Todos los capítulos de سجينتي الحسناء: Capítulo 21 - Capítulo 30

سمع جمال ما يكفيه ليعلم أنهم يتعاملون مع شخص كاذب ومحـنك بالتمثيل والتلاعب بالآخرين، فأخذ عقله يعمل كالحاسوب حتي يفكر بكيفية استخدام ما علمه اليوم بالقضية، فقرر الذهاب لسعد الدين المحامي أما سعد الدين فكانت طرقه مغايرة وأكثر حرفية ودهاء، فهو ذهب لأحد رفاقه ممن يعملون بالنيابة، وبالاتفاق مع محقق المباحث ذهب معهما لمسرح الجريمة وطلب إحضار تسجيلات كاميرات المراقبة ليبدأ بتمثيل الواقعة والأحداث كما قصتها عليه دارين بالضبط، مع دمجها بتقارير المعمل الجنائي وأيضًا شهادات الشهود الصحيحة منها والباطلة أيضًا. تعجب رئيس النيابة من رغبته بتقصي الحقائق خلف الشهادات الموجهة بحق موكلته، فقال بفضول: هتستفيد إيه يا سعد من أقوال شهود الضد؟ ابتسم له بمكر وأجابه بحنكة: لأن أي كدبة هي في الأساس مبنية علي حقيقة، يعني من الآخر في أي أقوال من اللي قدامك واللي تبان إن كلها بتتهم موكلتي هتلاقي في النص حقايق نقدر نطلعها من وسط الكدب، وساعتها لما نجمع كل الحقايق دي هنوصل مش بس للبراءة، ده إحنا ممكن نوصل للجاني كمان يا باشا ابتسم له رفيقاه وبدأ بتمثيل الواقعة بعد أن راجع كل التسجيلات، وجلس يشرح ب

نظرت لها بازدراء وأضافت: المرة الجاية لما تحبي تموتي نفسك ابقي اقطعي شرايينك بالطول مش بالعرض، كده مستحيل حد يلحقك، إنما اللي بالعرض ده بتاع العيال الهايفة اللي بتهدد وبس نظرت لها بحيرة، فكيف لملاك الرحمة أن تقول لها تلك الأمور؟ وربما جهل بعض الناس بتلك المعلومة قد ينقذ حياتهم، فما الداعي لإخبارها بطريقة الانتحار الصحيحة؟ فشعرت بغرابة، بينما تابعت الأخرى: سبتي الدنيا كلها وروحتي تحبي واحد متجوز، خلاااص من قلة الرجالة! قالت بدهشة: وإنتِ إيه اللي عرفك بالحكاية دي؟ ابتسمت بمكر وأجابت: أنا مرسال من أكرم بيه..... بيقولك يا ريت المرة الجاية تموتي نفسك بجد وتخلصينا منك خالص، ولو فكرتي تفتحي الموضوع إياه تاني مرة، فزي ما عرف يوصلك الرسالة دي هيعرف يوصلك الجحيم وإنتِ في مكانك هنا أتمت جملتها وخرجت من الزنزانة، ودارين مدهوشة مما سمعته، فكيف استطاع خداعها كل ذلك الوقت بقناع الحب والبراءة؟ والأكثر من ذلك كيف استطاع أن يدس من تكون عينًا عليها لتخبره بتفاصيلها؟ والتي علمت من معاون السجن أنه لم يتم عمل محضر بمحاولة الانتحار حتى لا يضاف لملفها، وذلك طلبًا من مأمور السجن إكرامًا

ابتسمت وهي تنظر له بغل وقالت: أوعى تفتكر إني عايشة بره ومعرفش حاجة من اللي بتحصل هنا، من ساعة ما دخلت بينا وفرقت بين بابي وأونكل وخليتهم يصفوا الشراكة بينهم، وأنا متأكدة إنك السبب ورا اللي أونكل عمله، وإنك خليته ياكل حق بابي لمعت عينه بوميض غاضب، ووقف من مكانه يصرخ بها: إنتِ أكيد بتهرجي، أنا مليش دخل بحاجة أومأت تؤيده قائلة بخبث: وأنا مصدقاك، وعمومًا أنا وإنت هنخرج من الليلة دي كسبانين، ده طبعًا بعد ما أونكل كتب كل ثروته باسم چيچي أردف بضيق: وبعدين!! أجابته ببرود: خلي المحامي بتاعك يقعد مع المحامي بتاعي عشان يخلصوا إجراءات استلامي للورث، ده طبعًا بعد ما يعمل حصر لكل أملاك المرحومة ثم قوّست فمها بسخرية لاذعة وهي تقول: حتى المجوهرات بتاعتها وبتاعة مامتها الله يرحمها اللي في خزنة البيت انتبه لما قالته، فظل جامدًا وهو يستمع لها تقول: في اللحظة اللي أنا فيها دي معاك... في قوة نازلة تعمل الحصر والجرد عشان أضمن حقي وقفت تطلق شعرها بيدها للخلف بطريقة استفزت ذلك الجالس على جمرات من النيران، وانطلقت للخارج وهي تقهقه ضاحكة بخلاعة قائلة: باااي يا أكرم

صمت ونظر للنيابة وقال عارف إن النيابة هتوقفني وتقولي إن البواب شهد بأنها كانت خارجة بتجري، طيب حسبناها بالجري ولقينا إنها تاخد من دقيقتين لـ3 دقايق، يعني معنى ذلك عشان تكون موكلتي قتلت المجني عليها لازم تكون قتلتها بمجرد ما أنهت المكالمة مع زوجها، وده شيء مش منطقي نظرًا لشكلها الهزيل وقصر قامتها مقارنة بالمجني عليها يا فندم، على الأقل هيكون في مقاومة نظر له القاضي وقال عندك حاجة تانية يا متر عايز تضيفها؟ أومأ وقال عايز أستدعي جوز المجني عليها لسؤاله يا فندم وافق القاضي وقام باستدعائه، فوقف يؤدي القسم والله العظيم هقول الحق وبعد دباجة البيانات سأله سعد الدين أنا طبعًا مش هسألك عن توقيت دخولك الڤيلا لأنه مثبت بالكاميرات، وأكيد مش هتكون مركز أوي فيه، بس حابب تحكي لهيئة المحكمة بالتفصيل من لحظة دخولك وحتى اتصالك بالبوليس ارتعد قليلًا ونظر خلفه لمحاميه الذي ابتسم له يحثه على الحديث، فهو قد دربه على ظبط نفسه تحسبًا لاستجوابه مرة أخرى، فقال برهبة زي ما قولت قبل كده في النيابة وفي المحكمة، بعد ما قفلت مع چيهان الله يرحمها سوقت عربيتي بسرعة عشان ألحق أوصل وأشوف

قالت إحدى السجينات باستهزاء: كلنا عارفين باللي بينك وبينه يا عنيا، ده غير الشاويش سماح اللي واقفة على مكتبه وبتشوفكم دايمًا في أوضاع استغفر الله ابتلعت لعابها بغصة ألم لما سمعته، هل سيصل بها الأمر أن تُشوه سمعتها لهذا الحد؟ يعلم الله أنها لم تكن أبدًا تلك الفتاة اللعوب، ولا حتى من الفتيات اللاتي يصادقن الشباب أيام الجامعة، ولكن أوقعها القدر ببراثن ذلك الذئب الذي انتهكها بشرعية الزواج المدبر. هي رأت اهتمامه بها، وربما قرأت نظراته الوالهة، وتصنعت عدم الفهم، أو ربما خانها ذكاؤها وظنت أنه اهتمام بقضيتها، لكنه لم يتجاوز معها أبدًا بأي شكل، فما تلك اللعنة التي ترددها تلك المعتوهة ومن معها من أتباعها؟ انتفخت فتحتي أنفها بالغضب وهي تصرخ بهن: حرام عليكم رمي المحصنات... إنتوا إيه متعرفوش ربنا؟ ضحكن بسوقية وابتذال، فجهزت نفسها لعراك ومشاجرة عنيفة تثأر بها لشرفها، وليكن ما يكون حتى وإن كانت ستزهق روحها. همت بالانقضاض عليهن، ولكن صوت مكابح السيارة وتوقفها فجأة جعلهن يسقطن جميعًا فوق بعضهن، فخرجت منهن صيحة عالية مفاجأة لذلك. سمعن أصوات طلقات نارية ووابلًا من الرصاص، فانبطحن أ