الفصل 5

هيما تحت بيتخانق بيضرب وينضرب ووفاء ميته من خوفها عليه ومزهولة في نفس الوقت هنا شافت جانب تاني من شخصية هيما

مشفتهوش قبل كده ، واقفه مستغربة شراسته وعنفه وهجومة اللي من غير رحمة ولا شفقه ، مش بس هو اللي مستغرباه ،المشهد كله مستغرباه جدا ورعبها جدا جدا

رشا كمان خايفه ومرعوبه على أخوها وجوزها اللي صمم ينزل مع هيما

بس مش مستغربه المشهد ولا حاجة هي واخده على كده

سألت بشغف أم فاروق جارتها من البلكونة : متعرفيش يا أم روقه سبب الخناقة دي اية؟

أم فاروق ردت بتعاطف : منه لله ابن أمين تاجر القماش مش سايب هنا في حالها قطرها في الرايحة والجاية

والل زاد وغطي النهاردة مسكها من نقابها عايز يخلعهولها ويقولها في نص الحارة من أمتي وأنت بتلبسي نقاب ولا بتداري فيه علشان تتسرمحي على كيفك ! من غير ماحد يعرفك ، غيران يا حبة عيني عليها أكمن البنت نزلت تدور على شغل

تعمل ايه البنيه يعني وهي يتيمه لا أب ولا أخ وأمها مريضه كلى كل يوم والتاني محتاجة غسيل ، مهو لازم تشتغل

رشا بصدمة : ايييه ده يا أم روقه، هي هنا !هنا صاحبتي مش وحده غيرها، هنا بنت عم جلال

أم روقه بحزن :هي يا بنتي ، المسكينه حالتها بقت تصعب على الكافر

أنت عارفه هنا حلوة ومطمع للي أي حد كل اللي يشوفها يعجب بيها ويحبها والبنت رافضت كل اللي بيتقدملها وده غايظهم وفارسهم منها

وخلى الل يسوى وال ميسواش يقف في طريقها

خصوصا بعد ما مشي هيما وساب الحته بقي سهل جدا أي حد غريب يدخلها ويعكس ويضايق في بناتها

وده إبن أمين هيموت عليها وهي مش عطياله وش ولا قبلاه ولا قبله غيره

رشا بهمس لنفسها بقلق : كل ده يحصل في الشهر اللي غبناه عن الحارة

وجود هيما فيها فارق كده ، طيب وبعدين

واية الحل عند هنا !! لييييه دايما بترفض أي عريس يتقدملها

بتهمس بشرود ، فوقها من شرودها ، أصوات طلقات الرصاص بشهقه عاليه جدا صدرت منها

هنا وفاء اغمي عليها

ومامتها ومامت هيما خدوها بيفوقوها

رأفت تحت ملقاش حل لفض الأشتباك غير إنه يضرب كام طلقه كده في الهواء للتهويش بيخوفهم

راح جاب مسدسة المرخص من تاب العربية وضرب بيه كام طلقة وفعلا بسبب الطلقات دي اتفرقوا عن بعض

هنا كان حضر الحج آمين وابنة الكبير وهما مش راضين أبدا عن اللي بيعمله أبنهم فجاي هو واهل حتته طالبين السماح

الحج أمين باسف: حقك عليا يا هيما يا أبني عيل وغلط يوسف اخوك الصغير ،ودي عندي انا يا هيما

واقف هيما بثبات و بكل قوته قصادهم وبصوت هز الأرض هز من تحته : اللي حصل ده يطير فيه رقاب يا حج آمين ، انتوا اتعديتوا الأصول والعرف ، جايين تضربونا في بيوتنا وتتعدو على حريمنا؟

أغيب شهر واحد بس عن الحته يحصل كل ده

في بتنا لييييه هو الجواز بالعافية؟ مش عايزاه وسبق ورفضت أبنك قبل كده ، علشان رفضته يقوم

يوصل بية الجراءه يشد من على رأسها حجابها

(هيما ميعرفش إن هنا اتنقبت وأنه شد نقابها مش حجابها هو استفهم بسرعة من شباب حتته في وسط الخناقه مدققش في تفاصيل

اللي عرفه أنه يوسف إبن الحج أمين اتقدم وترفض وطراطيش كلام على أنه بيضايقها ويعاكسها وشد الحجاب من على رأسها

شوقي أخو يوسف الكبير وصاحب هيما من سنه : حقك علينا يا هيما

إحنا محقوقنلك الغلط راكبنا من سسنا ل رأسنا

ومستعدين لأي ترضية اللي تقول عليه يمشي

هيما بص على يوسف بغل وعيون حمرا زي الدم وبأمر : أولا أخوك يا شوقي يعتذر ل هنا قدام الناس كلها ويردلها أعتبارها ، وهنا تضربة قلم قدام الناس دي كلها علشان يحرم يمد ايدة عليها

يوسف فرح جدا رد بفرحه غبية : وأبوس رأسها كمان، والقلم ..... سكت شوية وبعدها رد : ياريت أخده منها

وأنا في دكي الساعة لما أيدها تلمس خدودي

ده يوم المني(قال الكلام ده وعيونه على هنا بخبث ووقاحة )

هيما بصله كان عايز في اللحظه دي يقتله ويخلص منه

آمين هنا ضرب أبنه بالقلم قدام الكل وهو بيعنفه : أنت تخرس خالص ،وطيت رأسي قدام الناس وركبتنا العيبه وإحنا طول عمرنا مطلتناش

جيت أنت بغبائك وقلت أدبك على آخر الزمن وسمتنا بيها وسمه عار طول العمر هتفضل ملزمانا

إنا أبني إبن الحج أمين يتحرش بالحريم

هي دي الرجولة ؟ هي دي تربيتى ليك؟

هو ده اللي اتعلمته مني ؟

(هنا هز راسة بحزن )خليت رقبتي قدام رجالة الحته قد السمسمه روح يا شيخ منك لله

شوقي هنا بيهدي ابوه وعيونه كلها لوم وعتاب ل يوسف أخوة : بس يا أبا السكر يعلي عليك مصدقنا اتظبط

وهيما اتنهد بحزن على حال الحج أمين راجل طيب ميستهلش اللي بيحصله بس إبنة غلط ولازم يتربي علشان يحرم ميعملش كده تاني

ورأفت واقف يتفرج

ومستغرب اللي بيحصل ده من شوية كانوا ماسكين في بعض على شوية ويخلصوا على بعض دلوقت واقفين يتعاتبوا ولا كأن حاجة حصلت !!! عالم غريبة بجد !!!