Lahat ng Kabanata ng The Gentlemen Club Series: LOVE ENTANGLEMENT: Kabanata 51 - Kabanata 58

Mag-isang kumakain ng hapunan si Kianna. Katatapos lang niyang magluto. Wala rin ang mga magulang niya dahil nasa out-of-town ang mga ito kaya mag-isa lang siya sa hapag. Malaya rin niyang nailalabas ang sama ng loob niya. She was crying at that moment. Ni hindi nga niya magawang nguyain ang pagkain niya. Kanina pa nakauwi ang nobyo niyang si Preston. Hindi niya inamin dito na plano lang naman ang lahat, na nag-hire siya ng male host para pagselosin ito. Totoo naman iyon at ngayong epektibo nga ang ginawa niya, magiging maayos na ang lahat sa pagitan nilang dalawa. Pero kung bakit imbes na nagsasaya siya ngayon ay kabaligtaran ang nararamdaman niya. Nalilito siya sa nararamdaman niya sa mga sandaling iyon. Hindi niya alam kung umiiyak ba siya dahil kay Preston at sa pagbabalik nito, nangako na itong magbabago na, o dahil kay Drake at sa ka-date nito. Lumakas ang pag-iyak niya nang maisip niya ang huli. Kanina pa sumisingit sa isip niya ang masayang eksena sa pagitan ng mga ito

"Manong, dito na lang ho," ani Kianna sa driver ng taxi. Pagkababa niya ay agad niyang isinara ang pinto ng sasakyan at nagbayad. Tahimik niyang pinagmasdan ang paligid. Nasa tapat siya ng isang lumang warehouse. Halos wala nang ilaw sa lugar. Panaka-nakang sasakyan lamang ang dumaraan sa kalsada at wala siyang makitang ibang tao. Biglang bumilis ang tibok ng puso niya. "Tama ba talaga ang lugar na ito?" bulong niya sa sarili. Muli niyang sinulyapan ang cellphone. Sa pamamagitan ng GPS ay natunton niya ang lokasyon ni Drake. Mabuti na lamang at naka-on pa rin ang location nito. "Tama naman..." mahina niyang bulong. "Pero ano naman ang ginagawa niya rito?" Bigla niyang napansin ang isang sasakyang nakahimpil sa di kalayuan. Pamilyar iyon. Nanlaki ang mga mata niya. "Sasakyan ni Drake iyon ah..." Mabilis niya iyong nilapitan. Hindi siya nagkamali. Sa binata nga ang sasakyan ngunit nang makita niyang nakabukas ang driver's door at magulo ang loob ng sasakyan, bigla siyang

Naglalakad na si Kianna sa gilid ng kalsada, malayo na rin siya sa abandonadong warehouse. "I hate him..." "I hate him..." Paulit-ulit niyang bulong. Maya-maya ay napatigil siya. May mahinang tunog siyang narinig. Parang tunog ng cellphone. Nagmumula iyon sa may matataas na damuhan sa gilid ng kalsada. Sa una ay wala sana siyang balak pansinin iyon ngunit nang akma na siyang maglalakad muli ay may napansin siyang kakaiba. May bakas ng dugo. Sunod-sunod. Mistulang may taong sugatang dumaan sa lugar na iyon. Bigla ay naalala niya si Drake. Hindi niya maintindihan kung bakit sa isang iglap ay napawi ang lahat ng galit at hinanakit niya rito. Sa halip, matinding pag-aalala ang pumalit. Halos patakbo niyang sinundan ang bakas ng dugo hanggang marating niya ang pinanggagalingan ng tunog ng cellphone. At doon, natagpuan niya ang isang lalaking nakahandusay sa lupa. Kianna felt numb and horrified. She suppressed an insane desire to scream. She wasn't a screamer by nature. In fact

That night, Kianna made a desperate decision. Kailangan niyang kalimutan si Drake. The more she stayed inside the house, the more she thought about him. Hindi siya makaka-move on kung magmumukmok lang siya buong araw. Kaya napadpad siya sa isang host club pero hindi iyon ang Happiness Bar. Nakatayo siya ngayon sa loob ng Vampire Host Club. Ilang bloke lamang ang layo nito sa Happiness Bar. Hindi niya tuloy maiwasang isipin na baka noon pa lang ay tadhana na ang may pakana kung bakit mali ang napasukan niyang host club. Agad niyang napansin ang malaking pagkakaiba ng dalawang lugar. Mas maraming female customers sa Vampire Host Club. Mas maingay, mas mausok at halos umiikot ang paningin niya sa dami ng naglalarong disco lights na nagpapalit-palit ng kulay sa buong paligid. Halos lahat ng host ay abala sa pag-entertain ng kanilang mga guests. Napansin din niyang napakamahal ng presyo ng bawat host na nagte-table. But to be fair... Gwapo rin naman ang mga lalaki roon, mas bata pero