الفصل 7

رجاله الحته أول ما شافو مراته مشيوا كلهم بلا إستثناء وهما بيقولوا :حمد الله على سلامتك يا كبير ده خربوش صغير وأنت قدها تصبحوا على خير سبوهم ومشيوا

ورأفت طلع ياخد مراته ويمشوا هما كمان

وفاء تحت وحدها معاه شدت من ايدة الأشرب بشىء من الغيظ عايزة تربط الجرح وهو رافض لكن هنا شمت عطره بتلقائية رمته بعيد عنهم وهيما بصلها بتعجب وهي بررت بكدب عكس اللي حست بيه أول مشمت ريحه برفان حريمي على الاشرب الغيرة كلتها ومحبتش ابدا الأشرب ده يلمس ايده ولا يتحط عليها ردت بأرتباك : إيييية ؟ رميته !!!بدل مش عايز تربط جرحك

سيبة كده ينزف

هيما بغيظ : وأنتي يهمك في أيه ؟انتي أصلا بتتلذذي بجروحي وبتنبسطي بيها أوي

وفاء بصتله بعتاب : انا برضه؟ طيب دانا مستحملتش أشوفك بتنضرب، وقعت من طولي فوق

هيما بلفهة وخضه : إزاي ده حصل وقعتي فين؟

بيقول كده وبأيدة المجروحة بيدور بيها بلهفة غير طبيعية كلها خوف ورعب يكون صابها مكروة ، بيدور على جروح ولا كدمات في وشها

وفاء بسرعة : حببيبي انا كويسة محصلش حاجة لدة كله ، لما وقعت مامتك اتلقتني على أيدها

مفيش حاجة تستاهل الخوف ده كله ولا اللهفه دي كلها

هيما خد باله من نفسه ومن مشاعرة اللي في الحظه دي مش عايز يظهرها هو لسه زعلان منها ، أتكلم بأرتباك: م ي مي مين قالك إني خايف ولا ملهوف عادي يعني

وبعدين ايه بتنضرب دي ؟ هو إنتي شوفتيني انضربت ولا الخربوش ده اسمة جرح

طيب أوعي أوعي خليني أقوم

وفاء مسكت أيده وبصتله بعتاب ودموعها بتلمع في عيونها وبصوت مبحوح : أستني عندك .. يعني ايه مش خايف دي ؟ولا ملهوف

ايه الجملة اللي ملهاش أي معني ولا طعم؟ إيه فايدتها غير إنها سدت نفسي

هيما بصلها بنار قايده بيجز على سنانة من غيظه : جملتي دي شبة كلامك اللي قولتية من شوية ومش سهل انساه يا بنت الناس ،انا طول عمري عايش بكرامتي وعزه نفسي وقلبي ده مملش لوحده وكنت بخاف يميل

لاضعف وأتنازل مرة بعض مرة بسبب ومن غير سبب مهو الحب بيضعف صاحبه مش بيقويه

كنت عارف ده كويس علشان كده كنت بعيد عنه ،ومعاكي إنتي بالذات كانت عارف إني هتعب وهتعب أوي كمان

بس جريت ورا قلبي ودي النتيجة من شهر واحد بس جواز وبتعاير بفقري

فشوفي يا بنت الناس وده آخر كلام عندي

هتقبلي بيا على كده أهلا وسهلا هتفضلي تزني عليا وتلحي إني أمد أيدي على فلوسك يبقي كل واحد فينا مين طري

وفاء بدموعها قاطعته : بس يا هيما متكملش ، إيييبه أنت ما بتصدق ؟كل شوية تقولي كل واحد من طريق ملناش شهر وسمعتهالي مرتين!!

هيما بيتلفت حوالية بقهر وغيظ من نفسه إنه سبب في نزول دموعها بس أعمل اية مش عايزة تفهم إني مقدرش أمد أيديعلى قرش واحد من فلوسها هبص لنفسي في المراية إزاي وانا عايش وفاتح بيتي من فلوسها !

لا وكمان هي هتحترمني إزاي وأنا عايش على فلوسها

هيما : غصب عني إنتي وعمايلك وكلامك اللي بيضطرني أقولها

انا بحبك يا وفاء ومحبتش حد في الدنيا دي كلها مستحيل أقدر أنكر ده

بس لو حسيت للحظه إن الحب ده جة على كرامتي هدوس عليه (بصله أوي ) فاهمه؟

هدوس علية وهدوس على قلبي ولا هيهمني انا كل اللي بيهمني أعيش بكرامتي ومخسرش نفسي وأنا عايش على فلوس واحده ست

وفاء بحزن وغصه مريرة خنقاها وخنقه صوتها : اااه فهمت ... فهمت كويس يا ابراهيم، تدوس عليا كده عادي ولا كأنك بدوس على حشرة بس إنا بقي مقدرش استغني عنك ... ولا أقدر ادوس على حبي، اللي تشوفة صح اعمله

انا رايحة أجهز نفسي علشان نمشي

هيما بثبات مزيف وهو بيتقطع من جواة على الكلام اللي هيقولة بس لازم يقولة ولازم حزم وشدة من أولها : لاااا مش جاية

ده كلامك ودي كانت رغبتك، خليكي هنا فكري براحتك إذا كنتي هتقبلي تكملي معايا على الوضع ده ولا لأ؟

وفاء بدموع ونكسار : منا قولتلك اللي تشوفه

هيما بحزم : لاااا مش حكاية اللي أشوفه يا وفاء لااا أبدا ده الصح مش اللي انا أشوفه

(هنا بص بعيد عنها وقال بزعل )وبعدين

ده كان طلبك؟ ...إنتي اللي اخترتي تبعدي عني

وفاء اتنهدت بخنقة وبصوت مش طالع من خنقته : ماشي يا هيما براحتك

وبعدين أنا مش عند حد غريب أنا في بيتك برضه ، يعني مقولتلكش أسافر عندنا البلد ولا أروح أقعد في فيلا أميمة مثلا للزعل ده كله؟

انا كنت هقعد عند مامتك

هيما قالها بسرعة وبعدها مشي من قدامها قبل ما يضعف : يبقي خليكي قاعده عندها زي مطلبتي

هو طلع وهي فضلت مكانها تعيط ، طالع على السلم شافها في مدخل البيت لسه واقفة بجمود قال : يلااااا هانم ياريت تطلعي وقفتك كده في قلب الحاره غلط

بصتله بعتاب وطلعت وراه بسكات

فوق رشا ومامته بس شافوه مامته طلعت تجري عليه بافهة : حبيبي أنت متعور يا هيما