الفصل ٥

وفجأة قطع حديثهم رنين هاتف عبد الرحمن برسالة من مجهول نصها: "بنتك في البيت رقم ٣ في شارع ..... في منطقة ......" جحظت عيناه، ولم يستطع الرد على سؤال أدهم: "مالك يا عمي؟ في إيه؟" بل أعطاه الهاتف. أسرع أدهم ينقل الرقم ليطلبه فصار غير متاح، فألقى الهاتف وقاد بجنون حتى وصل للبيت المهجور.

أسرع يجري يسبق عمه، وصعد للدور الثالث ليجد باباً مغلقاً فكسره كالثور الهائج، ودخل وخلفه عمه ليجدا حنين مستلقية على سرير قديم، ممزقة الملابس وجسدها عارٍ! بدأت تستفيق وتفتح عينيها لتجدهم أمامها، ومن هول الصدمة لم يتفوه أحد بكلمة. حاولت حنين أن تعتدل لتغطي جسدها العاري بملابسها الممزقة الملقاة على الأرض دون جدوى.

شعر عبد الرحمن بدوار كاد يسقطه، فتمالك أدهم أعصابه ولحق به قائلاً بهدوء:

— امسك نفسك يا عمي لازم نروح على أقرب مستشفى لازمن نطمنوا عليها.

خلع أدهم عباءته ودثرها بها، وانتفض جسده حين لمس كتفها العاري لأول مرة وهي تبكي، ثم حملها فتشبثت بجلبابه وأخفت وجهها في صدره رعباً من نظرات والدها الذي وثق فيها. وتوجهوا بها للمشفى، لتصبح حنين الآن مع الطبيب داخل غرفة الكشف يجري عليها فحصاً كاملاً.

خلف باب غرفة الكشف المغلق، ينتظر أدهم وعمه تقرير الطبيب الذي سيحدد مصير العائلة؛ فهل سيسكت أدهم الصعيدي الثائر أم سينطلق لغسل عار حنين بالدم؟

في بيت عبد الرحمن، كادت منى أن تصاب بالجنون من شدة القلق؛ لم يخبرها أحد ماذا حدث لابنتها، حيث رفض زوجها مرافقتها له ولكنه وعدها بأن يبلغها فور الاطمئنان عليها. توضأت وتوجهت لصلاة قضاء الحاجة، وجلست على السجادة تبكي بانهيار تدعو الله أن تنجو ابنتها. وفجأة رن هاتفها، لتجيب مسرعة والدموع تغرق وجنتيها:

— عبد الرحمن، بنتي فين؟ لقيتوها؟

عبد الرحمن بصوت مكسور:

— آه يا منى لقيناها.

منى بلهفة:

— بجد؟ طيب هي فين هات أكلمها؟

عبد الرحمن:

— مش هينفع دلوقت يا منى.

منى:

— طيب قولي انتوا فين وأنا أجيلكوا؟

عبد الرحمن:

— آني هجيبهالك لحد عندك بعد شوي، خليكي ف البيت.. سلام دلوقت.

وفي المشفى، خرج الطبيب من غرفة الكشف وطلب التحدث مع الوالد على انفراد قاصداً مكتبه:

— البنت للأسف تم الاعتداء عليها، ولازم نعمل محضر بالواقعة.. مين اللي عمل كده؟

فاضت دموع عبد الرحمن واختنقت الحروف الصعبة بين شفتيه ليجيبه بكسرة:

— يا ابني آني دكتور ف الجامعة ومش عاوز شوشرة ولا فضايح، وآني زي والدك واعتبرها زي أختك، آني مش عاوز محاضر يا ابني.. اعمل معروف ولك عليا هآخدها وهمشي فوراً من هنه ومش هتشوفنا هنا تاني.

تردد الطبيب قائلاً:

— بسسسس، دي مسئولية يا دكتور وحضرتك عارف أنا مقدرش أعمل كده، لازم نثبت اللي حصل في محضر رسمي وإلا أنا ممكن أتأذى في شغلي!

هتف عبد الرحمن بأسى:

— يا ولدي اعمل معروف آني راجل صعيدي، ومن عيلة كبيرة لها اسمها في الصعيد، ولو الموضوع انتشر في البلد يبقى سمعة عيلتي اتلطخت في الوحل والشمتانين كتير يا ولدي.. وآني معرفش مين اللي عمل أكده، ولو أعرفه مش هستني الحكومة!

رقّ قلب الطبيب لحاله وأجاب مسرعاً:

— طيب بسرعة قبل ما ييجي الدكتور اللي هيستلم مني لأنه رخم ومش ممكن هيسيبكم تمشوا أبداً من غير محضر.. تآخدها حالاً وتمشي، وأنت مجتش هنا ولا شوفتني وأنا لا شوفتك ولا شوفت بنتك.

رد عبد الرحمن بامتنان وهو يغادر مكتبه:

— حالاً يا ولدي، همشي بيها حالاً.. جميلك في رقبتي ليوم الدين، مستور يا ولدي دنيا وآخره.

أسرع يتوجه نحو أدهم قائلاً بوجل:

— ياله يا ولدي نمشوا من هنيه بسرعة.

دخلا معاً إلى حنين، وهتف أدهم بخشونة تخفي وراءها حزناً دفيناً:

— قومي بسرعة هنمشوا من هنيه.

ثم حملها بين ذراعيه كطفلته الصغيرة، بينما سالت دموعها المغرقة لوجنتيها بعد أن صارت كالوردة الذابلة. توجهوا جميعاً للبيت في صمت تام، حيث سادت لغة العيون الممتلئة بالقهر والمفاجأة.

وما إن وصلوا إلى الشقة، حتى جرت حنين تختبئ في غرفتها خوفاً من بطش والدها، فلحقت بها منى المذعورة. ارتمت الفتاة في حضن والدتها، منكمشة على ركبتيها تضمهم إلى صدرها وهي تبكي بكاءً هستيرياً، فاحتضنتها منى متسائلة برعب:

— حنين، بنتي.. مالك ردي عليا في إيه وفين هدومك؟ وشعرك ليه متبهدل كده؟ يا بنتي اتكلمي!

أجابتها حنين بشهقات متقطعة:

— أنا.. أنا معملتش حاجه يا ماما، معملتش حاجه والله ما عملت حاجه ولا عارفه حاجه!

بين براءة حنين الضائعة وصدمة أمها المنهارة، يقف عبد الرحمن وأدهم خلف الباب المغلق؛ حيث تبدأ ملامح الثأر الصعيدي في التمخض عن بركان غضب لن يرحم أحداً!

في الخارج، جلس عبد الرحمن يخبط رأسه بيديه ينعي حظه:

— بتي خلاص لطخت اسمي وسمعتي ف الوحل! آني لازم أخلص منها، لازم أغسل عاري وادفنها بيدي عشان أعرف أرفع راسي تاني بين الناس.. ااااااه يارب، آني عملت إيه في حياتي عشان بتي تعمل فيا أكده؟!

وبدون تفكير، قام كالوحش الكاسر، ركل الباب بقدمه وانقض على حنين ينهال بالصفعات واللكمات على وجهها لتصرخ مستغيثة:

— اااااه.. يا بابا أنا معملتش حاجه والله أنا معملتش حاجه، اسمعني أنا هحكيلك كل حاجه!

أسرع أدهم يبعده عنها والألم يعتصر قلبه، بينما اندفعت منى تبكي بانهيار:

— في إيه؟ فهمني في إيه؟! وبنتي كانت فين وأنت جبتها منين؟! فَهِّمْنِي بنتي مالها وإيه اللي حصلها؟! انتفض عبد الرحمن مجيباً بغضب عارم: — بتك وسختني وجابتلي العار.. كسرت ضهري!

هربت حنين لخارج الغرفة، فلحق بها عبد الرحمن وانهال عليها بالضرب يركلها بيده وقدمه، ثم أمسكها من رقبتها يكاد يخنقها ويزهق روحها ليخلص من عارها، فتدخل أدهم بقوة وأبعد يده عنها هادراً:

— لاه يا عمي حرام عليك أكده، اللي حُصل إحنا نصلحوه ومحدش هيعرف حاجة، هدي حالك وكل حاجة وليها حل.

اقتربت حنين من أدهم، ولمست يده لأول مرة تستنجد به؛ فسرت قشعريرة في جسده من لمسة يدها الصغيرة التي اختفت بين كفيه، وتوسلت بدموعها:

— الحقني يا أدهم، أبوس إيدك الحقني، أنا والله معملتش حاجه!

اختبأت خلف ظهره لتحتمي به، وحاول عبد الرحمن الوصول إليها، ليفاجئه أدهم باحتضان حنين وإغلاق ذراعيه عليها لحمايتها متمنياً لو يشق صدره ويخفي جسدها النحيل بين ضلوعه، ثم صاح بحسم:

— آني هتجوزها يا عمي.

ساد الصمت الموقف إلا من صوت بكائها. رفعت عينيها لتلتقي بعينيه عن قرب لأول مرة، فحدثها بنظراته عاتباً: "كسرتيني وأنا اللي عشقتك يا حنين".

نظرت إليه بخوف ووجع، وهزت رأسها معلنة الموافقة كأنه طوق النجاة، وتشبثت بجلبابه تخفي رأسها في صدره وتغسله بدموعها، فضمها أدهم هامساً:

— متبكيش يا بت عمي طول ما آني موجود على وش الدنيه.

همست حنين:

— والله ما عملت حاجه.

نظر عبد الرحمن لأدهم بذهول:

— أنت بتقول إيه يا ولدي؟ وذنبك إيه في العار يلحق بيك؟ أدهم بشهامة:

— أنا هتجوز بت عمي، العار إني أسيبها للكلاب تنهش فيها وآني فيا نفس.. بت عمي عرضي وآني أولى بيها، ومحدش هيعرف حاجة، وبكده يبقى سترنا بتنا وسترتك من العار يا عمي، ووعد قدام ربنا هحطها في عيوني ومحدش هيدوسلها على طرف طول ما هيا معاي.