Lahat ng Kabanata ng اتفاق بين زوجين : Kabanata 41 - Kabanata 50

منذ ان غادر ممدوح البيت وهو في كامل اناقته وفرح منزعجة، قلقة، لقد اتى صامت وخرج دون أن يحدثها ، ترى ماذا سيكون حاله عندما يعود؟ هل سيظل صامت كما هو، لقد شردت وحدثت نفسها قائلة: _يا ترى أنا ال بعمله صح ولا غلط.. ولا كلام روفيدا ممكن يكون صح اني ممكن افقد ممدوح بعاميلي دي، بس أنا أعمل ايه طيب.. ممدوح عيشني أيام الاتفاق لحظات جميلة.. لحظات رومانسية أي ست تتمناها. هي كل ست عايزة إيه غير الحنية في كل وقت.. عايزة جوزها يحسسها بانوثتها، بانها مهما كبرت لسة بنت صغيرة عمرها 18سنة. بنت عايزة تحب وعايزة حبيبها يبادلها الحب ده.. يشتقلها.. يدلعها يبقى عايز رضاها.. تتدلع عليه وهو بردو يجري وراها.. دي الحاجات ال عايزاها الستات.. وانا عشت كل الحاجات الحلوة دي واكتر في ايام الاتفاق ال مكملتش أصلاً.نفسي ترجع تاني، صحيح انا عمالة أدبر خطط ومؤامرات عشان ارجع أعطش ممدوح تاني، بس لو كان هو بيعيشني كل الاحاسيس دي من غير ما اطلبها منه مكنتش عملت حاجة والله.. احساس حلو قوي لما جوزي يجري وراي بمشاعره، لما يغير عليا، لما يبقى مشتاقلي وانا مشتقاله، لما أتدلع عليه وبردو بيحايلني.الله.. نفسي اعيش

شيلي الأكل بقى واعمليلي قهوة عشان مصدع جدا:نطقها ممدوح بعد أن فرغ من الطعام ونهض توجه إلى حجرة الصالون فقالت فرح :_ ماشي يا حبيبي حالا.احضرت له القهوة وجلست بجواره وقالت:_ بس القهوة حتسهرك يا ممدوح وانت وراك شغل بكرة._ممدوح : لا مهو أنا إجازة بكرة._ ايييه ؟! بتتكلم بجد بكرة إجازة يعني حتقعد معانا النهار كله وتخرجنا وتفسحنا أنا والعيال.صرخت بها فرح بلهفة الأطفال حتى إنها هزته من فرط سعادتها.. ولكنه صرخ بها بدوره وهو يقول ليصدمها: _ بسسسس اهدي يا مجنونة ..انتي فاكرة إن الإجازة دي واخدها عشان خاطر افسحك انتي والعيال ؟!.حدقت فيه بصدمة وفي نفس الوقت بغضب وهتفت: _ امال ايه بقى إن شاء الله الإجازة دي حتقضيها في إيه..في النوم طبعا كعادتك .تأفأف وقال ببرود:_ لأ مش واخدها عشان النوم أنا واخد الإجازة دي مخصوص عشان اروح مع أسيل المستشفى.فرح مندهش :_ نعم من أسيل دي كمان ممدوح : ملازم عندي في المكتب.فرح : ايه ..ايه واخد إجازة مخصوص عشان تروح المستشفى مع الست أسيل..ده أنت معملتهاش يوم ما ولدت عيالك الأتنين.ممدوح : انتي مختلفة يا حبيبتي، أنت ولدتي على غفلة وأنا كنت ساعتها في مأموري

في زيارة بين فرح ورفيدا سرحت تلك الاخيرة قليلا فاشارت لها فرح قائلة:- هييه سرحتي في ايه؟فاقت روفيدا واجابتها:- افتكرت مريضة مشكلتها مع جوزها تشبهلك تمام.فرح وهي تقرب راسها باهتمام:-بجد طب شوقتيني احكيلي قالتها روفيدا-- جتني مدام الصغيرة عمرها خمسة وعشرون عاما، سمراء البشرة ، نحيفة الجسد يزين خدها شامة ..راحت تحكي والخجل يداعب وجهها:_ أنا اسمي نورا متجوزة بقالي سنتين ، معايا بنوتة عمرها سنة ونص ، بحب جوزي قوي ..وهو كمان بيحبني ، بيعاملني كويس وبيحترمني بس........سكتت وقد تورد خديها وظهر الحياء على وجهها فشجعتها روفيدا وقالت لها:_ بس إيه قولي متتكسفيش.أكملت ومازال الخجل يصبغ وجهها باللون الأحمر:_ كل مشكلتي مع جوزي إني ..اني يعني بحس دايما أنا ال عايزاه وهو لأ..دايما مشتقاله..دايما أنا بدلعه وأنا لما يعني بكون عايزاه بلمحله ..صحيح هو عمره مكسفني، بس عمره محسسني أني زي أي ست مرغوبة ..ست جوزها هو ال يطلب منها الحاجات دي..حتى لو اتمنعت يفضل يتحايل عليها..ساعات كتير بفضل أصبر نفسي واقول حصبر لحد ما هو يطلبني، لكن بحس أنه هو ما بيطلبش ابدا، في مرة قعدت شهرين بعيدة عنه كنت ساعت

قام ممدوح وهو يربت على بطنه قائلاً وعلى وجهه علامات الرضا:_تسلم إيدك يا أم إياد الأكل حلو قوووي.تركت الأطباق فورا التي كانت ترفعها من على الطاولة وحدقت فيه متعجبة وهتفت به محتجة:_ ايه ام إياد دي ؟كتم ممدوح ضحكته وقال ببرود مطعم بالخبث:_ الله أنتي مش عندك على ما اظن كده ولد واسمه إياد ولا أنا غلطان، المفروض أقولك يا ام إياد بقى..عادي يعني ايه الغريبة في كده مش فاهم أنا يعني؟!فرح: والله ومن امتى بقى وانتي بتقولي يا ام فلان..ما طول عمرك بتقولي يا زفتة.ممدوح بخبث مستفز:_ لا انا ما قلتش ام فلان أنا قلت أم إياد.. وبعدين ايه ده هو انتي اسمك زفتة اسم جديد مكنتش صرخت فرح فيه بوجه محتقن من فرط غيظها:_ ممدوح متغظنيش أنت رخم قوي على فكرة.أمعن في غيظها واستفزها أكثر عندما قال:_ أنا بكبر بيكي يا ام اياد يا عسل.صرخت :_ متقوليش أم إياد دي بتعصبنيييي وراحت تهجم عليه لتضربه.وهنا انفجر ممدوح ضاحكا وأمسك بيدها وضمها حتى تكف عن ضربه ويمتص غضبها:_ خلاص ..خلاص أهدى يا وحش .فسكنت في حضنه لأنه استطاع أن يقيدها ..و اصطدمت العيون ببعضهما البعض، وراحت تعزف ألحان الأشتياق زحفت يديها حول رقبته و

_ممدووح ..تليفونك بيرن.هتفت بها فرح التي كانت كانت مشغولة بابنتها تطبطب عليها حتى تنام .. فأجابها ممدوح الذي كان جالسا في شرفة حجرة النوم :_ شوفي مين يا فرح ال بيرن عليا .انسحبت فرح من جوار ابنتها بهدوء حتى لا تستيقظ وقد عانت حتى تنام، ثم تناولت الهاتف من على ( الكمودينو) لترى من المتصل في مثل هذا الوقت، انزعجت عندما رأت اسم أسيل ، سمعت ممدوح يقول لها :_ مين يافرح.أخذت الهاتف وذهبت إليه وهتفت بعصبية:_أسيل يا أستاذ تقدر تقولي بتتصل ليه بيك دي الساعة ١٢ بالليل.صرخ بها :_ شغل يا فرح يعني حيكون إيه .. هاتي التليفون.خبأته خلف ظهرها وهي تصرخ:_ شغل ايه ده ال في التليفون ، والشغل ده مخلصش في المكتب حيخلص هنا._ يوووه وانتي مالك ملكيش فيه هاتي الزفت.ثم أخذه منها عنوة بعد شد وجذب منها.اخذا الهاتف الذي صدح مرة أخرى فأجاب بلهفة:_ أيوة يا أسيل معلش مكنتش سامع التليفون أول مرة.توقف عن كلامه عندما رآها مازالت واقفة أمامه عاقدة الذراعين، تستمع له وعلى وجهها غضب عارم..فسألها:_ واقفة كده ليه روحي شوفي بنتك ولا اعملي أي حاجة._ مفيش حاجة أعملها وأنا عايزة اقعد هنا بقى مزاجي كده.نفخ ممدو