Iglap Novels & Stories

Hindi kailanman inakala ni Luhan na ang isang gabing dapat ay simpleng “boy’s night out” lamang ang sisira sa pinaghirapan niyang relasyon at nakatakdang kasal kay Stephanie. Sa isang iglap, nasangkot siya sa isang gabing puno ng alak at kalituhan—at nagising na may nangyari sa pagitan niya at isang babaeng hindi niya kilala. Sa desperasyong linisin ang kanyang pangalan, hinanap niya si Bella, ang kaibigang maaaring makapagpatunay na hindi niya ginusto ang nangyari. Samantala, pasan ni Cattleya ang mabigat na responsibilidad bilang ina kay Kesleigh, isang batang may sakit sa puso. Sa gitna ng problema sa pera, pagkawala ng tirahan, at trabaho, napilitan siyang tanggapin ang alok na maging sekretarya ng isang istriktong boss—si Luhan. Sa una’y puro iringan ang namagitan sa kanila, lalo na nang pagbawalan siyang magdala ng anak sa opisina. Ngunit habang tumatagal, unti-unting nahulog ang kanilang mga puso sa isa’t isa. Naging masalimuot ang lahat nang muling manggulo si Stephanie at unti-unting mabunyag ang koneksyon ng nakaraan. Isang rebelasyon ang yumanig sa mundo ni Cattleya—si Luhan ang lalaking nakatalik niya noon. Sa takot na mawala ito, itinago niya ang katotohanan, hanggang sa isang hindi inaasahang pagtatagpo ang naglantad ng lahat. Dumagdag pa sa kaguluhan ang paglitaw ni Caloy na nag-angking ama ni Kesleigh. Nasubok ang tiwala ni Luhan, ngunit pinatunayan ng DNA test na siya ang tunay na ama. Sa araw ng pag-alis nina Cattleya patungong ibang bansa, pinili ni Luhan na habulin sila—handa mang maghintay, umaasang balang araw ay mabubuo rin ang kanilang pamilya.

One Sinful Night With My Possessive Uncle (SSPG) “One sinful night was all it took to ruin us. This love is forbidden. But tell me, Kiara… if loving you is wrong, why does it feel so right?” *** Akala ni Atty. Kiara Montero ay hawak niya ang lahat sa kaniyang buhay—ang karera, reputasyon, at relasyon sa fiancé na pinili niya para sa sariling kaligayahan. Ngunit isang gabi, nahuli niya ang fiancé na nakikipaghalikan sa kaniyang stepsister, si Kara. Sa isang iglap, muntik nang mabuwag ang kaniyang mundo. Pinili niyang umiwas, ngunit sa halip na makahanap ng katahimikan, natagpuan niya ang sarili sa isang bar, nagpakalasing upang pansamantalang takasan ang sakit. Ngunit sa sobrang kalasingan at pagkalito, nagising si Kiara kinabukasan sa bisig ni Chase Montefalco—ang kaniyang tiyuhin, adopted brother ng kaniyang ina, at isang lalaking kilala sa malamig at makapangyarihang presensya bilang CEO ng Montefalco Group. Isang gabing puno ng kasalanan at lihim na hindi dapat mangyari at pareho nilang pinipilit kalimutan. Nang matuklasan ni Kiara na siya ay buntis, alam niyang isang eskandalo ang naghihintay—isang lihim na kayang sumira hindi lamang sa kaniyang reputasyon kundi pati sa pamilya at imperyo ni Chase. Ngunit sa kabila ng takot, hiya, at galit, hindi niya kayang lumayo sa lalaking minsang nagbigay sa kaniya ng init at pang-unawa sa isang gabing mali ngunit hindi niya malilimutan. Para kay Chase, ang bata ay hindi lamang bunga ng kasalanan kundi dahilan upang ipaglaban si Kiara, kahit pa ang mundo ay laban sa kanila. Nagpasya siyang pakasalan siya ng lihim upang maprotektahan ang kanilang anak. Pero sa huli, posible nga bang ang isang gabing puno ng kasalanan ang magdala ng pag-ibig na hindi kayang sirain ng mundo?

May karapatan pa ba ang lalaking itinapon ka noon na bawiin ka ngayon? Sa ika-25 linggong pagbubuntis, nahuli ni Gaile Enriquez ang sarili niyang asawa, hindi sa kama, kundi sa ospital, habang siya’y nagpapa-check up para sa anak nilang ipinagbubuntis niya. Tinawag pa siyang “Aunt” ng bata at magandang babaeng na kabit ng asawa niya. Ang mas masakit, walang makikitang kahit kaunting hiya, ni katiting na awa sa mga mata ni Kaiden Montelvar, isang ruthless trillionaire CEO na sanay mangwasak hindi lang sa negosyo, pati na ng puso. Para sa kaniya, si Gaile ay isang babaeng social climber, isang babaeng handang gawin ang lahat para umangat, kahit gamitin ang kama upang itali siya sa isang kasal. Ang hindi niya alam, walong taon na siyang lihim na minamahal ni Gaile. Kaya sa isang iglap, walang paliwanag. Walang awa. Divorce papers ang inabot niya. Sa araw na iyon, gumuho ang mundo ni Gaile. Walong taon ng pagmamahal, sakripisyo, at pananahimik, lahat binura sa isang pirma. Nanganak siya. Umalis. At tuluyang naglaho. Limang taon ang lumipas. Bumalik si Gaile, malayo sa dating babaeng minamaliit. Isa na siya ngayong makapangyarihang negosyante. Elegante, matalino, at hinahabol ng mga lalaking handang ibigay ang mundo sa kanya. Ngunit... hindi pa pala sila tuluyang na-divorce ni Kaiden. At nang ipinahayag ni Gaile ang kanyang engagement sa ibang lalaki, tuluyang nawala sa kontrol si Kaiden. “Marry another man?” aniya, mapait at puno ng sakit ang boses habang kinukulong sa kaniyang bisig si Gaile nakadantay sa pader. “Over my dead body, Gaile. I’ll take you back, kahit sa anumang paraan. You’re still my wife. Sa akin ka lang.”

Sa isang pustahan ng mag inang Ellicia Guevara at Ellara Guevara nagsimula ang lahat. Hinamon ni Ellara ang kanyang ina sa isang pustahan, alang-alang sa panandaliang kalayaan na mahalin at paibigin si Gabriel Zerosa. Pumayag naman ang Ginang sa gusto ng dalaga ngunit kaakibat noon ang ilang rules. That once she lose the bet, babalik siya sa kanila at paninindigan ang pagiging tagapagmana. Sinimulan ni Ellara ang planong paglapit kay Gabriel kasabay ng pagtalikod sa kanyang tunay nakatauhan. From a rich, popular and happy go lucky girl. Nag-transform si Ellara bilang masunurin at mabait na babae sa paningin ni Gabriel. Nagawa ni Ellara na hindi lang basta makalapit sa lalaki kundi manatili na rin sa piling nito. Wherever Gabriel goes, Ellars is always beside her. Kahit na magmukhang desperada Ellara never leave his side. On Gabriel’s birthday, Ellara knew na talo na siya. To make things seems right. She acted the way she used to be. Pero may mga taong matalim ang dila lalo na sa ikakasira at ikakasakit ng damdamin ng iba. Nagkaroon ng pagkukumpara ang iba hanggang sa nadawit na ang pangalan ni Ellara kaya nararamdaman ng babae na dapat niyang ibangon ang kanyang dignidad. “Minsan na akong na talo. I won’t allow you again to defeat me.” Out of nowhere, as a random but smooth revenge in-announce ni Ellara na engage na siya sa anak ng isa sa pinakamayamang angkan sa italya na walang iba kundi si Hector Lombardi na isa sa guest of honor ng event. Agad umahon ang mga haka-haka, walang sino man ang nakakita sa binatang binanggit ni Ellara. Dahil ilang ulit man itong imbatahan wala itong pinaunlakan. Ngunit sa isang iglap dumating ang lalaki claiming Ellara as his fiancee. Nagbago lahat sa paligid kahit si Gabriel ay hindi makapaniwala.

“In a family built on secrets, loving the wrong person may be the only truth left.” Si Loriene Tianelle Mejes ay lumaking parang prinsesa—ang bunsong anak ng makapangyarihang pamilyang Mejes na sanay makuha ang lahat ng kanyang naisin. Ngunit sa kabila ng marangyang buhay at pagmamahal ng pamilya, may isang bagay na kailanman ay hindi niya nakuha: ang atensyon at lambing ng malamig at mailap na si Jaxon Roan, ang panganay na tila laging may pader sa pagitan nilang dalawa. Ang hindi alam ni Loriene, bawat paglayo ni Jaxon ay hindi dahil sa kawalan ng pakialam, kundi dahil sa isang damdaming matagal nitong itinatago—isang pagnanasang ipinagbabawal niyang maramdaman para sa babaeng itinuring niyang kapatid. Gumuho ang mundo ni Loriene nang dumating si Angelique, ang tunay na anak ng mga Mejes, at sa isang iglap ay nawala ang lugar na matagal niyang inakalang kanya. Kasabay ng pagbagsak ng kanyang pagkakakilanlan, nabunyag ang katotohanang hindi pala sila magkadugo ni Jaxon—isang rebelasyong naging simula ng pag-ibig na matagal nang pinipigilan. Sa isang bahay-tabing dagat, malayo sa mapanghusgang mundo, sumiklab ang damdaming matagal nilang ikinadena. Ngunit ang kanilang pagmamahalan ay naging mitsa ng galit ng pamilyang Mejes, dahilan upang sila’y paghiwalayin at itapon si Loriene sa isang payak na buhay sa probinsya. Pagkalipas ng tatlong taon, nagbalik si Loriene bilang isang matagumpay na propesyonal—mas matatag, mas malamig, at hindi na ang babaeng minsang iniwan. Ngunit muling ginulo ng tadhana ang kanyang mundo nang magtagpo sila ni Jaxon, ngayo’y engaged na sa iba. Habang muling nag-aalab ang dati nilang damdamin, isang mas malalim na sikreto ang mabubunyag—isang katotohanang maaaring sumira o tuluyang magpalaya sa pag-ibig na kahit panahon, kasinungalingan, at paghihiwalay ay hindi kayang patayin..

Si Xyza Gabrielle Ignacio, dalawampu 't tatlong taong gulang, ay nag-iisang anak ng isa sa pinakamayayamang pamilya sa mundo ng negosyo. Dahil dito, lumaki siyang spoiled at sanay na nakukuha ang lahat ng gusto. Mas inuna pa niya ang barkada, gala at luho. Ang pag-aaral? Palaging nasa huli sa kanyang listahan. Ngunit nagbago ang lahat nang mamatay ang kanyang ama sa isang aksidente. Dahil sa depresyon, ay napabayaan ng kanyang ina ang kanilang negosyo hanggang sa tuluyang malugi at magsara. Kaya sa isang iglap ay bigla na lamang nawala ang marangyang buhay na kinasanayan niya. At sa isang desisyong hindi inaasahan, muling nagpakasal ang kanyang ina, isang bagay na labis niyang tinutulan. Mas lalo pang gumulo ang lahat nang napag-alamang sa bahay ng bagong asawa nito sila titira. Doon niya nakilala si Flint Atlas Martinez, ang "bagong kapatid" niya sa papel. Tatlumpung taong gulang, strikto, may kayabangan, pero hindi maikakailang mapang-akit. Isa itong CEO ng matagumpay na engineering firm na siyang pagmamay-ari ng pamilya nito. Araw-araw silang nagbabangayan. Hindi sila magkasundo sa kahit maliit na bagay. Si Xyza, palaban at maarte. Si Flint, mayabang at sobrang higpit sa kanya sa hindi malamang dahilan. Pero paano kung sa likod ng kanilang mga pagtatalo, unti-unting umusbong ang isang bawal na damdamin? Bawal na damdamin sa mata ng ibang tao, dahil sa papel ay magkapatid sila. Ngunit, kung kailan unti-unti na nilang nauunawaan ang tunay nilang nararamdaman para sa isa 't isa, saka naman nagsilabasan ang mga hadlang. Una na roon ang ina ni Xyza, dahil naniniwala itong isa na silang pamilya. At ang masaklap pa, umeksena pa ang dating kasintahan ni Flint, isang babaeng handang gawin ang lahat upang maagaw muli ang lalaking minamahal niya. Hanggang saan nila kayang ipaglaban ang kanilang mga damdamin sa dami ng mga humahadlang sa kanilang pag-iibigan?

Betrayed Wife, Claimed by the Heartless Billionaire Dalawang taon naging magkasintahan sina Leon Santillan at Gazini Fowler bago sila ikinasal. Akala ni Gazini, siya na ang pinakamaswerteng babae sa mundo. Ngunit sa loob ng isang taon nilang pagsasama bilang mag-asawa, minsan lang siyang naging asawa sa tunay na kahulugan nito—sa mismong gabi ng kanilang kasal. Habang walang sawang nagtatrabaho si Gazini, buong tiwala niyang ibinibigay ang bawat pisong kinikita kay Leon, naniniwalang magkasama nilang binubuo ang pangarap nilang kinabukasan. Hindi niya pinansin ang malamig nitong pakikitungo, ang mga gabing mag-isa siyang natutulog, at ang mga pangakong hindi kailanman tinupad. Para sa kanya, normal lang ang magsakripisyo kapag nagmamahal. Hanggang isang araw, hinarap siya ng kabit ni Leon. "Hindi ikaw ang babaeng minahal niya. Ikaw lang ang babaeng nagbayad ng lahat ng luho namin." Sa isang iglap, gumuho ang mundong maingat niyang binuo. Ang bawat sentimong pinaghirapan niya ay ginamit pala para buhayin ang marangyang relasyon ng asawa niya at ng ibang babae. Hindi lang siya niloko—ginawa rin siyang tagapagtaguyod ng pagtataksil sa kanya. Pinili ni Gazini ang diborsyo at iniwan ang lalaking sumira sa kanyang puso. Habang unti-unti niyang binubuo muli ang sarili, nakilala niya si Gabriel Medina—isang makapangyarihan, guwapo, at misteryosong billionaire na kilala sa pagiging malamig at walang pusong negosyante. Tahimik siyang pinrotektahan ni Gabriel, tinulungan siyang bumangon, at ipinakitang may lalaking kayang pahalagahan ang kanyang halaga. Ngunit may isang bagay na hindi kailanman maibibigay ni Gabriel—ang kanyang puso. At nang tuluyan nang tanggapin ni Gazini ang katotohanang iyon, bumalik si Leon, nagsusumamo ng isa pang pagkakataon. Dalawang lalaki. Isang pusong minsang nadurog. Sino ang pipiliin ni Gazini? Ang lalaking sumira sa kanya... o ang billionaire na inangkin ang kanyang buhay ngunit tumatangging ibigay ang kanyang puso?

Sa mundong pinaghaharian ng kapangyarihan, pera, at mga lihim na matagal nang ibinaon sa nakaraan, isang kasunduan ang muling bubuhay sa mga sugat na hindi kailanman tuluyang naghilom. Si Cielo Arcega ay isang kilalang arkitekto at nag-iisang tagapagmana ng Arcega Group. Buong buhay niyang pinatunayan na kaya niyang magtagumpay nang hindi umaasa sa apelyido ng kanilang pamilya. Ngunit sa isang iglap, gumuho ang lahat ng plano niya nang ipagkasundo siya ng kanyang ama sa lalaking pinakaaayawan niya—si Aelion Voss. Matalino. Makapangyarihan. At imposibleng basahin. Bilang CEO ng pinakamalaking shipping empire sa bansa, sanay si Aelion na kontrolado ang lahat ng bagay sa paligid niya. Maliban kay Cielo. Ang dapat sana'y simpleng kasunduan sa negosyo ay unti-unting naging isang mapanganib na laro ng damdamin. Habang mas nakikilala nila ang isa't isa, natutuklasan nilang hindi lamang negosyo ang dahilan kung bakit sila pinagtagpo ng kanilang mga pamilya. May isang lihim na koneksyon sa pagitan ng kanilang mga magulang. Isang pagtataksil. Isang trahedya. At isang kasalanang naghintay ng maraming taon upang singilin sila. Habang pilit nilang nilalabanan ang damdaming hindi dapat umusbong, mas lalo silang hinihila ng tadhana palapit sa isa't isa. Ngunit paano kung ang mismong pagmamahalan nila ang bunga ng mga kasinungalingang sumira sa dalawang pamilya? Paano kung ang lalaking unti-unti mong minamahal ay bahagi ng nakaraan na matagal mo nang sinusubukang takasan? At paano kung ang tanging paraan upang maging masaya ay ang piliing mahalin ang taong hindi mo dapat mahalin? Sa pagitan ng galit, paghilom, obligasyon, kalayaan, at ng nakaraan at hinaharap, susubukin nina Cielo at Aelion kung sapat ba ang pag-ibig upang putulin ang siklong matagal nang bumihag sa kanilang mga pamilya. Dahil minsan, ang pinakamalaking trahedya ay hindi ang mawala ang taong mahal mo. Kundi ang matagpuan siya sa panahong hindi mo na dapat siyang mahalin.

Akala ni Emery nasa kanya na ang lahat ng pinapangarap ng isang babae—ngunit nagkakamali siya. Sa loob ng limang taon, minahal niya si Weston kahit harap-harapan siyang niloloko nito. Tinanggap niya lahat kahit pa malaman niyang kabit nito ang bestfriend niyang si Ravia Salvador. Nang igiit ng lolo ni Weston ang pangangailangan ng tagapagmana, kumapit si Emery sa pag-asang mabuntis ng anak ni Weston, kaya tinanggap ang IVF at naniwalang iyon na ang simula. Naging matagumpay ang procedure, at nabuntis si Emery ng kambal. Ngunit gumuho ang lahat nang marinig niya ang lihim na usapan nina Weston at Ravia. Ibinunyag ni Weston na kay Ravia umano ang egg cell na ginamit sa IVF. Agad na hinarap ni Emery ang doktor. Doon niya nalaman ang buong katotohanan: kanya ang egg cell, ngunit nagkamali sila ng semilyang ginamit. Nagmula iyon sa isang anonymous donor, si Zion Laurent del Fierro—isang billionaire, makapangyarihan at ang… ex-boyfriend niya! At malala pa roon, hindi pala sila legal na mag-asawa ni Weston. Pineke nito ang kanilang marriage certificate para maagaw ang mana ni Emery—ang Armani Group ng kanyang yumaong ama—para tuluyang maupo bilang chairman. Doon nagising si Emery. Nagpasya siyang maghiganti. Handa na sanang lumaban si Emery, nang matuklasan niyang ang kontratang pinirmahan niya noon ay naglipat ng lahat ng kanyang ari-arian kay Weston. Sa isang iglap, nawala kay Emery ang lahat. At nang akala niyang wala na siyang pag-asa, muling lumapit si Zion sa kanya. “Marry me instead, and I’ll give you the power to destroy them.” Marahang hinawakan ni Zion ang kanyang baba. “You’re carrying my twins, Emery. And if you want my power, there’s one condition…” Napakunot-noo si Emery. “What?” “Kailangan nating ituloy ang natitirang labing-isang embryo.” Handa ba si Emery sa kondisyong labing-isa pang dagdag sa dalawang dinadala na niya?

Si Sophia Florence ay isang napakagandang babae na may pusong handang magsakripisyo para sa pag-ibig. Limang taon niyang inialay ang kanyang buhay kay Wright William, ang gwapong CEO ng Wright Trading Inc.—isang self-made billionaire na hinubog ng ambisyon at sakripisyo. Ngunit sa kabila ng kanyang tagumpay, ang kanilang kasal ay isang lihim sa mata ng mundo. Si Sophia ang lihim na asawa, ang babaeng laging nasa anino, patuloy na nagmamahal sa isang lalaking hindi kayang ibigay ang buong pagmamahal sa kanya. Sa kanilang ikalimang anibersaryo, pumasok si Sophia sa Wright Tower, dala ang homemade lunch at isang malaking lihim—siya ay buntis. Ngunit sa isang iglap, nagbago ang lahat. Sa gitna ng grand marble lobby, nakita niyang hawak ni Wright ang kamay ng isang babae—si Jane Clyde-Wright, ang "opisyal" na asawa sa mata ng publiko. Ang sakit na dulot ng katotohanan ay parang isang matalim na kutsilyo na sumaksak sa kanyang dibdib, habang siya'y umiiyak, nagiging multo sa sarili niyang kasal. Sa pinakamadilim na sandali ng kanyang buhay, lumitaw si Teddy Smith, ang misteryosong business partner ni Wright—gwapo, mayaman, at puno ng galit para kay Wright. Ibinukas ni Teddy kay Sophia ang pinto ng paghihiganti, ngunit sa kanilang paglalakbay ng lihim na pagmamahal, nagsimulang matuklasan ni Sophia ang mas malalalim na lihim na nagtatago sa kanyang pamilya at ang tunay na motibo ni Teddy. Habang ang mga lihim at pagnanasa ay lumalalim, natutuklasan ni Sophia ang mga madilim na katotohanan bakit itinago ni Wright ang kanilang kasal? Ano ang tunay na layunin ni Teddy? Sa bawat hakbang patungo sa katarungan, kailangan niyang magdesisyon: Mananatili ba siya sa sakit ng nakaraan, o susunod siya sa mapanganib na pag-ibig kay Teddy, na may panganib na magbigay ng kaligtasan... o magdala sa kanya ng kapahamakan?