الفصل 6

يوسف هنا ندم ندم السنين موطي راسة على الأرض وهو حاسس بخزي وعار طاله وطال ابوة الراجل الطيب اللي كل الناس بتحلف بحياته همس بخفوت وهمسه كل ندم : حقك عليا يا أبويا ، انا غلطان وأستاهل كل اللي يجرالي ، لكن أنت عمرك مقصرت في ربايتي أنا اللي الشيطان ضحك عليا وصورلي حاجات مش موجودة من الأساس

(بص ل هيما ) حقك عليا يا هيما واللي تقول عليه

( بص ل هنا الل واقفه كمشانة ورا هيما وأعتذر بندم : انا آسف يا ست البنات حقك عل رأسي من فوق (بلع غصه في حلقه خنقاه وواقف بستسلام ) وأنا أهو قدامك اللي إنتي عايزة تعملية أعملية

وفاء هنا كانت فاقت من بدري وحضرت من أول ماجه أمين وابنة وحالها من حال رأفت مستغربة جدا اللي بيحصل ، ومستغربة أكتر وأكتر حكم جوزها على الشاب

يعني خلاص اعتذر وخلاص ليه تضربة

هنا تحت بتقرب منه بغل ونفسها تضربة بجد بس منظرة باين عليه الندم بجد والحزن وحالة ابوة وأخوة متسمحش باكتر من كده اهانة مع انهم معترضوش هما عارفين إن دي أبسط حاجة وهيما كده كرمهم

بس هي مرضيتهاش علي الراجل الطيب إبنة ينضرب من حرمة قدام الناس

اتراجعت لورا بعد مقربت منه

هيما بصلها : في ايه؟

هنا بهمس ليه وحده : هيما مش هقدر

هيما بنرفزة : إنتي خايفه منه متخافيش

هنا بصتله بعتاب وبخفوت : أخاف ازاي وأنت واقف في ظهري حاميني وبتخدلي حقي ، أخاف أزاي في جودك ربنا يخليك لأهل حتتك كلهم يارب

بس أنا ميرضينش إهانة الرجل الطيباللي في مقام والدي أكتر من كده

معلش اعذرنى مش هقدر

الحج أمين بكسوف بيتكلم باحراج جديد : والله يا بنتي إنتي بذوقك وكرم أخلاق ركبتينا العيب أكتر

وبقينا محقوقنلك حق عرب

وأنا بنفسي اللي هجبلك حقك من أبني

وكان ضربة قلم اقوي من اللي قبله

وهو بيقول : حقك عليا يا بنتي

أبني من هنا ورايح مش هيعترضلك طريق ولا هتشوفي وشه

وهنا زعق في ناسه كلهم : يلااااااا

خدهم ومشي واول ما مشيوا هيما قعد بتعب على الرصيف ايدة كانت فيها جرح ورجله

بس كان مكابر واقف قدامهم متهزش لحظه ولا قال ااااه ، دلوقت قالها وبوجع فظيع وهو ماسك ايدة : اااااااه

هنا بخضة : مالك يا سي هيما

هيما بصله بتعجب وضحك بسخرية : هىء مالك يا سي هيما !!! إنتي كبرتي أمتي أوي كده؟

بصلها بإعجاب وفخر : مبروك يا هنا النقاب أول مرة اخد بالي منه !! أمتي لبستيه؟

وفاء فوق شافت تعبه ونازله رشا وقفتها بسرعة : لااااا مينفعش تنزلي هيما يزعل

وفاء بلهفه : ده مجروح وبينزف واقف مكابر

يزعل إيييبه بس أنا لازم أشوف جرحة

رشا : هو هيطلع دلوقت مينفعش الرجالة ماليه الشارع

وفاء بتعجب : طيب ما البنت اللي اتحرشوا بيها واقفه قدامك أهو

رشا : البنت واقفه غصب عنها هيما اللي بعتلها جابها من بيتها علشان تضرب اللي اتحرش بيها

لكن في العادي الحريم مش بتنزل في وجود الرجالة هو دلوقت هيطلع ، ده جرح صغير متخافيش

وفاء سمعت كلامها ودخلت رايحه تبص تاني من البلكونه رشا منعتها : أدخلي يا وفاء مش ناقصين مشاكل قولتلك هو شوية ويطلع

وفاء بتعجب : في ايه يا بنتي محنا كلنا كنا واقفين في البلكونه من شوية إيه اللي جد جديد؟

رشا اتنهدت وجايه ترد ردت عليها مامت هيما : في يا قلبي إنه مكنش واخد باله منا

من الزحمه والخناقة ، دلوقت الخناقة فضت وهتلقي عيونه على البلكونه بتاعتنا ولو لمح حد فينا واقف فيها بيطين عشتنا أنا واخواته

أنتي الظاهر لسه معندكيش فكرة عن طبعه

وفاء مهمهاش من كلامهم كل اللي هممها تطمن على جوزها دخلت تبص عليه وهي بتقول : لو اتعصب هبقي اقوله معرفش عوايدكم

بصت لقت بنت منقبه قريبه من جوزها وسحبت حجابها من تحت نقابها وبتربط بيه جرحه

تحت عند هيما نرجع لورا ثوني

بصلها بإعجاب وفخر : مبروك يا هنا النقاب أول مرة اخد بالي منه !! أمتي لبستيه

هنا وهي بتشد حجابها من تحت نقابها : من شهر تقريبا

مسكت أيده وهو شدها منها : لا متشكر انا هربطها وحدي بص على رأفت يتصرف هو لكن رأفت مش فاهم يعمل ايه

البنت من ذوقها عايزة تربطله جرحة اكراما للي عمله معاها واتجرح بسببها فين المشكلة رافض ليه؟

هنا اتنهدت بحزن وبصوت مبحوح على وشك البكاء : أنت أخويا يا هيما

هات إيدك جرحك بينزف (هيما اتنهد بغيظ وعيونه على رأفت اللي مش فاهم نظراته ، كان عايزه ياخد منها الأشرب ويربط هو الجرح مش هي

بس اللي كان عايزة من رأفت عملته وفاء خدت منها الأشرب وهي بتشكرها بلطافه : شكرا ليكي حبيبتي تسلمى .... هاتي

(هنا مدت أيدها تاخد منها الأشرب وهنا عطتطهولها بأدب : اتفضلي وقامت هي من مكانها واستئذنت ومشيت بعد ما شكرتهم كلهم

وفاء من فوق حست بضيق جوزها وأنه مش طايق ومستحرم في نفس الوقت واحده تمسك ايدة فهمت اللي مفهمهوش رأفت ونزلت جري على تحت والغيرة هي اللي بتحركها أكتر من خوفها عليه

هيما بصلها بعتاب وخد الأشرب منها وقال بجفا : متشكر وطلعي على فوق ايه اللي نزلك ؟