الفصل الحادي عشر

أخذت عاليا نفساً عميقاً، وبدأت تقص عليه الحكاية والسر القديم من بدايته؛ كيف لُعبت اللعبة عليها، وكيف اتهمت بالخيانة، وسط علامات الدهشة الذهول والـ صدمة التي ارتسمت على وجه حسام.

— حسام (بعدم تصديق): لا إله إلا الله! معقولة؟ معقولة أختك تعمل كدا وتخطط للدرجة دي؟ وهو يصدقها بالسهولة والسرعة دي من غير ما يفكر؟!

— عاليا: أنا عارفة ومقدرة إن الموقف وقتها كان صدمة وصعب على أي حد، بس كان المفروض على الأقل يسمعني! ده مأدانيش حتى فرصة ثانية أدافع فيها عن نفسي، رفض تماماً يسمع صلي أو يشوف دليلي، وصدقها هي علطول وراح خطبها في نفس الأسبوع! كان ممكن يتجوز أي واحدة تانية في الدنيا وكنت هتقبل، بس يسيبلي أختي وميخدهاش مني ويحرق قلبي!

— حسام (بنبرة هادئة وحذرة): بس.. أنا أسف يعني يا عاليا في الكلمة، بس أختك واضح جداً إنها هي اللي لعبت عليه بذكاء ووقّعته في شر أعماله.

— عاليا: حازم مش عيل صغير عشان يتضحك عليه بلعبة مكشوفة يا حسام.. هو راجل كبير وعنده عقل ومسؤول، ومفيش حد بيمشي ورا أي حاجة عمياني كدا إلا لو كان عاوز.. هما الاتنين غلطوا في حقي غلط عمر ومستحيل هسامحهم أبداً على الأذى النفسي الرهيب اللي سببوهولي، وعلى ثقتي في نفسي اللي حازم دايماً كان بيتعمد يدمرها ويقلل منها.. وللأسف، أنا كنت راضية وضعيفة! رضيت بكل حاجة ومخدتش أي حاجة، والمصيبة الأكبر إني كنت دايماً ببررله تصرفاته وأحطله أعذار وأسامحه!

التفت حسام نحوها بكامل جسده، ونظر في عمق عينيها بقوة وقال ببطء:

— حسام: عاليا.. أنا سألتك السؤال ده قبل كدا في الشرفة، وهسألك تاني دلوقتي ولازم تجاوبيني بصراحة: لسه بتحبيه؟ في أي مشاعر جواه ليه؟

— عاليا (بقوة وحسم وقاطع): لا.. لا لا طبعاً! أكيد لا مش بحبه! أنا بس مش قادرة أتخطى الأذى النفسي والغدر اللي اتسببو فيه، لكن كحب ومشاعر.. أنا اكتشفت إني كنت عايشة في وهم كبير ومكنش حب حقيقي. ساعات بجد بكون عاوزه أروح أشكر ليلى على اللي عملته لإنها بعدتني عنه؛ لأني كنت هغلط غلطة عمري الكبرى لو فضلت مع شخص مش شايفني مبهرة، ومش شايف فيا أي حاجة كويسة، ودائم الانتقاد ليا وبيقلل من أي حاجة أعملها في حياتي.

— حسام (بابتسامة تشع أملاً ودعماً): يبقى خلاص.. لازم تبطلي عياط ودموع من المومس ده! أنتي مخسرتيش حاجة يا عاليا، بالعكس، أنتي كسبتي نفسك، وكسبتي شغلك وكيانك اللي كنتي بتحلمي بيه، وكسبتي أصحابك وناس بتحبك جداً فوق ما تتخيلي وتتوقعي بكتير.. أنتي مخسرتيش، أنتي كسبتي لإن حازم أصلاً مكانش يستاهلك ولا يستاهل ضحكتك.. أنتي نجمة عالية وعالية أوي في السما.

ابتسمت عاليا بخجل شديد وحمرة الوجنتين تعود لوجهها، وقالت وهي تحاول تغيير المجرى:

— عاليا: احم.. هو.. ممكن أسألك أنا سؤال يا بشمهندس؟

— حسام (بفرحة): اتفضلي طبعاً، كلي ليكي.

— عاليا (بخبث ومشاكسة): هو أنت ليه متجوزتش لحد دلوقتي؟ وإيه حكاية المعجبات الكتير وكلام مي ده؟ بصراحة التمويه اللي عملته في الحفلة مدخلش عليا ههههه.. أنت مرتبط من ورايا ومخبي ولا إيه النظام؟

بدأ حسام يحك رأسه بتوتر ملحوظ واحمرار في وجهه، ونظر بعيداً بابتسامة مرتبكة:

— حسام: اممم.. هههههه طيب هقولك يا ستي الحقيقة.. عارفة أنتي لما حد يخطف قلبك منك كدا ويهرب بيه لبعيد ومتبقيش عارفة راح فين؟ وتبقي عايشة وجسمك هنا بس قلبك في مكان تاني خالص؟ أنا مينفعش أظلم بنات الناس وأتجوز وقلبي في حتة تانية ومع حد تاني.

— عاليا (باهتمام وعفوية): طيب وقلبك فين بالظبط؟ وهيفضل تايه كدا كتير ومستني إيه؟

— حسام (وهو يلتفت إليها وينظر في عينيها مباشرة بحب جارف وهامس): لا.. لقيت خلاص، ورجعلي.

— عاليا (بارتباك شديد ونبضات قلبها تتسارع): يعني.. يعني أنت بتحب ومخبي علينا بجد يا حسام؟

— حسام: هو أنا بحب بس؟ ده أنا دايب على آخري ومفضوح وكل الناس عارفة هههههه.

— عاليا (بابتسامة حاولت تصنعها، وشعرت بضيق مفاجئ في صدرها لا تدري سببه): طيب ما تعرفني عليها.. جايز نطلع شبه بعض ونبقى أصحاب.. اسمها إيه؟

— حسام (وهو يتأمل ملامحها بحب): خايف أقولها اسمها وأصارحها فأخسرها.. وأنا ما صدقت لقيتها تاني ورجعت قدام عيني.

— عاليا (بفضول وصدمة وهي تلتفت بكاملها له): هي.. هي كانت ضايعة منك؟

— حسام: كانت مسافرة بعيد.. ولما رجعت ولقيتها، طلع قلبها مجروح ومشغول مع حد تاني ومكسورة، فمكانش ينفع أضغط عليها وأقولها، وقلت أفضل معاها وبجوارها بأي صفة وبأي شكل.. لحد ما اتأكدت بنفسي إن خلاص مفيش حد تاني في قلبها والماضي انتهى.. بس يا ترى.. هيبقى ليا مكان في قلبها ده ولا هترفضني؟

— عاليا (بتأثر شديد وارتباك والدموع تترقرق في عينها): حسام.. أنت.. أنت بتتكلم عن مين بالظبط؟— حسام (بابتسامة حنونة): كل ده ومش عارفة يا عاليا؟ معقول مش حاسة بنبضي ولا بنظراتي؟

وتابع بصوت مليء بالصدق والعاطفة الجارفة حسام: بحبك يا عاليا.. ونفسي يكون ليا في قلبك مكان.. بحبك من وإحنا صغيرين في الرايحة والجاية، ومعرفتش ولا قدرت أحب حد تاني غيرك في الدنيا دي كلها.

— عاليا (والدموع تنهمر من عينيها بفرحة وصدمة): بتحبني أنا؟! هو.. هو أنا أنفع أتحب أصلاً بعد كل الوجع ده؟

— حسام (بشغف): تتجبي جداً، وتتحبي أوي أوي كمان! ومش هحب ولا دخل قلبي غيرك.. ولو قلتي "آه" وموافقة دلوقتي، أنا مستعد أخدك ونروح للمأذون حالا ونكتب الكتاب وأكون أسعد إنسان في الكون.. ها؟ قولتي إيه يا عاليا؟

— عاليا (بدموع وارتباك حالم): أنت بجد شايفني أتحب بعد كل اللي حكيتهولك ده؟ ومصدقني ومشكيتش لحظة واحدة إني بتبلى عليهم أو بكدب؟

— حسام: مصدق كل كلمة وكل نفس بتنطقيه، وإحساسي بيكي وبيقيني فيكي عمره ما بيكدب.. هتصدقيني لو قلتلك إني حلمت بيكي قبل ما نتقابل تاني في الحفلة؟ وساعتها قلبي قالي إنك هترجعي ورجعتي فعلاً!

— عاليا (بخجل وسعادة غامرة): وأنت بتحكيلي وبتقولي إنك بتحب واحدة، أنا كنت غيرانة جداً ومعرفش ليه اضايقت لما عرفت إن في حد في حياتك.. وقبل كدا لما كنت بتكلم أختك ليلى، أنا فكرتك بتكلم حبيبتك برضه واضايقت ومكنتش فاهمة إيه السبب...

نظرت في عينيه بابتسامة ساحرة وقالت بصوت نابع من أعماق قلبها:

— عاليا: دلوقتي بس عرفت السبب.. وعرفت إني بحبك يا حسام..

ابتسم حسام ملء شفتيه، ونظر إليها بلهفة وانتظار وهو يردد:

— حسام: قولتي إيه؟ قولتي إيه يا عاليا؟ أرجوكي عيديها تاني!

نظرت إليه عاليا، ولأول مرة تشعر أن الكلمات تخرج من قلبها دون خوف أو تردد، فقالت بنبرة دافئة:

— عاليا: أنت دايماً كنت مميز عندي يا حسام.. من وإحنا صغيرين وأنا اتعودت عليك وعلى وجودك في تفاصيل يومي، اليوم اللي مش بنتكلم فيه بحسه يوم طويل، ممل، وبيعدي عليا كأنه ألف سنة!

(ثم خفضت عينيها الخجلتين وابتسمت بحياء مكملة): أنا موافقة.. موافقة