Todos los capítulos de سجينتي الحسناء: Capítulo 31 - Capítulo 40

وقف بلهفة من مكانه، وتحرك ليجلس أمامها، وانحنى بجزعه للأمام مستندًا على فخذيه، وقال برجاء أرجوكي.... أنا فعلًا محتاج التسجيلات دي، انتي هتنقذي واحدة مظلومة أجابته بحدة أنا مش جاية هنا عشان أساعدك تظهر براءتها وبس، أنا الأهم عندي إنك تساعدني نثبت إن أكرم هو الجاني الحقيقي، وزي ما أنا متأكدة إنه هو اللي قتل چيچي، فأنا كمان متأكدة إنه ورا موت عمي.... فإيه رأيك! هتساعدني؟ أومأ موافقًا على الفور، فاتجهت ناحية مكتبه وجلست عليه، وفتحت الحاسوب المحمول الموضوع أمامها، وبدأت بإدخال بعض البيانات حتى فتحت تلك الحسابات الخاصة بوالدها الراحل، والتي أظهرت ساعات وساعات من التسجيلات. اقترب منها سعد الدين ينظر لها بإعجاب شديد لقوة شخصيتها ولباقتها وجمالها الأخاذ، فابتسمت عندما وجدته شاردًا بها، وطرقت على سطح المكتب بأظافرها المطلية بطلاء ملون حتى ينتبه لها، وهي تشير لشاشة الحاسوب. تنحنحت قليلًا وهي تقول طبعًا فيه ساعات من التسجيلات، انت بقا عليك تدور فيها على وقت الحادثة، وأظن إنها مش هتكون مهمة صعبة عليك قال بفرحة طبعًا طبعًا، أنا عارف وقت وقوع الجريمة بالساعة واليوم، يعني مش

أومال إيه؟ لو مشاعري دي من طرف واحد فأنا عارف ومقدر ده، بس مش طالب منك أكتر من إنك تعرفيها وتحطيها في حساباتك ولو ربنا أراد إنك تبادليني..... قاطعته مسترسلة: لا لا لا، غلط ومش هسمح أبدا إني أغلط الغلطة دي مرة تانية. بحذر وتعجب قال: غلطة؟!! أجابته ببكاء وعبراتها تنزل كفيضانات هائجة على وجنتيها: أيوه غلطة، أنت متجوز وعندك بيت وأسرة و..... قاطعها على الفور باقترابه منها وإمساك راحتيها معا بحركة غافلة شلت تفكيرها وأوقفتها عن الكلام مباغتةً، وابتلعت لعابها بتوتر من اقترابه بهذا الشكل. أما هو، فقد ابتسم بسمة ممزوجة بالألم والحزن وقال بصوت مجهد ومتألم: عيلتي..... صمت ليمد يده يمسك بالإطار الموضوع على مكتبه ويوجهه ناحيتها ويقول: نسرين مراتي، وحب عمري حبيتها وأنا لسه بدرس واتجوزتها أول ما اتخرجت من الشرطة وربنا رزقنا بعدها بميرا بنتنا. نظرت لعبراته المنسابة فتوجست برعشة، هي استمعت لنفس الأحاديث من قبل، أوقعها بها أكرم داخل شباكه، يحب زوجته وأسرته ولكنه وقع لها، فما العمل؟ نفس الفخ القديم. نعم، نفس الحديث الناعم بإخلاصه وحبه ما جعلها في السابق تقع بشباك تلك

قاطعها بحزم: مينفعش، انتي الشاهدة الوحيدة عليهم، حتى أنا شهادتي مجروحة لأني كنت مصاب ومشوفتش حاجة، فانتي في خطر، عشان كده أنا أقنعت المأمور إني آخدك بلبس مدني وتركبي عربيتي من غير حراسة، تمويه يعني. ابتسمت من مزحته بعد أن غمز لها بطرف عينه، فهتفت بدهشة: ووافق؟ أومأ لها مؤكدا: هو بنفسه قال لي إنك لو كنتي عايزة تهربي كنتي هربتي وقتها، وبعدين أنا كده كده عندي تحقيق أنا كمان. استدعى الحارسة لتعيدها لعنبرها، وهو في قمة سعادته، فالتفتت وهي ممسكة من قبل الحارسة تهتف برجاء: ممكن أطلب منك طلب؟ أجابها أمام الحارسة غير مهتم بردة فعلها: عنيا عشانك. ابتسمت بخجل وأضافت: ممكن تطمن بابا بالكلام بتاع المتر؟ أومأ لها والبسمة ترتسم على وجهه، وهتف بالحارسة آمرا: وديها العنبر بتاعها وارجعيلي عشان عايزك. أجابته بالموافقة والتحية العسكرية، واقتادتها سماح وهي تنظر لوجهها النضر والمصبوغ بحمرة غير عادية، فأخذت تتلذذ بالحديث: لاااا، ده الحكاية فيها إن كبيرة أوي وأنا لازم أفهم. امتعض وجه دارين وهي تهتف بتحذير: بلاش تدخلي في اللي ملكيش فيه. تعجبت من ردها وجرأته

صف سيف سيارته بعيدا قليلا عن مدخل البناية حتى لا يعيق حركة المرور، وظل يتصفح هاتفه، فلم ينتبه لوالدته التي دلفت برفقة خادمتها كزيارة دائمة منها لشقته في أوقات عدم تواجده لتنظيفها وتعطيرها. صعدت كعادتها وأدخلت المفتاح بالباب، ولكنها تفاجئت بإغلاق المزلاج من الداخل، فزفرت بضيق وهتفت: يوووه، ده سيف باين عليه جوه، مش هنعرف نخلص تنظيف وهو موجود. أجابتها خادمتها: متقلقيش يا ستي، أنا هعرف أنجز في السريع. أومأت موافقة وبدأت برن جرس الباب، فانتبهت تلك النائمة داخل المغطس لتنتفض بفزع وتهتف دون وعي: يا خبر أبيض، أنا نمت ولا إيه؟ وقفت من مكانها تبحث عن منشفة، فوجدت ردائين للاستحمام، وأدركت على الفور أن أحدهما يتبع زوجته الراحلة، فأمسكت خاصته ترتديه على جسدها المبتل وهي تهمس لنفسها: ده أكيد سيف بيستعجلني. هرعت للباب وقرع الجرس لا يزال على حالته، ووالدته تتسائل بتذمر: قافل على نفسك ليه طيب؟ فتحت دارين بلهفة ظنا منها أنه سيف وأنهما قد تأخرا على العودة، وربما قد تسببت بإيذائه بعمله دون قصد، لتتفاجأ بتلك السيدة الوقورة والتي يبدو عليها الشيب قليلا، وخلفها سيدة أخرى ملام

اقترب من باب غرفته ليطرق عليه، لكنه وجدها تقف، فابتسم لها وسحبها من يدها وهو يهمس لها برقة: متخافيش، الموضوع عدى، بس تعالي أعرفك على ماما وننزل على طول عشان اتأخرنا. أومأت بصمت وابتلعت لعابها بحرج، وهو يحاوطها من كتفيها ويقدمها لوالدته: دي تبقى دارين يا أمي. مدت ساعدها لتحييها، فقابلتها الأخرى بتحية مقتضبة، وهو يكمل: ودي يا ستي أمي، الأستاذة منار، المستشارة السابقة للقانون الجنائي، وتبقى حرم اللواء طلعت المهدي، والدي طبعًا. غادر الاثنان بعد أن ترك والدته بمنزله، وبدأ بالقيادة على عجالة وهو يعتذر منها: حقك عليا يا دارين، الموقف كان بايخ فعلًا، وأمي زودتها شوية. أجابته وهي شاردة بالنافذة التي تجاورها: معاها حق، وأنا فعلًا أسأت التصرف، وأي واحدة هتلاقي في بيت ابنها بنت واقفة بالبرنص يعني تقريبًا عريانة هتفكر كده وأكتر من كده، أنا اللي حطيت نفسي في موضع شبهة، بس صدقني يا سيف ما كانش قصدي أبدًا إني أخرج قدامها بالمنظر ده، هي اللي كانت بتخبط جامد أوي وأنا اتخضيت. لحظة! ماذا دعته؟ هل رددت اسمه دون ألقاب؟ هل حذفت لتوها الألقاب التي كانت تقف عائقًا بينهما؟ هل معنى هذ