الفصل الثاني

هيما من وراهم سمعه أستغرب : ليه يا أبني متسبها نايمة

رأفت : خلاص دخلين على المدينة نفسها بصحيها تربط حجبها كويس شعرها كله خارج منه هتزعل وتضييق لو أنا سبتها كده مصحتهاش تشيله 

هيما اتنهد بغيظ : وانت بقي هنا هتصحيها بس علشان خايف هي تزعل منك ولا علشان أنت راجل وعندك نخوة كده مترضاش لحد أنه يشوف شعره واحده من شعر مراتك هااااه رد عليه (قالها بعصبية)

رأفت اتنهد بضيق : عايزة أعرف بس لحد امتي أنا هتحمل تلمحاتك السخيفة

رجع تاني لمراته بيحرك أيده على خدها  بهدوء : روشتي قومي يا قلبي

هيما هيموت من غيظه ووفاء بتهدي بس مافيش فايدة همس بغيظ : صبرني يا رابي إنا أية اللي جبني مع البنى ادم البارد ده

قال روشتي قال مصيبه وتحدفت علينا

وفاء سمعه همسه وميته من الضحك عليه

****

روحو البيت كل واحد فيهم روح على بيته

في شقة هيما

هيما شايف جوه عيونها حيرة واسئله كتير وعلي لسانها كلام ملوش نهاية ،وهو عارف الكلام ده كويس اللي عايزة تقولة وبيتهرب منه

ف أول مدخل شقتة دخل اخد حمامه وطلع نام على طول ، وفاء زيه خدت حمامها وطلعت بتسرح شعرها قدام تسريحتها وشايفه صورته في المراية قدامها مغمض عيونه بس مش نايم هو بيتصنع النوم ، اتنهدت تنهيده طويله وقامت من مكانها وقفت قصادة بعد مخلصت لم شعرها : هيما عارفه أنك صاحي ممكن نتكلم شوية؟

هيما بتعب هو بيتصنعه بيهرب منها  : معلش حبيبتي نأجل كلامنا وقت تاني انا جاي تعبان من السفر

وفاء اتنهدت بحزن لتاني مره وطفت نور الابجورة ونامت وهي عطياه ظهرها مفيش ثانية وكان وخدها في حضنه بصلها بعتاب في عتمت الليل مفيش نور غير نور وشها وهمس : لية عايزه تناميوهمس : لية عايزه تنامي بعيد عن حضني ؟ كام مرة أقولك إن حضني هو سريرك ودراعي هي مخدتك!

وفاء بصوت مبحوح على وشك البكاء كلامة جميل و نبره صوته صادقه جدا لدرجة خلت الدموع اتجمعت في عيونها همست بخفوت : ماانت بتقول تعبان يا هيما

هيما بيشيل باايده شعرها من على خدودها وميل باسها برقه وبيحرك ايدة على خدها بنعومه وحنان : وانتي من كل عقلك تشوفيني تعبان تبعدي عني ؟

دانا لو مت يا وفاء  (وفاء هنا شهقت بصوتها كله وحطت أيدها على شفايفه تمنعه يكمل وبلهفه : بعد الشر عليك )

هيما باس أيدها اللي على شفايفه وكمل بأصرار : لااا لازم أقولها علشان تفهميها كويس ومتحاوليش بعد كده إنك تبعدي عني أبدا مهما حصل ، اسمعي

انااا لو مت يا وفاء هاااه مت وجيتي إنتي في حضني وقعدتي هتلاقي الروح  اتردت فيا من جديد ورجعتيلي الحياة ، حضنك الحياة  بالنسبة لي! .. نفسك ودفاه  أكسجينى  واوعي تاني مرة تنامي بعيد عن حضني!

وفاء دموعها نازله منها بصمت متأثره بصدق مشاعره همست من وسط دموعها : بحبك أوي يا هيما

هيما بعشق : وأنا بموت فيكي ، بعشقك ...

وبزعل جدا وبضايق أوي لما بتشككي فيه ولا متصدقهوش

علشان كده اتنرفزت عليكي في العربية

اناااا بحبك لا حبيت قبلك ولا بعدك ياريت تفهمي ده كويس

وفاء بمشاكسة : يا سلااام

عايز تقولي واحد زيك في وسامتك وقدامه بناات حتته أشكال وألوان اللي  كانو هيموتوا عليه (هيما قاطعها بمشاكسة بيحرك ايدة على خدها ) وسامتى  هو انا وسيم؟؟

وفاء بتبعد ايدة عنها وبأرتباك وصوت متقطع تأثير حركت ايده على بشرتها بنعومه وبمنتهى الرقه والحنية : ي يو يوووه بقا يا هيما خليني اكمل

هيما شال ايدة من عليها : هههههه أهو كملي  بعشق كسوفك وخجلك ده وكأنك بنت ١٤ سنه مش دكتورة قد الدنياااا !

وفاء بصتله بحب : وأنا بعشقك أنت

هيما باسها من خدها : حبيبة قلبي القمر بتاعي كان عايز يقول إيه وانا قاطعته؟ اللي عايزة تعرفيه عنيا أنا معنديش أي حاجة أخاف منها

كنتي بتقولي واحد في وسامتى وجبتي سيرة كده عن بنات حتتي ،

أحب أقولك أنهم كلهم كنت ببصلهم على أنهم إخواتي  كنت أخاف أرفع عيني علي واحده منهم لا أكون خاين ..خان حق الجيره والعشرة

والعيش والملح

والحمد الله أني مشاعري متحركتش لأي واحده فيهم وقتها بصراحه مكنتش هعرف هتصرف إزاي؟

أروح مثلا أقول لصاحبي ولا  لجاري أنا حبيت بنتك ولا  أختك وعايز اتجوزها؟ لااااا لااا الحمد الله

أنا طول عمري بغض بصري عنهم

وفاء بستغراب شديد : طيب وفيها إيه لما تطلب إيد اخت صاحبك ولا بنت جارك ؟

هيما : معرفش  ...أهو كنت بستبعده وخلاص الموضوع ده

(كمل كلامه بمشاكسة) وبعدين إيه بقي؟ وأنا لو كنت حبيت واحدة من بنات حتتنا ، كنت هشوفك واقابلك واتجوزك إزاي ؟ولا حضرتك ندمانه ومستغنيه عني  كمان شكلك كده هههههههه

وفاء بصدمه شهقت بصوتها كله : انااااااا ، اخس عليك

طيب دا انا بموت كل مفتكر كانوا بيبصولك إزاي؟