الفصل السابع

مسحت عاليا دموعها بأطراف أصابعها رغماً عنها، وانفلتت منها ضحكة رقيقة وسط شجنها:

— عاليا: هههههه أنت مجنون يا حسام، والله مجنون!

— حسام (بابتسامة ساحرة ونظرة لم تفارق وجهها): اه مجنون.. مجنون بس أنتي تضحكي وتنوري الدنيا.. على فكرة، أنا أول مرة في حياتي أشوف حد بيعيط وبيرتعش، ويفضل قمر برضه ومشاعره حلوة كدا!

— عاليا (وقد صبغت الحمرة وجنتيها خجلاً): حسام! بطل تكسفني بقا، أنت بتقصد تخليني أحمر كدا على فكرة.

— حسام (بصراحة وضغطة خفيفة على يدها): بصراحة اه.. أصل وشك لما بيحمر وبيرتبك بتبقي عسل أوي هههههه.

— عاليا (وهي تحاول التملص من خجلها وترتب ثيابها): طيب اسكت بقا.. قمر إيه وبتاع إيه، زمان الميك أب باظ والناس هتاخد بالها بره.. يلا ارجع أنت لمي جوه القاعة، وأنا هروح التواليت أغسل وشي وأظبط نفسي واجيلكم علطول.. ومتبصليش كدا لو سمحت.. ههههه يلاااا روح بقا.

— حسام (بضحكة تداعب ملامحه وهو يتأملها): ميك أب إيه يابنتي اللي باظ؟ أنتي حاطة كحل وروج مش باينين أساساً وتقوليلي ميك أب باظ! ياشيخة بقا ده أنتي طبيعية خالص.

— عاليا: طيب يلا امشي وبطل تبربر وتكلم نفسك، يلا قدامي.

— حسام (وهو يتحرك مبتعداً ببطء): ماشي يا ستي قايم اهو.. بس متتأخريش عليا، لو اتأخرتي خمس دقائق كمان هتلاقيني جيتلك وراكي جوه ومجاش في بالي حد!

— عاليا: ههههه حاضر مش هأتخر.

انتهت الحفلة الصاخبة على خير، وانطوت صفحة ذلك اليوم الثقيل وغادر الضيوف القاعة، وعاد كلٌ إلى بيته يحمل في صدره مشاعر مختلفة.

بعد مرور يومين.. في منزل حسام:

كانت خيوط الشمس الأولى تدخل الشقة الدافئة، وحسام يستعد للخروج كالعادة.

— حسام: صباح الخير يا أمي، يا ست الكل.

— الأم (بابتسامة حنونة): صباح الخير يا حبيبي، يسعد صباحك.

جلس حسام على المقعد المقابل للباب ليرتدي حذاءه بوقار، ثم التفت إليها قائلاً:

— حسام: عاوزه أي حاجة من بره وأنا راجع يا ماما؟ أعدي على السوبر ماركت أو أجيب طلبات؟

— الأم (بتردد واضح ولحن نبرتها فيه قلق): لا يا حسام تسلم يا حبيبي.. بس.. بس في موضوع كدا كنت عايزاك فيه وكنت مستنية الوقت المناسب نتكلم.

— حسام (وهو ينتبه لها ويعتدل في جلسته): خير يا ماما؟ قلقتيني، في إيه؟

— الأم (بصراحة الأمومة): بصراحة يا ابني.. أنت اليومين دول مش عاجبني خالص، بقيت تتأخر بره البيت لأوقات متأخرة ودي مش عوايدك ولا طبعك يا حسام.. وكمان.. البنت اللي أنت جبتها هنا البيت من كام يوم دي.. بقا كدا يا حسام؟ تجيب بنت غريبة البيت وتدخلها وسطنا؟

— حسام (بابتسامة واسعة ومحاولة لتهدئة روعها): ياه يا ماما! أنتي محسساني إني جبتها والشقة فاضية وإحنا لوحدنا وإنتو مش موجودين! ما أنتو كنتوا كلكم فوق وقاعدين منورين الصالون!

رفعت الأم يدها وضربته خفيفاً على كتفه قائلة بحدة مضحكة:

— الأم: عيب يا واد اخص عليك! إيه الكلام ده!

— حسام (ضاحكاً وهو يقبل رأسها): طيب ما تقولي لنفسك يا ماما وتطمني.. وبعدين أنا جبتها مخصوص ورجلها عتبت البيت هنا علشان تشوفوها بعينيكم وتتعرفوا عليها عن قرب وتعرفوا هي مين.. ألا قوليلي صحيح، إيه رأيك فيها بكل صراحة؟

— الأم (بتنهيدة وهي تتذكر رقتها): هي ما شاء الله حلوة وزي القشطة يا ابني، وشكلها مؤدبة جداً ورقيقة وبنت ناس محترمين.. بس...

— حسام (بترقب): بس إيه يا أمي؟ قولي اللي في قلبك.

— الأم: البنت دي جت معاك بسهولة كدا ووافقت تيجي البيت من أول كلمة.. وشكلها ولبسها وطريقتها باين إنها من مستوى أعلى مننا بكتير يا حسام، خايفة تكون مش شبهنا.

— حسام (بنبرة جادة ومليئة بالثقة): يا حاجة.. ماهي وافقت وجت علشان عارفة ومطمئنة إنكم كلكم هنا في البيت وموجودين، مش جاية لواحد لوحده! وبعدين أنتي عارفاني ومربياني كويس على الأصول والصح، خلي في شوية ثقة متبادلة بينا.. وادعيلي بس باللي في بالي وبتمناه من ربنا.

— الأم (بدعائها الصادق الذي يفتح الأبواب): ربنا يوفقك ومعاك يا بني، وينولك اللي في بالك ويسعد قلبك بالحلال الطيب.

— حسام (بفرحة): بس كدا.. أنا مش عاوز من الدنيا دي كلها غير دعواتك الحلوة المستجابة دي.. يلا سلام عليكم، لا إله إلا الله.

— الأم: محمد رسول الله، في رعاية الله يا حبيبي.

وفي فيلا عاليا، في نفس الصباح:

كان عبد الله يجلس في غرفة الطعام يتناول قهوته، فدخلت عاليا بكامل أناقتها وحيويتها ترتدي ملابس رسمية أنيقة ومحتشمة وتضع حقيبتها على كتفها.

— عبد الله (بابتسامة وفخر): صباح الخير يا لولو.. صاحية بدري ولابسة ومستعدة يعني على غير العادة؟

— عاليا (بابتسامة واثقة): صباح النور يا عمو.. أنت ناسي ولا إيه؟ النهاردة أول يوم شغل ليا في الشركة معاك، ومستحيل أتأخر!

وفي تلك اللحظة، انفتح الباب الخارجي ووقف حازم على الأعتاب، تطلعت عيناه بعاليا وبملابسها الرسمية، وعقد حاجبيه بضيق وصدمة:

— حازم (بصوت مرتفع مستنكر): إيه ده؟ أنتي رايحة فين كدا على الصبح؟ هتنزلي الشغل بجد؟!

— عاليا (بثبات تام وهي تنظر في عينيه مباشرة دون خوف): اه.. هنزل الشغل وبدءاً من النهاردة كمان.

— حازم (بأنانية وغضب عارم وعروق وجهه تظهر): ومين سمحلك بكدا إن شاء الله؟ أنتي هتمشي من دماغك؟ مش أنا قلتلك مية مرة قبل كدا مفيش خروج ومفيش زفت شغل وقعدتك في البيت؟!

— عاليا (ببرود قاتل وابتسامة متهكمة هزت كبريائه): اصحي يا حازم وفوق لنفسك كدا واعرف أنت بتكلم مين! أنت خلاص مبقتش في وضع يسمحلك تقول "تسمح" أو "ماتسمحش".. أنت أصلاً مبقتش موجود في حياتي ولا ليك أي صفة عندي، وأنا من هنا ورايح هعمل كل اللي أنا عاوزاه، وأنت ملكش دعوة بيا ولا بقراراتي تماماً، فاهم؟

— حازم (بصراخ وغضب أشد خطى به نحوها): يعني إيه مليش دعوة بيكي؟! أنتي هتستهبلي؟ تسمعي اللي بقولهولك ورجلك فوق رقبتك! مش هتدخلي الشركة دي يا عاليا والـ...

ضرب عبد الله كفه على الطاولة بقوة وهو ينهض بجسده الضخم ونبرته ترج أركان المكان:

— عبد الله بغضب عارم: حازم! أنت بترفع صوتك عليها قدامي في بيتي؟! أنت مالك أنت بيها أصلا وبتتحكم بصفتك إيه؟ زي ما أنت ليك نصيب في الشركة دي، هي كمان ليها نصيب وحق شرعي زيها زيك بالظبط، وأنت ملكش أي كلمة أو سلطة عليها.. هي استأذنت مني أنا كبير العيلة وأنا وافقت وانتهى الأمر!

التفتت عاليا لعمها وقالت بنبرة تحدٍ وقوة لم يعهدها حازم منها أبداً:

— عاليا: عمو.. لو وجودي في الشركة هيعمل حساسية أو حضرتك مش عاوزني هناك عشان المشاكل، اوكي جداً.. أنا هقعد في البيت النهاردة وبكرة هتدرب وأدور على مكان وشغل في شركة تانية بره؛ لاني خلاص قررت إني هشتغل ومفيش مخلوق في الدنيا هيوقفني أو هيكون له كلمة عليا غيرك أنت وماما وبس.. وعاليا بتاعت زمان الغبية الضعيفة ماتت واتغيرت خلاص!

— عبد الله (وهو ينظر لحازم باحتقار ثم يبتسم لعاليا): برافو عليكي يا بنتي.. يلا يا عاليا لو جاهزة هاتي حاجتك وتعالي معايا في عربيتي وهنروح مع بعض ونشوف مين يقدر يفتح بقّه.

— عاليا: جاهزة يا عمو، يلا بينا.

خرجا وتركا حازم يقف في منتصف الصالة يغلي كالبركان من الإهانة والكسرة. وبعد قليل نزلت ليلى من الدرج وهي تفرك عينيها بكسل:

— ليلى: في إيه يا حازم؟ صوتكم كان جايب لآخر الشارع بتزعقوا ليه وباباك صوته عالي ع الصبح كدا؟

التفت إليها حازم بعينين حمراوين من فرط الغل وصاح في وجهها:

— حازم: أنتي مالك أنتي كمان وغوري من وشي دلوقتي مش ناقصك!