inabi ng isang manager na papasok na daw ang owner ng hotel. Wala ni isa ang nagtangkang magtaas ng ulo kahit sino sa takot. “Mommy!” halos mapalundag sa gulat si Kenna ng marinig ang boses ng kanyang anak.

Nang mag-angat siya ng kanyang ulo ay nakita niya itong buhat-buhat ng lalaking… hindi alam ni Kenna ang gagawin niya ng makita niya ang mukha ng lalaki. Yes, alam niya na ito na ang owner ng hotel pero nang makita niya ang mukha nito ay isang tao ang kaagad na pumasok sa isip niya— ang lalaking iyon na naging dahilan ng pagkabuntis niya.

Halos manuyo ang lalamunan niya ng wala sa oras. Parang hindi niya maigalaw ang kanyang mga paa. Puno ng liwanag ang mukha ng kanyang anak at bakas doon ang labis na kasiyahan. “Mommy, I found Daddy!” muling sabi nito na mas lalo niyang ikinagulat dahilan para tuluyan siyang mahimasmasan.

Mabilis siyang lumapit kung nasaan ang mga ito at puno ng paghingi ng paumunhin sa lalaki. “Sir, I am really sorry.” sabi niya at binuhat si Cassandra na mula sa bisig nito ngunit ang anak niya ay yumakap sa leeg ng lalaki at ayaw nitong humiwalay. 

“Cassandra!” nagtitimping saway niya sa anak ngunit sa halip ay humilig pa ito sa balikat ng lalaki. Gusto niya na lang lamunin ng lupa ng mga oras na iyon dahil sa labis na kahihiyan.

“Anak you need to—”

“It’s okay, let her be.” putol sa kaniya ng lalaki. Hindi siya makapaniwalang napatingin dito. “Hindi naman siya ganun kabigat so I can manage.” dagdag pa nitong sabi at nilingon ay pinakamataas sa hotel ng mga oras na iyon. “We can talk while inililibot mo ako sa buong hotel.” sabi nito rito.

“Ah yes sir.” gulat na sagot naman nito bago tuluyang iginiya ang lalaki palayo.

Nakasunod lang siya ng tingin sa papalayong pigura ng lalaki habang karga si Cassandra. Ang lalaking iyon ay walang iba kundi ang lalaking nakaniig niya pagkatapos ng isang gabi, siya ang ama ni Cassandra at hindi niya akalain na ito pala ang owner ng hotel na iyon na si Nathan Montefalco!

Shit, paano kung malaman nito ang totoo? Pero mukhang hindi naman siya nito natatandaan lalo na at walang ekspresyon ang mukha nito ng makita siya.

Pero… muli siyang napalingon sa anak niyang karga karga nito, kitang-kita ang saya na ni minsan ay hindi niya pa nakita. Biglang sumikip ang dibdib niya ng wala sa oras.

~~~~~

PAGKATAPOS maikot ni Nathan ang buong hotel ay pumunta siya sa opisina. Doon ay inutusan niya muna ang kanyang assistant na samahan maglaro ang batang si Cassandra. Masasabi niya na mabait ito at bubbly. Hindi niya pa rin makalimutan ang galit na mukha ng ina nito ng ayaw nitong sumama rito kanina.

Hindi niya akalain na mas pipiliin nitong samahan siya kaysa ang ina nito. Ilang sandali pa ay nahila na siya mula sa kanyang pag-iisip ng isang katok mula sa pinto ang kanyang narinig.

“Come in.” sabi niya at tuluyang pumasok ang babae, ang ina ng bata.

Kung titingnan ay mukha pa itong bata. Kung siya ang tatanungin ay nasa late twenties pa lang siguro ito o baka wala pa pero hindi niya ini-expect na magkakaroon na ito kaagad ng anak na kasing laki ni Cassandra. Hindi naman sa hinuhusgahan niya ito pero parang napaka weird lang diba?

“Pasensya na po talaga kayo sa nangyari kanina sir. Ipinapangako ko po sa inyo na hinding hindi na po iyon mauulit.” puno ng paghingi ng paumanhin na sabi nito sa kaniya.

Huminga lang siya ng malalim at napasandal sa kanyang kinauupuan. “Don’t worry, your daughter is adorable and I like her.” sabi niya rito.

Kitang-kita niya kung paano ito natigilan ngunit nanatili pa rin ang kalmado nitong ekspresyon. “She even invited me to go to her school.” muli niya pang sabi.

“I am sorry for that sir, you don’t have to. Medyo, medyo sabik lang talaga siya sa pagmamahal ng isang ama kaya ganun, pero ako na ang bahalang magpaliwanag sa kaniya.” sabi ni Kenna na malamig ang mga mata. Hindi niya akalain na ginawa iyon ng anak niya. Nakakahiya talaga. Ito pa naman ang unang beses na nagpunta dito ang lalaki pero ito ang sumalubong sa kaniya.

“No, I am going. I promise her that I will go. I can’t bear to break her little heart.” muling sagot nito sa kaniya. Pero kung gagawin nito iyon, paano kung umasa ang anak niya? Ayaw niyang mas masaktan pa ito lalo na at sabik ito sa pagmamahal ng isang ama.

“I have an offer to make.” bigla nitong sabi na ikina angat ng kanyang ulo. Nang magtama ang kanilang mga mata ay bumilis ng wala sa oras ang pagtibok ng kanyang puso. Ang mga alaala noong gabing iyon ay biglang nagbalik sa kaniya. It was her first, yes, he was the one who took her innocence at noong gabing iyon, she was drunk, totally drunk na halos hindi na niya alam pa ang ginawa niya pero may isang bagay siyang naaalala, ang mukha nito.

Hindi siya sumagot at nakatingin lang dito. “Since your daughter seems to like me as her father, why don’t we have an arrangement instead? Be my wife and I’ll be her father for a while.” sabi nito sa kaniya na ikinakuyom ng mga kamay niya.

“Don’t worry, may pipirmahan tayong kontrata at isa pa. Pareho tayong may mahihita sa kasal na mangyayari sa pagitan natin. Hindi mo ba nakita kung gaano kasaya ang anak mo na tawagin niya akong Daddy?” 

Nagtagis ang kanyang mga bagang. Ginagamit nito si Cassandra para mapapayag siya nito. Pero bakit siya pa sa dami ng pwedeng babae na pakasalan nito? 

“Why me?” hindi niya napigilang hindi mapabulalas. 

Ngumiti ito sa kaniya. “Why you? I don’t know. My guts is telling me to offer you that since I needed a wife that much.” nagkibit balikat pa ito. “So, what do you think? Will you be my wife?” 

Wife? Or a fake wife? Hindi ba at iyon ang dapat ang tanong nito sa kaniya?

 “Hmm?” muling untag nito sa kaniya. “Pag-isipan mong mabuti, this is not for you but for your daughter.” muli pang sabi nito. What a heartless jerk! Ginagamit nito ang anak niya para lang mapapayag siya sa gusto nito.

…