Bitbit Novels & Stories

Nakilala ni Angela Bautista ang dalagang mahilig sa pocketbook na si Heart Del Rio. Bitbit nito ang mga libro nito nang lumapit ito sa kaniya at binago ang takbo ng kaniyang mundo. Simula noon ay naging anino na niya ang dalaga. Naging maayos naman ang pagkakaibigan nila, ang kaso, pumasok sa eksena ang walang modo nitong kapatid na si Brian Del Rio. Inutusan siya ni Brian na layuan niya ang kapatid nito sa hindi niya maintindihan na dahilan. Kahit labag sa kaniyang loob ay sinunod niya ang binata at doon nagsimula ang kalbaryo ng buhay niya. Naging mas makulit pa si Heart at panay padala ito sa kaniya ng kung ano-ano na naging dahilan bakit na-chismis sila sa campus. Brian Del Rio to the rescue. Nagpanggap ang binata na ito ang nanliligaw sa kaniya para lang matabunan ang issue nila ng kapatid nito. Isang pagpapanggap na hindi dapat siya sumang-ayon. Maraming binitawan ang binata na mga pangako sa kaniya, but promises are meant to be broken. Hindi natupad dahil bigla na lang itong nawala at hindi na muling nagpakita pa sa kaniya. Dapat pa ba siyang maghintay? O dapat na siyang mag-move on dahil pagpapanggap lang talaga ang lahat?

Sa gitna ng isang madilim at maulang gabi, takot at kawalan ng malay ang humila kay Shaira matapos siyang lasunin ng kanyang tusong tiyahin na si Lin. Ang layunin ni Lin? Ipakasal siya nang sapilitan upang manakaw ang kumpanya ng kanyang kuya na si Mark—isang sikat na medikal na eksperto na kasalukuyang comatose matapos saluhin ang apat na bala para sa makapangyarihang si Vin Davis. Sa kanyang pagtakas, isang misteryosong lalaki ang sumalo at nagligtas sa kanya sa loob ng isang sasakyan. Doon, nilamon si Shaira ng matinding init ng lason, ngunit pinigilan siya ng lalaki nang may awtoridad at dinala sa ospital. Pagdating ng umaga, nagising si Shaira na may hawak na misteryosong butil ng rosaryong Budista—ang tanging alaala ng gabi na hindi na niya matandaan ang mukha ng nagligtas sa kanya. Bitbit ang galit laban sa pamilyang Davis na itinuturing niyang dahilan ng trahedya ng kanyang kuya, nagtungo si Shaira sa ospital. Desidido siyang harapin at panagutin si Vin Davis sa kawalan nito ng malasakit. Ngunit sa kanyang pagdating sa ICU, isang matangkad, malamig, at makapangyarihang lalaki ang naghihintay sa kanya—isang engkwentro na magbubukas sa mga sikreto ng nakaraan at sa tunay na pagkakakilanlan ng may-ari ng rosaryo.

Si Madison Georgette Fortunato ay isang dalawampung taong gulang na ulila na lumaki sa ampunan. Sa murang edad, natuto siyang mabuhay mag-isa habang pinagsasabay ang pag-aaral, pagiging coffee shop crew, at freelance modeling para lamang mabayaran ang renta at mabuhay nang maayos. Tahimik at simple lang sana ang mundo niya—hanggang sa makilala niya si Lucian Charles Stryker, isang batang bilyonaryong sanay makuha ang lahat ng gusto niya. Gwapo, makapangyarihan, ngunit mapanakit at wasak ang pagkatao. Nagsimula ang lahat sa isang gabing puno ng alak, musika, at matatamis na salita. Isang gabing hindi nila akalaing magiging simula ng magulong pag-ibig. Sa kabila ng babala ng utak niya, unti-unting nahulog si Madison sa lalaking puno ng sikreto at kasinungalingan. Ngunit habang lalong lumalalim ang relasyon nila, unti-unti ring nabubunyag ang madilim na katotohanan tungkol kay Lucian—ang pamilya nito, ang ibang babaeng ipinapakilala bilang kasintahan, at ang mundong hindi kailanman magiging para sa isang simpleng babae tulad niya. Hanggang sa isang gabi, tuluyan siyang nasaktan at piniling lumayo. Bitbit ang wasak na puso at isang sikretong hindi alam ni Lucian… umalis si Madison habang dala-dala ang anak ng bilyonaryo.Pagkalipas ng ilang taon, muli silang pagtatagpuin ng tadhana. Ngunit sa pagbabalik ni Madison, handa pa bang mahalin ni Lucian ang babaeng iniwan niya noon—o muli niya lamang itong sisirain?

Para kay Margarette Martha Graciano, tama nang minsang nabaliw siya para sa pag-ibig. Tumigil ang mundo niya para sa pagmamahal na ngayo'y pinaniniwalaan niyang hindi para sa kaniya. Kinalimutan niya na ang batang puso, ang batang puso na umibig nang husto sa lalaking unti-unti niya nang kinalimutan. Ngunit sa pagbabalik sa lugar kung saan nais niyang lumagay na sa tahimik, ay siya ring pagbabalik ng taong takot siyang sirain ulit ang mga pader na matayog niyang itinayo para sa kaniyang sarili. Timothy Ian Lawrenceville, Margarette's greatest first love, heartbreak, and her biggest downfall. Kailanganmay hindi na niya lilingunin ang lalaki. Ngunit hinding-hindi na nga ba babalik pa kung may malaking sugat na naiwan sa mga puso nila? Paano kung ang pag-ibig na mismong gustong kalimutan ay may marka ng kahapong patuloy na bitbit ni Margarette. Ang kanilang anak, ang batang inalagaan niya ng ilang taon, pinuno ng pagmamahal at aruga ay nagnanais din ng kalinga ng isang amang ipinagkait ni Margarette rito dahil sa kaniyang poot dahil sa paniniwalang nagtaksil ang lalaki sa kaniya. Wala nga ba talagang pangalawang pag-ibig at pagkakataon, o sadyang hindi naman talaga ito nakalimutan kahit lumipas ang panahon. It marked, a mark that would not fade easily. A Mark that lasts forever.

Sa loob ng limang taon, nanatiling anino si Evorie Smith sa sarili niyang buhay may asawa. Akala niya, ang pagsailalim sa IVF ang magiging susi para mahalin siya ng asawang si Rafael Dadan, ngunit ang DNA result ay nagsiwalat ng malupit na katotohanan, ang batang si Ginger na apat na taon niyang inalagaan at minahal ay hindi niya tunay na anak. Ginamit lamang siya nina Rafael at ng kapatid sa labas na si Violet bilang surrogate para sa bunga ng kanilang kataksilan. Habang nagpapakasasa ang dalawa sa kanilang bawal na pag-ibig, nagpasya si Evorie na tapusin ang pagiging martir. Sa gabi ng kanilang fifth wedding anniversary, na mas pinili ni Rafael na gugulin kasama si Violet, nilayasan ni Evorie ang mansiyon, bitbit ang poot. Hindi lang diborsyo ang kanyang pakay, kundi plano niyang sunugin ang mundo ng mga taong umabuso sa kanya. Sinimulan niya ang paghihiganti sa pamamagitan ng pagsabotahe sa kasal ni Violet at ng bilyonaryong CEO na si Alistair Vanderbilt. Matapos ibunyag ang isang malaswang video ng dalawang taksil, hinarap ni Evorie ang bulag at malupit na groom. Naglatag siya ng mapangahas na deal, isang kasal kapalit ng pagkakaroon ng tagapagmana para sa lola ni Alistair. Pumayag agad si Alistair, ngunit may kondisyon. "Have sex with me, now. Show me if you can handle a monster like me." Wala nang atrasan. Gagawin ni Evorie ang lahat para mapabagsak sina Rafael at Violet, kahit pa ibigay ang kanyang katawan at kaluluwa sa lalaking kinaiinisan at kinatatakutan ng lahat.

Isang normal na gabi lang sana ang lahat kay Paris Laurene, kung hindi lamang niya nasaksihan ang tumataginting na pagkabigo ni Theon, sa isang dalagang balak nitong ipakilala bilang girlfriend sa abuela nito. Last minute nang bigla nalang umayaw ang dalagang bitbit ni Theon kaya’t naiwan ito habang di malaman kung paano haharapin ang parating na Lola. Well look at that, even the hot, rich and devilishly handsome Theonnius Naverra got dump in front of her very eyes! May pag-asa pa ang Earth! Hindi maatim ni Paris na hayaan si Theon na humarap nang bigo sa abuela nitong dumating sa naturang tagpuan. kahit pa kating-kati na ang dila niyang budburan ito ng pang-aasar. Ngunit dahil isa siyang mabait, maganda at binibining may busilak na kalooban, nagpakilala siya bilang girlfriend ni Theon. “Relax, Theon. Magbi-break din naman tayo.” Nakaisip na si Paris ng plano upang malinis na matakasan nilang dalawa ni Theon ang ginawa nilang pagpapanggap na magkasintahan. Iyon ay ang gumawa ng paraan upang magbreak sila nang hindi nagdududa at nabibigla si Lola Celestina. “We just need to follow the right breakup formula.” aniya. “What?” “Heated arguments plus jealousy and misunderstanding minus communication and time, idagdag pa ang mga babae mo. That will surely equal to break up.” Okay na sana lahat. Ang problema maling equation ata ang nasusunod ni Paris. Imbes kasi na magkalabuan lang sila ay nahuhulog pa siya sa binata! Oo nga pala, hindi siya magaling sa Math!

BLURB: Si Desyrie ay lumuwas ng Maynila bitbit ang isang pangarap: ang makapag-aral at makatulong sa pamilya. Taglay ang ganda ng isang tipikal na Pilipina—morena, may mapungay na mga mata, at hubog ng katawang pang-modelo—madali sana siyang makakahanap ng mapapangasawa. Ngunit sumumpa siya: hinding-hindi siya magpapakatanga sa pag-ibig gaya ng kaniyang ina. “Bahala na kung tumandang dalaga,” ang madalas niyang bitaw na salita. Sa kabilang banda, si Lumiere Salvatiero ay isang bilyonaryong kinalimutan na ang salitang "pagmamahal." Matapos iwan ng kaniyang fiancée para sa ibang lalaki, ang dating butihing boss ay naging malamig, mabalasik, at lunod sa trabaho. Para sa kaniya, ang mga babae ay iisa lang ang habol: ang kaniyang yaman. Ngunit magbabago ang lahat sa isang hapon. Sa tapat ng kaniyang mansyon, isang napakagandang babae ang nakatayo habang binabasa ang poster: HIRING: YOUNG MAID. Sa isang sulyap, Lumiere was starstruck. Ngunit agad niyang iwinaksi ang nararamdaman. Para sa kaniya, isa lang din si Desyrie sa mga babaeng gagamitin ang ganda para makuha ang kaniyang pera. Doon magsisimula ang isang laro ng pangungutya, pagtitiis, at damdaming pilit itinatago sa likod ng mga malamig na titig. Will Desyrie’s fierce heart break Lumiere’s icy walls? O magiging isa lamang siyang biktima ng nakaraan ng lalaking ayaw nang maniwala sa pag-ibig? "I thought he was my forever, but he was just a lesson. My real hero was always right beside me."

"He lost the memory of that fateful night to the shadows. Little does he know, that forgotten encounter left behind a heartbeat he never expected to hear." Isang gabi lang ang kailangan para magbago ang mundo ng pianist na si Aria Santos. Isang gabi sa piling ng mailap at makapangyarihang bilyonaryo na si Xavier Knight. Pero bago pa masundan ang kanilang mainit na pinagsamahan, isang malagim na aksidente ang bumura sa lahat—pati na sa pangalan ni Aria sa alaala ni Xavier. Limang taon ang lumipas. Si Aria ay hindi na ang mahinang babaeng basta na lamang tinalikuran. Siya ay naging isang matatag na single mother at isang hinahangaang pianist. Pinalaki niya ang kanyang anak na si Axel nang mag-isa, bitbit ang dignidad at ang pangakong hinding-hindi na muling aasa sa lalaking nakalimot sa kanila. Ngunit sa isang marangyang anniversary event ng Knight Industries, muling magtatagpo ang kanilang mga landas. Habang ang bawat nota ng piano ni Aria ay bumibihag sa puso ng mga panauhin, isang aksidenteng pagkabangga sa hallway ang magaganap sa pagitan ng bilyonaryo at ng isang limang taong gulang na batang lalaki. Sa isang sulyap, napatigil ang mundo ni Xavier. Ang batang nasa harap niya ay hindi lang basta estranghero—ito ay ang kanyang "carbon copy." Mapapanatili ba ni Aria ang kanyang pader ng pagtanggi, o sadyang ang dugo na ang maghahanap sa sarili nitong pinagmulan? Sa mundong puno ng sikreto at kapangyarihan, hanggang saan kayang protektahan ng isang ina ang kanyang anak mula sa lalaking kinalimutan sila, ngunit ngayon ay pilit na bumabalik para angkinin ang lahat?

Naya and Declan had been in a relationship for one year when he proposed to her. Siya na ata ang pinakamasayang babae sa buong mundo nang makatanggap siya ng engagement ring mula sa lalaking mahal niya. Pero lahat ng kaligayahan sa puso niya ay biglang naglaho kasabay nang parang bulang naglaho rin ang binata. He’s nowhere to be found. Sa pag-uwi niya sa Pilipinas galing Spain, hindi lamang pagka-brokenhearted ang bitbit niya kun’di pati ang malaking problema. Saan naman siya hahanap ng lalaking ipakikilala niya sa kaniyang mga magulang bilang boyfriend niya gayo’ng excited ang mga ito na makilala si Declan? And then she met Dream Aguilar. Kahit hindi niya tipo ang lalaki dahil iba ang dating nito para sa kaniya noong unang pagkikita pa lamang nila... pero inalok niya pa rin itong magpanggap na nobyo niya para ipakilala sa kaniyang mga magulang. But things went different between the two of them habang lumilipas ang mga araw na magkasama sila. She fell in love with him. Big time. Ito nga ata ang purpose kung bakit siya nasaktan sa una niyang pag-ibig. Itinadhana sila ni Dream para mahalin ang isa’t isa. He’s the perfect man, perfect lover, perfect partner. Pero isang araw, may lihim si Dream na kaniyang natuklasan. Lihim na hindi niya malaman kung ano ang dapat niyang maramdaman. For the second time, she was hurt again. Is she willing to forgive him and continue to love him? Or will she leave him forever and just let the wound in her heart heal over time?

Hindi dapat magkaroon ng anak ang isang De Silva sa isang maid. But six years ago, Atlas De Silva broke the one rule Pride Estate protected the most. He loved Elnora Velasco in secret. Ngunit nang malaman ng pamilya De Silva na buntis siya, pinalayas si Elnora, pinaratangan ng pagnanakaw, at pinaniwalang tumakas kapalit ng pera. Si Atlas naman ay pinakasal sa babaeng pinili ng pamilya niya para protektahan ang pangalan ng Pride Estate. Anim na taong lumaban mag-isa si Elnora para sa anak niyang si Luna Hope. Hanggang sa lihim na sumali si Luna sa Family Wish Contest ng Pride Estate. Hindi alam ni Elnora na napili ang anak niya bilang grand winner. At hindi niya alam na ang mismong magbabasa ng winning wish sa live event ay si Atlas De Silva. Sa harap ng buong La Isla Tentación, binuksan ni Atlas ang sobre habang nakangiti ang asawa niya sa tabi. He read the child’s wish. (I wish my daddy would remember Mommy.) He saw the attached photo. Isang lumang larawan niya. May sulat sa likod. (Mommy said this is the man who loved her, but not enough to fight for her.) Sa gitna ng entablado, lumapit si Luna Hope. “Are you my daddy?” Namutla ang asawa ni Atlas. Elnora rushed forward and pulled Luna into her arms. “Huwag mo siyang tawaging Daddy.” At sa unang pagkakataon matapos ang anim na taon, nakita muli ni Atlas ang babaeng minsan niyang minahal. “Elnora… is she mine?” Hindi siya sinagot ni Elnora. Tinalikuran niya ito, bitbit ang anak nila. Bago pa siya makalabas ng ballroom, nagsalita si Atlas. “Run if you want, Elnora. But I’m not the same man who let you disappear. This time, I’m coming after you.”