سحر الحب

انا اسمى ريم البنت الوحيده لبابايا وطول عمرى عايشه معاه وبيخاف عليا من الهوا الطاير لكنه بيخاف يطلعني حتى من البيت کل احلامی بسیطه زی ای بنت وهى انى بعد متخرج من كليه الهندسه اشتغل فى شركه محترمه وبعدين بعدها اقابل شريك حياتي الوحيد الى هيخطف قلبی واول شركه اختارتها هي شركه معروفه جدا اليوم ده جهزت ولبست كويس وروحت على المعاد بالظبط

قعدت قدام شاب حلو جدا

هو : اتفضلى

انا بأبتسامه : شكرا لحضرتك

سليم : ليه اخترتى شركتنا احنا بالذات ؟

ممكن اعرف !

وبعدين انتى لسا حديثه التخرج

واعتقد كمان انك عارفه اننا مش بنقبل اى حد حدیث

التخرج عندنا هنا

ريم : طيب ليه لما قدمت السى فى اتصلتوا بيا وقلتو لي تعالى اعملى معانا المقابله طالما انتم مش بتقبلوا اي حد حديث تخرج بقا كدا

سليم : شكلها غلطه من الشخص الى بيقبل السي في هات بس خلاص انتى جيتى يعنى فا هتضطر انى اعمل معاكى المقابله ريم بصيت في عينيه في اللحظه دى و بعدين راحت قيلا له

ريم : حضرتك يا بشمهندس مش مجبر خالص انك تعمل معايا انترفيوا لو انت مش حابب ده طبعا

انا اقدر امشى واصدق كمان انكم متصلتوش بيا وانه كمان مفیش ای حاجه حصلت

سليم وهو بيهز راسه : لا ... لا انا اسف يبشمهندسه مفيش مشكله والأنترفيو هيتعمل

ريم حطيت ايديها على المكتب وبعدين بصيت لي سليم تانی وراحت قيلا له

ريم : تمام معنديش مشکله یا بشمهندس

اتفضل ابدء الأنترفيو

ولعلمك انا عاوزه بس اقولك حاجه يا ريت حضرتك تعرفها

يبشمهندس وهي ان

حديث التخرج ده اه لسا متخرج ولا يملك اي خبره ولكنه مع

ذالك شخص طموح جدا ولسا بيبدء حياته وحابب جدا انه يثبت نفسه وده طبعا على عكس تماما الشخص ذو الخبره الى ضمن مكانه فى شركتك والى ممكن يسيبها فى اى وقت لانه لقا شركه تانیه اعلى واحلى منها حتى لو كانت الشركه دى عدوه ليك الشخص ذو الخبره بيجرى ورا الفلوس ومش ورا مصلحه الشركه

سليم : لكن حديث التخرج بيجرى ورا انه يكتسب خبره

ويثبت نفسه مش ورا الفلوس

عاوزه تقولى كدا یا بشمهندسه ؟

ریم : اه عاوزه اقول كدا بالظبط

وفي اللحظه دي سليم بص على المكتب وكان محطوط

استقاله بشمهندس كان شغال معاهم وفعلا قدم استقالته علشان يروح يشتغل فى اكبر شركه فى مصر وهى الشركه العدوه ليهم

سليم : طيب يبشمهندسه نبدء فى تانى سؤال

احنا في الثاني صح كدا ؟

ريم : لاء انا لسا مجاوبتش على الاول اصلا

سليم : لاء جاوبتي

ريم : لاء انا جاوبت يبشمهندس بس لسا اجابتی مکملتهاش

سليم : طيب اتفضلى يبشمهندسه کملی اجابه بقيت السؤال

ريم : انا اخترت الشركه بتاعتكم يبشمهندس بالذات علشان

انا كان حلمى انى اشتغل فى الشركه دى وكنت حطاها هدف قدامی و دالوقتی تحقیقه في ايد حضرتك

یعنى متوقف على الكلمه الى حضرتك هتقولهالي دالوقت

حالا ... وخليك فاكر كويس انى خريج وجاى يثبت نفسه عندكم ومش بيجرى ورا الماديات ابدا

كل حلمه زى المثل ما بيقول كدا وظيفه میری یا بشمهندس وبسكدا

سليم بأبتسامه : اول مره احس انى ممكن احقق لحد حلمه

تخیلی انى عملت انترفيو مع ناس كتير وعمری محسیت انی

لو قبلت واحد فيهم معنى كدا انى حققتله الحلم بتاعه

ريم بضحك : عادى جدا يبشمهندس ان حضروك متحسش الأحساس ده

وده لأن ممكن يكون الشخص الى بيعمل مع حضرتك

الأنترفيو مش حلمه اصلا انه يشتغل هنا وحلمه مثلا أنه يتجوز البنت الى بيحبها فمبانش قدامك ان هو متمسك بحلمه وعلشان كدا انت محسيتش الأحساس ده وطبعا الكلام ده معناه

سليم : ان ده حلمك وانك متمسكه بيه وان انا بس الوحيد الى اقدر احققهولك صح

ريم بضحك : اه لو حضرتك محققتهوش على فكره

هخر بشلك العربيه بتاعتك وانا خارجه

سليم بضحك : إلا العربيه دا لسا عليها اقساط

بصى انا حابب فيكى ثقتك فى نفسك وبتفكرني بنفسي وانا

ادك كدا فعلشان كدا اعتبري نفسك من دالوقتى واحده من التيم بتاعنا

ريم بفرحه : انت بتتكلم بجد ؟

سليم بصيلها باستغراب

ريم : قصدى حضرتك بتتكلم بجد .. يعنى انت بحد هشتغل عندكم هنا ؟

سليم بأبتسامه من رده فعلها : اه بتكلم بجد

ريم : طيب احلف كدا

سليم : والله بقيتى موظفه عندنا في الشركه

في اللحظه دى ريم قامت من على الكرسى وكان هاين عليها تحضنه من كتر فرحتها

ريم : طيب هبدأ شغل من امتا ؟

سليم : زى متحبى من دالوقتى او من اول اليوم بكره الى انتي حباه

ريم بفرحه : طيب هروح احتفل واجى بكره ان شاء الله

ومدت ايديها تسلم عليه وقالتله متشکره یا بشمهندس

وراحت ساكته لأنها لسا متعرفش اسمه

وسليم مديلها ايديه وكان فيها الدبله وريم لاحظت ده

سليم : بشمهندس سليم يبشمهندسه ريم

ریم خرجت من عنده وركبت الأسانسر ونزلت ركبت عربيتها وروحت وأول مدخلت من باب الفيله بتاعتهم بصريخ يبااابا يماااما انا اتوظفت في شركه GS العالميه

باباها : الف مبروك يحبيبتي

ريم : مش انا قولتلك انى مش محتاجاك تشوفلي واسطه وأني أدها

مامتها اخدتها بالحضن وقالتلها

انا بنتى اد كل حاجه بتعملها

تاني يوم في الشركه

ريم لبست و جهزت وراحت الشركه

واستلمت شغلها

شيماء : اهلا بيكى ياا .. اسمك ايه صحيح يقلبي

ريم : اسمى ريم يقمر

شيماء : اهلا بیکی یا ریم والله انا حاسه اننا هنكون صحاب

ريم : طيب والله يا ريت

شيماء : ايه رأيك بعد متخلصى الشغل الى معاكى واحنا

مروحين نقعد في كافيه وندردش شويا انا حبيتك والله

ریم : معنديش اى مشكله يشوشو

شيماء خلصت شغلها قبل ريم وراحت تقولها انها هتنزل

تستناها تحت فى الكافيه الى قريب من الشركه لحد ما ريم تخلص شغلها وريم قالتلها تمام

ريم خلصت شغلها بعد عشر دقايه واخدت شنطتها وراحت

اتكيت على زرار الأسانسير ووقف قدامها وركبت فيه وبعدين بصيت لقيت سليم جه وركب

سليم ركب معاها ومتكلمش وكان بيكلم واحده في التليفون

وبيقولها مش هتأخر ان شاء الله يا حبيبتي

ريم : تلاقيه بيكلم خطيبته شكله متكبر دا حتى مسلم عليا

وفى لحظه النور قطع وتليفون سليم الشبكه سقطت منه

ريم بخضه : ايه ده النور قطع ؟

سليم : متخافيش هيجى دالوقتى على طول والمولدات هتشتغل بس في الوقت ده المولدات الاحتياطيه كان فيها خلل ومحدش أخد باله

بعد دقيقتين

ريم : معلش هيشتغل امتا يبشمهندس ؟

سليم : دالوقت متخافيش

ريم فتحت تليفونها بتتابع الوقت وبعد ربع ساعه لسه جايه تتكلم لقيت سليم بيقول فى ايه ؟ هو ليه مشتغلش لحد دالوقت

ريم في اللحظه دى شالت الكوفيه من حوالين رقبتها

ورميتها على الأرض وفتحت شنطتها علشان تدور على بخاخه الأكسجين وقلبت الشنطه وفضلت تدور فى الضلمه وهي حطه ايديها فى الشنطه على امل انها تلاقيها بس للأسف ملقيتهاش وراحت الشنطه واقعه من ايديها على الارض لما فقدت السيطره على ايديها وحست ان جسمها كله بينمل وايديها تلجت وحسيت ان مفيش هوا علشان تتنفسه وان خلاص روحها بتطلع وحتى ريقها مش عارفه انها تبلعه والعرق بدء يغرق جسمها كله في اللحظه دى