Todos los capítulos de سجينتي الحسناء: Capítulo 41 - Capítulo 50

لمعت عيناه بالغضب، وأنذرت ملامحه بخروج نيرانه المشتعلة، فهس بصوت حاد جازًا على أسنانه: اللي أقول عليه يتسمع يا دارين، لما أقول الموضوع هيخلص من غير شوشرة يبقى يخلص من غير شوشرة، عشان لا أنا ولا انتي في حاجة للمشاكل والمحاكم اللي حبالها طويلة وهتاخد وقت لحد ما اللي انتي عايزاه يتعمل، ولا أبوكي وأهلك حمل مصاريف قضية تانية، ولا هيستحملوا اللي هيحصل من رد فعل الناس في قضية زي دي، فاعقلي كده يا حبيبتي وخلينا نخلص بسرعة عشان أنا مستعجل أنهى كلماته التي بدأت بحدة بغمزة مرحة، فابتسمت رغمًا عنها، ثم وبخت نفسها، كيف يستطيع أن يرسم البسمة بذلك الشكل على وجهها؟ فقالت: طيب ربنا يحلها من عنده، بس عشان خاطري يا سيف خلينا نتكلم أكتر، يا أقنعك يا تقنعني ابتلع لعابه متأثرًا وقضم شفته السفلى ما إن نادته باسمه، فيبدو أنه سيكون البلسم لجراحه والدواء لدائه، فقال بصوت خافت: قوليها تاني كده أجابته بدلال متعمد: عشااان خاطري يا سيييف أغمض عينيه وتمتم: سيف اللي طالعة منك تجنن دي، ممكن بيها تاخدي عنيا الاتنين وأديهوملك وأنا مبسوط وراضي، وشكلها كده هتبقى نقطة ضعفي ضحكت برقة، فأضاف:

نهض من مكانه ببطء وانتظر ليستمع لباقي حديثه، فأضاف: الفيديو فيه أكرم وهو بيحط حاجة في قهوة والد المجني عليها، وبعدها بنص ساعة عمل حادثة بالعربية ومات. لمعت عيناه بالدهشة، ليكمل المحامي الذي يعمل لديه: أنا متأكد يا فندم إننا لو طلبنا تشريح الجثة هنلاقي آثار في جسمه من المادة اللي اتحطت في قهوته. أجابه سعد الدين: أولًا أبوها ميت من سنة تقريبًا، تفتكر الطب الشرعي هيقدر يلاقي حاجة؟ أومأ بعدم معرفة، فأردف: على الأقل نحاول، عشان لو حاول يفلت من القضية التانية يلاقي دي قدامه، وساعتها يبقى حبل المشنقة مستنيه. أخذ يفكر ثم اتخذ قراره وقال: اللي يقدم الدليل ده بالمستند بتاعه لازم يكون حد من أقارب المتوفى. أمسك هاتفه وبحث عن رقمها، وضغط زر الاتصال، فأجابت نيللي برقتها التي تهز كيانه: ألوو. ابتسم فور أن استمع لصوتها، وحاول قدر الإمكان أن يتحدث بجدية فقال: تقدري تجيلي المكتب، في حاجة مهمة جدًا وضروري نتكلم. اعتذرت عن المجيء متحججة: أنا عندي ميتنج مهم وبعيدة خالص عن وسط البلد ولسه قدامي ساعة على ما أخلص، ما حضرتك عارف إن شغل الشركة كله بقى تحت إدارتي من سا

أومأ مصدقًا على كلامها، فوضعت كفها على فمها تكتم شهقة كادت أن تخرج منها، ثم عادت تسأل بعد أن تداركت نفسها قليلًا: أكرم؟ أجابها باقتضاب: آه. زفرت حانقة وقالت بغضب: أنا عايزة أشوفه وهما بيعدموه يا سعد، من فضلك اقف جنبي. حسنًا، انفصل هو للتو عن عالمه وحوصر بداخل الأحلام، هل فعلًا نطقت اسمه الآن مجردًا من الألقاب، بل وترجته للوقوف إلى جوارها؟ تجرأ قليلًا ومد ساعده يضع كفه على راحتها يواسيها برقة ويعطيها إحساسًا بالأمان وقال: متخافيش، أنا معاكي في كل خطوة. شعرت بالحرج من لمساته لتراه عيناها كما لم تره من قبل، فما لعنة وسامته بعد أن تخلى عن نظارته وتسفيفة شعره التي تجعله يبدو بالخمسين من عمره، بل وزيه العصري، فبالرغم من ارتدائه لبدلة رسمية إلا أن تصميمها عصري وراقٍ، عكس بدلاته التي يرتديها أثناء العمل ذات الطراز القديم. رفعت وجهها بخجل تنظر له، فوجدته محدقًا بها بطريقة ثابتة وقال بتأكيد: نيللي، أنا معجب بيكي. انتظر ردها، ولكنه لم يأتِ، حيث قاطعه رنين هاتفه المستمر، فنظر إلى شاشته ليجده سيف، فزفر حانقًا وأجاب: اتفضل يا باشا. ظهر صوته المتعب والمنكسر ب

زفر حانقا وأصر بقراره نفسه أنه لن يوافق أبدا على تلك المشاعر مهما توسلته هي أو قدم هو من تنازلات، فيكفيهم عقبات ما حدث حتى الآن. ولكنه لن يتحدث الآن، فليطمئنوا عليها أولا، وربما لتنال براءتها، وبعدها يأخذ موقفه بطريقة صارمة. •••• استغل علاقاته وصلاته الواسعة حتى يستطيع الذهاب بزيارة استثنائية لها برفقة نيللي التي ترجته للذهاب معه لزيارتها. دلف بعد أن استأذن، ليجد سيف بهالته وطلعته التي توحي أنه خرج للتو من عزاء شخص قريب لقلبه، فشعر بمدى قوة مشاعره تجاهها. تنحنحت نيللي وهي تنظر لتلك المسجاة على فراش المرض، وقالت بأسف: ألف سلامة عليكي أومأت بصمت، وأطرقت عينيها لأسفل، فعادت تؤازرها: والله سعد الدين شغال على القضية، وهتخرجي براءة إن شاء الله، تصدقي إنه طلع له يد في موت عمي أبو چيچي الله يرحمها، أنا مش مصدقة نفسي بصراحة، إزاي واحد زيه يطلع منه كل ده و...... ظلت تثرثر وتثرثر، ودارين فقط تستمع لها، فنظر سعد الدين يغمز بعينه لأهلها، ففهموا أنه يريد محادثتهم. خرجوا للاستراحة، واستهل حديثه بتمني الشفاء العاجل، وأكمل: أنا لسه راجع من النيابة، عملت تأجيل للتحقيق بتاعها عشان

أتم جملته وكأنه يؤكد لوالدها بأنه لن يقبل الرفض، فنظر له هشام بتفحص، وقال:بس لو ده حصل هيبقى بالأصول.أومأ موافقا، فعاد هشام يؤكد:يعني هتجيب أهلك، والموضوع هيبقى علني، وهنعمل فرح وكل حاجة عشان نسكت بيها لسنة الناس اللي نهشت في سمعتها.عاد يومئ بالموافقة مؤكدا:هعمل كل اللي إنتوا عايزينه.تنفس هشام براحة قليلا بعد أن شعر بجديته وعدم تلاعبه، ولكنه اتخذ على عاتقه أن يسأل عنه متحاشيا ذلك الخطأ الذي وقع به في زواجها من أكرم.••••طرقات متتالية على الباب دفعت الخادمة لتسرع بفتحه، فوجدته يقف أمامها بزيه العسكري، وتسائل:اللوا طلعت موجود؟خرج صوت طلعت المرحب بمأمور السجن، رفيقه القديم:يا أهلا يا أهلا يا باشا، عاش مين شافك.دلفا غرفة الضيوف، وبعد القليل من الحديث الودي، تطرق المأمور للأمر قائلاً:أنا كنت جايلك في موضوع يهمني زي ما هو يهمك.نظراته المتطلعة باهتمام جعلت الآخر يسهب بالحديث، ويقص عليه تورط ابنه البكر والذكر الوحيد له بقصة حب غير متكافئة، بل والأدهى أنه أخبره:كل ده مش مهم، لأن البنت فعلا واضح إنها بريئة، بس...تجهم وجهه، وهتف طلعت بحدة:هو لسه فيه بس؟أومأ، وأخ